Kalatea 5:12 - BII BILA

¹² Mɛɛ vanaa co niaa kan hɔlla hiŋndo-a, vana-vana kɔ kiolu vɔ hau dialii ndɔɛi.

Kalatea 5:12 Referans Kwoze

Kalatea 5:10

Le ya, i laalan niaa o diola Maalii lan, yiyan celen delnin niaa le. Kɛ vanaa co niaa haa hɔlla hiŋndo-a sɔlanin yaalaa, mɛ̀ɛ́-mɛ̀ɛ́ nda va.

Tite 3:10

Kanalan vana co sɛyanndo lueiyo vannda tɛɛn-ndo lepilɛ, mà kanalan ndu vɛlɛ o diinndɔɔ, o kon kɔɔli, a faŋan ndu kɔɔli.

Yosue 7:25

Mí Yosue ɲuna ndu aa: «Le yɛɛ nɛ n tuisi yɛ naa dɛnɛ palaa vaa nuaa coo? Nɔm bɛɛ, Mɛlɛka co nɔm hau dɛnɛ palaa tuisi coo.» O kon, mí Israɛlla kpow a vii ndu a powtan, má vii vɛlɛ vanaa va ndu o ba-a a powtan, má loam nda sukɛí.

Tɔŋ lasálàá 22:3

Dimul nda aa: ‹Háá le fɛɛn a fɛɛn, o polale vanaa-solia-lasálàá coo, te vanndo va pɛ o nɔɔlɛiyo Mɛlɛka o hɔl, mò sɔɔnguu o ɲɛm dian diandan Israɛlla co ya Mɛlɛka sálàla diandaalan solullo-on ikɛi, vana kon bɛnda mò faŋan o baala nuu nin, mò faŋan ya o hɔl. Ya co Mɛlɛka ni.

Fulaa 30:33

Vana-vana toosiaa pɛ cuɛima súú vaa lende mò suu vana celen man, te o co yɛ vana-solia-lasálàá le, a bɛnda mà soli vana súú kon vanndo man-ndo Israɛlla tɛɛn po.›»

Fulaa 12:15

«O palɛi ndii ŋɔmmɛw bɛngu, la bɛnda mì la va bulu toosian a lɛvɛn too dioo. Paale tasele lɔ́ɔ́ kon le tiiya dɔ́ɔ́ pɛ, la soli lɛvɛnndo o cɛila niaalan nin few-few. Kandɔɔ paale tasele len, kɔ bii paale ŋɔmmɛwndɔlen, te vanndo de pɛ bulu toosian a lɛvɛnndo-o, a bɛnda mà faŋa vana kon Israɛlla tɛɛn.

O Kandɔɔ 17:14

Vana dii tooma kon te, a faŋa ndu vanaa ndɔa tɛɛn, le tùú o kɛɛ tɔɔmasele kpema nuu cɛlɔɔ-o.»

Kalatea 2:4

Kɛ a kon kpede, vanaa pum a va naa tɛɛn o kunda vanaa laalannda nin, ndáà yeema le ndu toomaa diyɔɔ. Nduyɛ, fɛɛlɔɔ kínɛí vanáà luɛi naa kan tɛɛn-nda a va toofia kon ni, le sinaa mɛɛ naa n co hɔ́ɔ́yɛi naa n sɔla o Yeesu Krista nin-nde vilio yɛ, o kon mì ndáà mingi naa o cɛle tɔŋndo bɛngu.

Dɛnnda kiilaa 15:24

N tuei maa vanaa pum cɛn naa tɛɛn nanu, má kɔ luei niaa kɔndɔfillo a buulanndo o lakɔl a sɔɔn ndan. Nduyɛ, n vim vana-vana le.

Dɛnnda kiilaa 5:9

O kon mí Piɛr dimul ndu aa: «Le yɛɛ nɛ niaa cɛlan yɛ le Hala Kɔl-Diandaa huiyo? Tofa vɔ! Vanaa kumbu pɔnɔ nɔm-nda co o dio nuaa ni. Nɔm bɛɛ a co lakɔ a nɔm.»

Dɛnnda kiilaa 5:5

Ananias tueyɔɔ sɔɔn mun, mó del, mó vu. Mí siòòŋii bɛnduei bii vanaa tuei dɛnɛ kon-nda kpow.

Nsaŋ 9:34

Má mulul ndu aa: «Nɔm pila kpow, o hakio nin n velun ni, nɔm kon hun naa pɛɛkoo ni!» Má ɲindu ndu o bɛ́ɛ̀.

Yosue 7:12

Lelan, à nɔlanin yaamɔaa ndaa simullo le, ɲaanɔnndo tuŋ nda vanin nda ni, kani a del kasi. Te la tɛɛmbuu ɲɛm ya kuuna niaa mun le cuaa-on te, i ve lɛnin niaa tɛɛn te few.

Tɔŋ miingua 23:1

Vana-vana bɛnda mò cua laandaa fuɲa ndɔa o pilɛ o nɔ̀u nin te, yɔŋii o tɛɛmbuu fuɲa ndɔ labɛɛ.»

O Kandɔɔ 30:34

Mí Laban dimul ndu aa: «Bala tiɔn. Tosa mɛɛ n dimi yɛ.»