Kalatea 5:10 - BII BILA

¹⁰ Le ya, i laalan niaa o diola Maalii lan, yiyan celen delnin niaa le. Kɛ vanaa co niaa haa hɔlla hiŋndo-a sɔlanin yaalaa, mɛ̀ɛ́-mɛ̀ɛ́ nda va.

Kalatea 5:10 Referans Kwoze

Kalatea 5:12

Mɛɛ vanaa co niaa kan hɔlla hiŋndo-a, vana-vana kɔ kiolu vɔ hau dialii ndɔɛi.

Filipea 3:15

Naa vanaa-vanaa n co kaasonnda o laalanndo nin, yiyanndo ho va naa o lakɔl. Te o va yɛ pɛ mì la nɔ yiyannda celen o dɛnɔɔ pum coo, Hala cɔmnin niaa vɛlɛ vakpa mɛɛ niaa bɛnda le ndu biyɔɔ yɛ.

Kalatea 1:7

O co dɔ́ɔ́ mì Yoongu kɛndɛ celen va le, kɛ vanaa pum a co niaa hɔlla hiŋndo nuaa ni, a yeema le Yoongu Kɛndɛ Krista-o mingio o hɔlaa vɔɔnda-aa.

2Korɛntea 2:3

Le hee ya sɛval niaa mɛɛ ya tosa nuaa yɛ ni, yáà yeema mì yáà kɔɛ o niaa lo, mì yáà tambu kɔl a vanáà yɔngunin ya ɲaaloo o kɔl-la le. Nduyɛ, i laalan maa te i dɔwnun pɛ ɲaale, niaa bɛɛ la dɔwnun ɲaale.

1Timote 1:20

Vanaa kan a pum a co haa ni: Himene a Alɛksandre, a ya mal Setana o ba-a, haliko a pɛɛku lɛ vannda le sɔɔn tana dimio a Hala o kɔɔ le.

Kalatea 6:17

I ya co niaa mɛɛlu dimul-le co hee ni, vana saangiaa lɛ ya le, kani i nɔ nin tindila ya sanga le Yeesu lan o n'dial.

Kalatea 4:17

Vanaa pum a co dialun fulan a niaa, kɛ a nɔ yiyannda kɛndɛ a niaa le. A yeema mà faŋa niaa naa kɔɔli, haliko mi la mulin nda o ibuŋ a yiyannda niaalan kpede.

Kalatea 3:1

Éé niaa Kalatea diɔmnda ha! Nɛɛ mangala yɛ dɔ́ɔ́ niaa kɔltan niŋ nuaa? Nduyɛ niaa o hɔl kpendekele naa n cɔm niaa sɔɛi Yeesu Krista nda baŋ o yɔm singafilaa coo-e ni.

Kalatea 2:6

Kɛ vanaa vannda a va cɔu maa vanaa lebɛɛ-a, i co bɛɛ isɔɔ a mɛɛ nda va yɛ o kɔɔ le! Kani Hala hiyan vannda le-a beŋ ya ɲɛ-ɲɛ le.

Kalatea 2:4

Kɛ a kon kpede, vanaa pum a va naa tɛɛn o kunda vanaa laalannda nin, ndáà yeema le ndu toomaa diyɔɔ. Nduyɛ, fɛɛlɔɔ kínɛí vanáà luɛi naa kan tɛɛn-nda a va toofia kon ni, le sinaa mɛɛ naa n co hɔ́ɔ́yɛi naa n sɔla o Yeesu Krista nin-nde vilio yɛ, o kon mì ndáà mingi naa o cɛle tɔŋndo bɛngu.

2Korɛntea 10:6

Nduyɛ, telen niaa biinin sɔɛi nɛi-yo, naa bɛɛ n bɛɛndiannin le vanaa tui naa diom te-a dɛnɛ palaa tuisio coo.

1Korɛntea 5:5

O bɛnda mì la mal vana vaa lende Setana o ba, haliko mi dialun ndɔn tambu, mì kɔl ndɔɔ sɔla cindaa o paale Maalii Yeesu len.

Dɛnnda kiilaa 15:24

N tuei maa vanaa pum cɛn naa tɛɛn nanu, má kɔ luei niaa kɔndɔfillo a buulanndo o lakɔl a sɔɔn ndan. Nduyɛ, n vim vana-vana le.

Filemɔn 1:21

Nduyɛ, i laalan maa a biinin sɔɛi nii, mà tosa ɲɛ ya co nɔm sɛvallo-o, mà hiow bɛɛ lecoo.

2Tesalonikea 3:4

N laalan Mɛlɛka a dɛnɛ niaa o kɔɔ. N sìna maa la co sɔɔn naa n congun niaa-on tosaa, la co vɛlɛ hiovɔɔ laci a tosaa.

Kalatea 4:20

i yeema mì i va vɔ niaa tɛɛn, mì i soo o niaa lo mɛɛ celen, kani i hawba a niaa.

Kalatea 4:11

Siòònde co ya, te o co sanga fondo fúú le ya sanga sangaa ho le niaa le!

2Korɛntea 13:10

I co niaa sɛbɔɔ ho sɛval a hɔlta kalalan, haliko lɔ́ɔ́ ya kɔanin o niaa lo-o, i soaa o niaa lo a hɔlta kala le kpaaya Mɛlɛka ke ya-o le. Kani kpaaya kon, le kunda niaa hivio laci o co ni, kɛ o co le ndu tɛɛmbuu le.

2Korɛntea 10:2

I co niaa tɛɛlɔn, te i kɔɛ pɛ o niaa lo, la tosa mì soo a hɔlta kalalan o niaa lo le. Kani i yeema mì soo a hɔlta kalalan o vannda pum ndo, a co yiyanndo maa a yeeman ivanacieeyan o lakɔl naa n co kelaa ni-a.

2Korɛntea 8:22

Handɔɔ o kon coo, n co puapilɛ naa pilɛ vomɔɔ nda ndaa. N soli ndu kɔlɔ o dɛnndan taw nin, mí n ca maa o co a ɲaaloo lɔ́ɔ́-lɔ́ɔ̀. Kɛ sunsun, ɲaale ndɔɔ cɔɔlun le laalan o laalan niaa taw-vo.

2Korɛntea 7:16

I co a ɲaaloo, kani i laalan niaa o dɛnndan kpow nin.

2Korɛntea 5:16

Lelan, n tofan ndɛ vanndo o nɛi ivanacieea coo le. Kani o tasendɔ, o nɛi ivanacieea coo ko naa n va Krista tofaa ni. Sunsun yɛ, o co lɛ o nɛi kon coo le naa n co ndu cɔu le.

2Korɛntea 2:6

Sanga niaa vanaa bɔɔ-bɔɔ tuisi vana kon coo-o tiw.

2Korɛntea 1:15

Yáà nɔ kɔlkɛsiaa kon, yáà yeema mì yáà kɔ yil niaa, haliko mi niáà sɔla dɛnɛ kɛndɛ kon bɛmbɛ lediin.

Kalatea 5:7

Niáà kandu kiltan ɲɛkɛndɛi! Nɛ̀ɛ́ simi yɛ niaa le niaa sɔɔn toɲan kuunaa biyɔɔ?