Kalatea 4:24 - BII BILA

²⁴ Sɔɛi ken i nɔ vɛlɛ kɔlɔ celen: laandua ŋiɔŋaa kan, nda co kpemala tiɔnndan ni. O pilɛ, o fula o pembei Sinai-yo, ndu le cɛlen o vialu ni: Akar co kon ni.

Kalatea 4:24 Referans Kwoze

Kalatea 4:25

Akar, ndu co pembei Sinai co Arabii-e ni, pembii pilɛi ken koni co vɛlɛ Yerusalɛm vaalio ho ni, kani o cɛlen nin o co a cuavaa ndɔa ni.

1Korɛntea 10:11

Dɛnnda lan la yɔŋnun nda haliko mi la va tɔɔmaseloo le naa. La sɛvan le naa vanaa tɔ̀a kanalanndo, kani telen naa n co hoo-o, o lo nin kpɛɛlun mì ceendo cuu.

Matie 13:35

haliko mi sɔɛi vana-tɛɛngaa-diom Hala-o ndóò dimi-e ndíì peelun aa: «I kumbinin sondoo mì soo o talelan nin, mì soo a dɛnnda viannannda co kabi ceendo cɔwnun ndan o kɔɔ.»

Osee 11:10

Vannda kɔanin Mɛlɛka kɔɔli. O vanin pɛɛliaa maa yàlà. O lonin pɛɛliaa kon mì poaa ndɔa cɛn a ba paalen le del-lo, mà hin a kiltan a á ɲiiyaa.

O Kandɔɔ 25:12

Diola cuavaa-imamaa Ismaɛl-la la co lan ni, po Abraham velu nda Akar-o, buɛi laandu Esiptenɔ va Sara o ba-o pɛɛn.

O Kandɔɔ 16:8

Mó ɲuna ndu aa: «Akar, cɛ Sarai-yo, kuɛɛ n cɛn yɛ? Kuɛɛ n co yɛ kɔlan?» Mó muli aa: «Sarai vana ni bɛndu ya co ɲaanɔnndo ni.»

Hebreea 13:20

Hala yɔngù naa kɔlɲuloo ni. Mó mingi Maalii Yeesu, vana mandaa n'saa bɛndoo, yoomu fulaa vanvílɛ́iya tɛɛn. Mí kooma sálà ndɔɔ ma siŋnun sabuo le kpema fɛɛn-fɛɛndo.

Hebreea 12:24

Mí la sɔɔnguu Yeesu ikɛi, o co kpema sɛnɛiyo a kooma ndɔma fasaŋan-ndan tɛɛn-ndo, má co sɔɛi hiovɔɔ kooma Abɛl-lan coo-an.

Hebreea 11:19

Kɛ mí Abraham yiyan o kɔl ndɔɔ nin maa Hala nɔ kpaaya o mingi Isaak yoomu-o. Lelan mí Hala mingul ndu po ndɔɔ, mí ken yɔŋnun tuulaa pum.

Hebreea 7:22

Lelan, kpema yiilun naa o Yeesu nin-ndo hiow naŋɔɔ.

Kalatea 5:1

Le hɔ́ɔ́yɛi Krista mingi naa hɔ́ɔ́a ni. Lelan la sim yili, la luei lɛ bollen o cɛlen nin te.

1Korɛntea 10:4

Nda kpow, má kol ɲɛ kɔl pilɔɔ fulaa Mɛlɛka o ba, kani mí nda kpow a kol o pow kpova kɔl fula Mɛlɛka o ba-o, ó va nda liilaa-o pɛɛn. Pow kpova kon yɛ, ndu co Krista ni.

Rɔmnda 8:15

O co kɔl siinguu niaa n'cɛ mì la cal vɛlɛ a isiòòn te niaa sɔla le, kɛ Kɔl siinguu niaa cuavaa Hala-a-o. Ndu koni tosa ni mì n veelu Hala aa: «Pua, Fuɲa naa».

Tɔŋ miingua 33:2

Mó dimi aa: «Mɛlɛka cɛn Sinai mó hun. O cɛn isisi nda coo Seir, o soli pangeloo cɔnɔnndo o pembei Paran, o tiiya o vanaa ndɔa lo a mɛlɛkaa diandaa taw-taw, a ba ndɔ kɛndɔɔ, mó yɔŋ nda tɔŋndo maa leyin.

Kalatea 4:3

Lende koni, telen naa bɛɛ n va cuaambɔa-o, n va a biyaa o cɛle dɛnnda ceendo bɛngu.