Kalatea 4:7 - BII BILA

⁷ Lelan, a co lɛ cɛ le, kɛ cua vialaa. Te o va yɛ pɛ maa cua vialaa n co ni, mɛɛ a bɛnda mà sɔla kɛ Hala-o.

Kalatea 4:7 Referans Kwoze

Kalatea 3:29

Te o va yɛ pɛ maa le Krista niaa co ni, mɛɛ niaa co polale Abraham-nden ni, niaa co vanaa cuanin kɛ Hala yii kpemaa-o ni.

Kalatea 3:26

Kani mɛɛ niaa co kpede, cuavaa Hala-a niaa co le laalan niaa laalan Yeesu Krista-o ni.

Kalatea 4:31

Lelan puapilɛa nia, n co cuavaa lanɔ cɛ le, kɛ cuavaa lanɔ co o ba ndɔɔ coo-o.

Condii lisai 73:26

Dialun nun a kɔl nuu co yɔkpaa, kɛ nɔm Hala vanin pow kpova nuu a kɛ́ nuu le fɛɛn a fɛɛn ni.

Cɛɛŋɔnnda Yeremi lan 3:24

Kɔl nuu dimi aa: Mɛlɛka co kɛ́ nuu ni, lelan ya co ndu cumndo ni.

Yeremi 10:16

Hala co le Yakɔb-o co maa nda le, kani ndu toosiaa ɲɔɔn kpow ni, Israɛlla co polale co kɛ́ ndɔɔ len ni, diola ndɔlan aa Mɛlɛka-Nɔ-Kpaayaa-Kpow-vo.

O Kandɔɔ 15:1

Mí Mɛlɛka cɔmnun Abram o vundulen nin, mó dimul ndu aa: «Yɔŋ isiòòn te Abram. Ya co vana kanda nɔm-ndo ni, vɔ̀ngɔ̀ nɔmndo vanin o bɔɔ.»

Dɛnnda cɔɔmuanndan 21:7

Ɲɛ vana nɔlanin-ndo sɔlanin kɛ́ɔ-vo co hoo ni: I vanin Hala ndɔɔ, mì ndu va po nuu.

Yeremi 31:33

Mɛlɛka dimi aa: ‹Kpema va naa tɛɛn naa Israɛlla-o va hoo ni maa te palɛi ken hiow pɛ, i vownin tɔŋnda nilan nda nin mì sɛva vɛlɛ lan nda o lakɔl. I vanin Hala ndaa mì nda va vanaa nia.

Condii lisai 16:5

Nɔm Mɛlɛka co kɛ́ nuu ni, nɔm co tɔnɔ nuu ni, yoomu nuu co nɔm o ba.

Matie 6:24

«Vana-vana tiwba mò tosal vanaa bɛndua nda ŋiɔn baalaa o lepilɔɔ le. Kani o pilɛ nɛinunnin ndu, mò kaola o pilɔɔ, te kon te o yiinunnin a ò pilɛ, mò mulul o pilɔɔ kɔɔ. Lá tiwba mì la tosal Hala a volion baalaa o lepilɔɔ le.»