Kalatea 5:19 - BII BILA

¹⁹ Nduyɛ dɛnnda n'falulan la co kpendekele: suundaa, dɛnnda nɔɔlɛilan, ilaasi-laasiei,

Kalatea 5:19 Referans Kwoze

Dɛnnda cɔɔmuanndan 21:8

Kɛ vanaa isiòònda, vanaa laalan te-a, vanaa tosa mààlan-nda, vanaa diw vannda-a, vanaa tosa dɛnnda laasiɛilan-nda, vanaa mangalaa, vanaa soolaa n'piɔmnda a vanaa lacòòvaa kpede, o dala bɛndu leyin fungoo vanin ŋɔu nin-ndo nin fonda ndaa vanin ni, piɔ́m diinndɔɔ co kon ni.»

Kalatea 6:8

Vana saŋ pɛ le yeemɛi ndɔɛi ndu pila-e, ɲɛ yeemɛi ndɔɛi koam-ndo o koaw ni, piɔ́mndo pɛɛn. Kɛ vana saŋ pɛ le Kɔl-Diandaa, ndu kow o fula o Kɔl-Diandaa nin-ndo, yoomu fɛɛn-fɛɛndo pɛɛn.

Tite 3:3

Kani naa bɛɛ diɔmnda naa n va paandu ni, vanaa bii isɔɔ le-a, n va o pɔwlan nin. N va cɛa le yeemɛi vɔɔŋun súú-súù ka a le yeemɛi ɲɛm kɛndɔn. N va kɔlvesɛiyo tosaa mí n va yeemɛi vɔɔnde. Náà n nɛinun vannda, mí nda bɛɛ va nɛyɔnndo a naa.

1Korɛntea 3:3

Kani paŋalianndan a sɛɛngianndan la co vɔ niaa tɛɛn. Vɛ̀ɛ̀ o co vanaa ceenda le niaa co vɔ o kon mì la va kelaa o vanacieeyɛi nin te?

Rɔmnda 8:13

La kela pɛ o dɛnnda n'falulan nin, la co vu. Kɛ te Kɔl-Diandaa tosa pɛ mì la dii dɛnnda ivanaciea lan, mɛɛ la vanin yoomu.

Rɔmnda 8:5

Kani vanaa co kelaa o falon nin-nda, dɛnnda n'falulan nda tosa ni, kɛ a co o Kɔl-Diandaa nin-nda, dɛnnda Kɔl-Diandaa nda tosa ni.

Dɛnnda cɔɔmuanndan 22:15

Kɛ nduyɛ vanaa tosaa dɛnnda vɔɔnda, vanaa mangalaa, vanaa tosaa dɛnnda nɔɔlɛiya, vanaa diuvaa n'vannda, vanaa soolaa n'piɔmnda a vana-vana kaola còòlan mo co lan dimio, nda lueinin te few.

1Korɛntea 6:18

La vow balan o suundaa nin te! Yɔŋnda vɔɔnnda celennda vanndo tosa lan la pilan ko dialun ndɔn te, kɛ vana vow pɛ baa o suundaa nin, o tɛɛmbuu dialun ndɔn ndu pilan.

Kalatea 5:17

Kani dɛnnda falon yeema lan la kue latulu a la Kɔllo yeema lan te. La Kɔllo ndu yeema vɛlɛ lan la bɛnda a la n'falulan te. Vanaa ŋiɔŋaa kan a cɛlan te, lelan la tosà hɛnan niaa pila-o le.

Kalatea 5:13

Puapilɛa nia, le hɔ́ɔ́yɛi niaa sɔla veeloo ni. Kɛ nduyɛ, la siinguu hɔ́ɔ́yɛi ken fɛɛlɔɔ le luɛyɔɔ dɛnnda n'falulan tosaa le, kɛ la tosalan baalaa vellaa-velle a kaolianndo.

Rɔmnda 8:9

Kɛ niaa niaa, la co lɛ o n'falu nin te, kɛ o kɔllo nin niaa co ni, te o va pɛ maa Kɔl Hala-o co niaa nin. Te vanndo nɔ Kɔl Krista-o nin te, mɛɛ ndu co o ndɔ le.

Rɔmnda 7:18

Kani i sinà maa dɛnɛ kɛndɛ co ya nin te, o falun nin ivanacieeyan nin pɛɛn. Kani yeemɛi co ya le dɛnɛ kɛndɔɔ tosaa, kɛ i nɔla ndu tosaa le.

Rɔmnda 7:5

Kani telen naa n va o falon nin-ndo, yeemɛi dɛnɛ vɔɔŋii tɔŋndo va kpeeŋiaa-e va vallo naa o n'falu, haliko mi náà n tosa dɛnnda yaa vana o piɔ́mndo nin-ndan.

Nsaŋ 3:6

O velun a falon-ndo, falon ndu co ni, o velun yɛ a Kɔl Hala-o o, kɔllo ndu co ni.

Condii lisai 17:4

I cen tombola o dɛnnda vannda co tosaa lan coo le, sɔɔn fula nɔm o sondo-on ya del kɔɔli ni, mí va mandanndo a nɛila vanaa kɔlvesɛiya.

Rɔmnda 8:3

Tɔŋndo ndóò nɔla ken tosa le, kani ndóò nɔ mayoomu le, le falun ivanacieeyan. Kɛ mí Hala ndu tosa ken, mó cuu Po ndɔ ndu pilaa o velan dialun hakion nin le hakio faŋaa. O kon mó yaala hakio o falon nin.

Rɔmnda 7:25

Balikaa co le Hala o diola Maalii naa Yeesu Krista lan! Kani i co bɛɛ o tɔŋ hakio bɛngu o dialun nun nin nuaa, kɛ i co tɔŋ Hala-o biyɔɔ o kɔl nuu nin.

Hebreea 13:4

Vannda kpede bɛnda mà ke nɔu bɛɛlen, mì vanaa co o nɔ̀u nin-nda, vana-vana lo o lediom coo a vanndo pilɔɔ vellaa-velle. Kani Hala kialunin yamɛi vanaa laasiannda a vanaa suundaa.