Kalatea 4:9 - BII BILA

⁹ Kɛ sunsun, la sínà Hala, o co yɛ niaa le sínà Hala le, ndu sínà niaa ni. Le yɛɛ niaa co yɛ vɛlɛ sɔɔn fondon nɔ mun tɔnɔ lon hɔlla mulullo? La yeema mì la muungu vɛlɛ mun o ba bɛngu?

Kalatea 4:9 Referans Kwoze

1Korɛntea 8:3

Kɛ te vana kaola pɛ Hala, Hala sínà vana kon.

Kalatea 3:3

La tosa bɔɔ diɔmii bɛndu! Niaa kandu dɛnɛ kɔllo ɲɛkɛndɛi-ya, vɛ́ mɛɛloo a dɛnnda n'falulan?

Rɔmnda 8:3

Tɔŋndo ndóò nɔla ken tosa le, kani ndóò nɔ mayoomu le, le falun ivanacieeyan. Kɛ mí Hala ndu tosa ken, mó cuu Po ndɔ ndu pilaa o velan dialun hakion nin le hakio faŋaa. O kon mó yaala hakio o falon nin.

1Nsaŋ 5:20

N sínà vɛlɛ maa Po Hala-o hin, mó ke naa kɔlkaloo le Hala toɲaa sinaa, o ndu nin naa n co ni, le sauma Yeesu Krista Po ndɔ-an. Ndu co Hala toɲaa a yoomu fɛɛn-fɛɛndo ni.

1Dɛnnda lemasalan 28:9

Nɔm Salomɔn po ni yɛ, sina Hala fuɲa nɔmndo. Tosal ndu baalaa a kɔl nɔmndo a á yoomu nɔmndo kpow, kani ɲɛ co vanacieo o kɔllo nin di-o Mɛlɛka tofa ni. O sina yiyannda vannda kpow. Taa nuwviaa ndu pɛ, o cɔmnunnin nɔm, kɛ taa mulul ndu pɛ kɔɔ, o malnin nɔm le lɔ́ɔ́-lɔ́ɔ̀.

2Piɛr 2:20

Kani vanaa pum hɛlun dɛnnda vɔɔnnda ceenndan o Maalii naa a vana naa ciindiaa Yeesu Krista sinaa kɔɔli, kɛ taa muungu pɛ mà malnun dɛnnda lan o ba, mì la nɔla nda, ceen ndaa vɔwnin bɛɛ hiovɔɔ o tasoo coo.

Hebreea 7:18

O kon, mí tɔŋ paandoo faŋan, kani ndóò nɔ kpaaya le, o ve vɛlɛ mako nɛŋi le.

2Timote 2:19

Kɛ nduyɛ, sɔɔn kpeekpeiyun Hala tɔl mì n kɛsi tumndo-on n co mun ni aa: «Mɛlɛka sínà a ndɔ-a», nduyɛ: «Vana-vana dimi pɛ maa o Mɛlɛka-o o co ni, mɛɛ o màl dɛnɛ vɔɔndo.»

Efɛsea 1:17

I co Hala, o co Maalii naa Yeesu Krista-o, Fuɲa nɔ biiloo-o ɲuna, mò yɔngu niaa kɔlkaloo. O kon la sinanin Hala, nduyɛ, la sinanin ndu lekɛ́ndɛi.

2Korɛntea 4:6

Kani Hala dimi aa: «Ɲɛ-tengaa vanin ɲumndan teengiaa». Nduyɛ, ndu yɔngu naa pangeloo o lakɔl le biilu ndɔɔ sinaa ni, biilu co diondɔɔ Krista o hɔl-lo.

1Korɛntea 13:12

Hau, n co dɛnndan cɔu yifidii maa o tofan nin, kɛ o kon kɔɔli, n cannannin kpendekele. Sunsun, ɲɛ-pɔmbɔ ya sínà ni, kɛ telen co hunɔɔ tiiya, mì n sínà kpow mɛɛ nda sínà ya yɛ.

Fulaa 33:17

O kon, mí Mɛlɛka mulul ndu aa: «Le cɔ ya ce nɔm ɲia mí hɛli nɔm-ndo, i cɛl le sɔɛi n dimul-la-e tosaa.»

Rɔmnda 8:29

Kani vanaa Hala síná paandu pa-a, nda o toosiaa le siŋnɔnndo maa velan Po ndɔɔ ni, haliko mo va Po tasoo puapilɛa taw tɛɛn.

Nsaŋ 17:3

Nduyɛ, yoomu fɛɛn-fɛɛndo sɔlaa, kon co nɔm sinaa ni, nɔm co Hala kpeekpeiyo nɔm pilɛ kpé-o, a vana n vem-ndo vɛlɛ sinaa, Yeesu Krista pɛɛn.

Nsaŋ 10:27

Saa nia tuɛi ya diom. Ya, i sina nda, a co ya kɔɔli.

Nsaŋ 10:14

Ya co vana mandaa n'saa kɛndɔɔ ni. I sina saa nia, saa nia bɛɛ a sina ya,

Matie 11:27

Fuɲa nuu yɔngu ya ɲɔɔn kpow. Vana-vana sina Poo le, te o co Fuɲaa le. Vana-vana sina vɛlɛ Fuɲaa le, te o co Poo a vana Poo yeema le Fuɲa ndɔ cɔmndo-o le.

Habakuk 2:14

Kani vannda sinanin biilu Mɛlɛka-o mò hiow ba,

Yeremi 31:34

Vana-vana pɛɛku lɛnin caanda le. Vana dimul-lɛnin puapilɛ ndɔɔ aa: ‹La sina Mɛlɛka› le. Kani nda kpede a sinanin ya, kandɔɔ a cuaambɔɔ kɔ tiiya a kaasonɔɔ dí. Sɔɛi fula Mɛlɛka o sondo-e co ken ni. Kani i malnin nda haki le sɔvun ndan, i loonun ndɛnin a hakila ndalan te.

Talelan 2:5

mɛɛ a biinin siòòŋii Mɛlɛka-e bila, mà sɔla sinapɛngoo le Hala sinaa.

Condii lisai 9:10

Mɛlɛka co kpakio le vanaa nda co saangiaa-a ni, kpaki nda viannun nin telen dɛnɛ palaa-o.

Condii lisai 1:6

Kani Mɛlɛka sinà nɛi vanaa sandaa, kɛ o tambei nin nɛi vanaa kɔlvesɛiya yaa vana ni.

1Masaa 8:43

yaŋ mial kon nilan nɛɛ n co o fonda nɔm calaa o halataala-a, mà toosiaa balahavɛila ndɔlan kpow mɛɛ o ɲunanin nɔm yɛ, haliko mi vanaa súúla yɛ́-yɛ́a co o lɛŋnden coo kpow-va sina diola nɔmnda bɛndulan, mà ke nɔm bɛɛlen maa mɛɛ vanaa nɔmnda, Israɛlla co nɔm bɛɛlen keo yɛ. O kon mì vanaa kan sina maa diola nɔmndan lekɛ́ndɛi la co o Cɛi ya tangul hoo-o coo ni.

1Korɛntea 15:34

La tosa dɛnɛ sandaa, la tosa lahaki le, kani a pum a sínà Hala le, i ya co hee dimio-e co dɛnɛ lasiɛmbu le niaa.

2Korɛntea 11:20

Vannda co niaa cɔu maa n'cɛ, a co tɔnɔ niaa dioo, a co niaa ɲɔɔn poondia o laba, a co niaa kuundianndo coo, mà va niaa hɔlla lɔɔ, mì co kon cɛlɔɔ.

Kalatea 4:3

Lende koni, telen naa bɛɛ n va cuaambɔa-o, n va a biyaa o cɛle dɛnnda ceendo bɛngu.

Luke 5:38

Kɛ o bɔlɔla yáwla sɛnɛilan nin vana vow man ni.