Kalatea 5:13 - BII BILA

¹³ Puapilɛa nia, le hɔ́ɔ́yɛi niaa sɔla veeloo ni. Kɛ nduyɛ, la siinguu hɔ́ɔ́yɛi ken fɛɛlɔɔ le luɛyɔɔ dɛnnda n'falulan tosaa le, kɛ la tosalan baalaa vellaa-velle a kaolianndo.

Kalatea 5:13 Referans Kwoze

1Piɛr 2:16

La kela maa vanaa co o ba nda coo-a, kɛ nduyɛ, la siinguu hɔ́ɔ́yɛi niɛi kunga viannanndo le dɛnɛ vɔɔndo vionɔɔ le, kɛ la tosa dɛnndan maa vanaa baalaa Hala.

1Korɛntea 9:19

O va bɛɛ aa i co o ba nuu coo nuaa, i siŋnun cɛɔ le vannda kpow haliko mi sɔla vanaa bɔɔ-bɔɔ.

1Korɛntea 8:9

Kɛ nduyɛ, la caa taw, yɔŋii hɔ́ɔ́yɛi niɛi niaa co dɛnndan tosaa-e i luei vanaa nɔ mayoomu o laalanndo nin te-a o pɔwlan nin.

Kalatea 5:14

Kani tɔŋndo kpede peelun o sɔɛi he ndii pilɛ kpé nin aa: «Kaola caanda maa nɔm pila.»

Efɛsea 5:21

La biinan diomndan vellaa-velle le bɛɛle niaa co Krista keo len.

Kalatea 6:2

La maalian o sangalan nin vellaa-velle, tɔŋ Krista-o peeloo co kon ni.

Esai 61:1

«Kɔl Maalii Hala-o co ya coo, kani (Mɛlɛka) pɔla ya, o vem ya le kɔlan vanaa co o sangaa nin-nda yoongu kɛndɔɔ tɛɛngullo, le vanaa nɔ mɔnɛi o lakɔl-la cɛwvo, le vanaa co o biyɔɔ nin-nda yoongu baŋan ndaa dimullo, le vanaa kaasoa yoongu sɔlaa ihɔɔyaa dimullo.

Yude 1:4

Kani vanaa vɔɔnda pum a sɔɔŋa niaa tɛɛn, a co dɛnɛ kɛndɛi Hala-e yɛlɛmaa le kela nda laasi-laasio cɛwcɛwvo, nduyɛ Maalii Yeesu Krista, Vana Bɛndu co Maalii-yo nda co kɛɔ lende nuaa ni. Kɛ nduyɛ, kabi sindɛ, Sɛbɛ Hala-o cii nin vanaa vaa lende yaala.

2Piɛr 2:19

A co nda dimullo maa a kenin nda hɔ́ɔ́yɛi, nduyɛ nda pila co o cɛlen nin dɛnnda tɛɛmbuu vana lan o ba, kani vana-vana co o biyaa o cɛlen nin ɲɛ o nɔla hiɔlɔnndo loo o ba.

2Korɛntea 4:5

O co yoongu naa pila le naa n co yondaa le, kɛ yoongu Maalii Yeesu Krista-o naa n co dimio ni. Nduyɛ le Yeesu naa n co vanaa baalaa niaa ni.

Dɛnnda kiilaa 20:35

O dɛnndan nin kpow, mí cɔm niaa maa mɛɛ mì vana tosa baalaa le vanaa bala fondoa-a malaa, mì vana loonun a sɔɔn Maalii Yeesu pila dimi-on aa: Vanndo ɲɔɔ keo hiow vana dɛnɛ kɛndɔɔ yɔngoo a vanndo nɔm ɲɔɔ keo.»

Kalatea 5:22

Kɛ kulii Kɔl-Diandaa koam-nde co kaolaa, ɲaaloo, kɔlɲuloo, biuvɔnndo, vanakɛndɛyɛi, kɛndɛi, lou o diomnden coo,

Luke 4:18

«Kɔl Hala-o co ya coo, kani o hɛli ya le vanaa bala fondoa Yoongu Kɛndɔɔ tiiyallo. Le vanaa co o kaasolan-nda baŋaa, le vanaa sumɛiya hɔltan kumbio, le vanaa co o sangaa nin-nda pɛngio keo,

Kalatea 4:22

Kani o co o sɛvaa maa Abraham ndóò nɔ poaa nda ŋiɔn, o velu o pilɛ nda lanɔ cɛɔ, mó vialu o pilɔɔ nda lanɔ va o ba ndɔɔ coo-o.

1Tesalonikea 1:3

Nduyɛ, n co loonɔnndo lɔ́ɔ́-lɔ́ɔ̀ a laalan niaa laalan Hala Fuɲa naa-o, o niaa co cɔmndo o dɛnndan nin mì la va baalaa tosaa o kaolaa nin-ndo pɛɛn, a le tiindan kpeekpei niaa tiindan Maalii Yeesu Krista-o.

2Korɛntea 12:15

Lelan, ɲaaloo co ya o kɔl taw, mì pisi ɲɛ-ɲɛ ya nɔ le niaa, hali ya pila i pisin bɛɛ le yoomula niaalan. Te i kaola niaa pɛ kaola vaa lende, vɛ̀ɛ̀ mì niaa kaola ya ɲɛ-pɔmbɔ?

2Korɛntea 3:17

Nduyɛ, Kɔl-Diandaa co Mɛlɛka ni. Nɛɛ Kɔl Mɛlɛka-o co pɛ, lon hɔ́ɔ́yɛi co ni.

Kalatea 2:4

Kɛ a kon kpede, vanaa pum a va naa tɛɛn o kunda vanaa laalannda nin, ndáà yeema le ndu toomaa diyɔɔ. Nduyɛ, fɛɛlɔɔ kínɛí vanáà luɛi naa kan tɛɛn-nda a va toofia kon ni, le sinaa mɛɛ naa n co hɔ́ɔ́yɛi naa n sɔla o Yeesu Krista nin-nde vilio yɛ, o kon mì ndáà mingi naa o cɛle tɔŋndo bɛngu.

Kalatea 5:1

Le hɔ́ɔ́yɛi Krista mingi naa hɔ́ɔ́a ni. Lelan la sim yili, la luei lɛ bollen o cɛlen nin te.

2Korɛntea 2:8

Nduyɛ, i co niaa tɛɛlɔn, la cɔm ndu maa la kaola ndu.