Kalatea 4:19 - BII BILA

¹⁹ Cuavaa nia, i co o sanga bɛndoo nin le niaa, maa sanga vialaa, háá mì sɔɛi Yeesu-e i luɛi niaa nin,

Kalatea 4:19 Referans Kwoze

Rɔmnda 8:29

Kani vanaa Hala síná paandu pa-a, nda o toosiaa le siŋnɔnndo maa velan Po ndɔɔ ni, haliko mo va Po tasoo puapilɛa taw tɛɛn.

Efɛsea 4:13

Te o va yɛ pɛ lende, mɛɛ naa kpow n vanin diom pilɛ o laalanndo nin a o Po Hala-o sinaa nin. N siŋnunnin kaasonnda, o kon mì n tiiya mɛɛ Krista co o tiivɔn ndɔɔ nin yɛ.

Rɔmnda 13:14

Kɛ n vownun Maalii Yeesu Krista maa doma. N malnun falon o ba le yeemɛi ndɔɛi vɔɔnde tosaa le.

Efɛsea 4:24

La cua vanacieeyɛi sɛnɛiye, i cɔwnun a velan Hala-o-e, i cɔmnun o dɛnɛ sandaa nin a o diondɔɔ nin maa mɛɛ toɲaa co yɛ-e.

Kolɔsea 4:12

Epafras fula o niaa lo-o yil niaa. Vana baala Yeesu Krista-o langbanɔ kon co ni, o co pɛngì Hala piɛyo le niaa le, haliko mi la sim yili, mì la peelun, mì la tosa hɛnan Hala-o o dɛnndan kpow nin.

Kolɔsea 3:10

mì la vownun vanacieeyɛi sɛnɛiye le sinapɛngu peelanndo sɔlaa maa mɛɛ vana cɔw vanacieeyɛi kalɛi-yo co yɛ.

Filipea 2:5

Kela niaa va maa kela vanaa sínà Yeesu-a.

Nsaki 1:18

O velu naa a sɔɛi toɲɛi mɛɛ hɛnan ndɔɔ co yɛ, haliko mi n va vanaa tasea o ɲɛm o cɔw-von tɛɛn.

Filemɔn 1:10

i co nɔm tɛɛlɔn le Onesime, o siŋnun po nuu o laalanndo nin nanu o kaasoo-o.

Kolɔsea 1:27

Kani Hala ndóò yeema le nda sɔɛi viannaŋii ken cɔmndo, sɔɛi sɔvɛi kɛndɛi bɛnduei, i toosian le vanaa-mangalaa-isɔɔa kpow malaa-e. Sɔɛi viannaŋii ken co hee ni: Krista co niaa nin, mò va niaa kɔlkɛsiaa keo maa la vanin o biilu Hala-o nin.

Kolɔsea 2:1

I yeema mì la sínà cɔlɔba bɛndu ya co le niaa, le Laodisea a le vanaa sínà vɔ ya bɛɛ le-a-o,

Filipea 2:17

Kɛ o va bɛɛ mì kooma nian ma siŋnun sálàá handɔɔ o sálà niaa co Hala solullo a laalanndo-o coo, ɲɔɔ hɛnan ya ni, mì dɔwnun ɲaale a niaa kpow latulu.

Filipea 1:8

Nduyɛ Hala co ya lesei maa i kaola niaa taw o Yeesu Krista nin.

Esai 53:11

Lɔ́ɔ́ o ciinin sangalan ndan kpede sɔla-o, o canin ɲɛ-tengaa mò pim ca. Le sinapɛngu nda sɔlanin a ndu o kɔɔ-o, vana ni baala sandaa siinguunin vannda taw vanaa sadaa, o siilunnin tɛɛmbuula ndalan.

1Nsaŋ 5:21

Cuavaa nia, la mandan a piɔmnda.

1Nsaŋ 2:12

Niaa cuavaa nia hɛnan ya-a, i co niaa sɛval, kani hakila niaalan la malnun haki le diola ndɔlan.

1Nsaŋ 2:1

Cuavaa nia hɛnan ya-a, i co niaa sɔɔn mun sɛval, haliko la tosa haki le. Te vanndo pum tosa yɛ pɛ hakio, n nɔ vana soaa le naa-o o Pua lo, Yeesu Krista vana sandaa pɛɛn.

Hebreea 5:7

Telen Krista va o ceendo coo-o, o va caŋndo kpélén a mɛmɛan tuisio Hala ndóò nɔla ndu baŋaa piɔ́mndo o ba-o o lani, mí Hala tuɛi ndu diom le tùú o lo o lediom coo-o.

Tite 1:4

I co nɔm Tite sɛbɔɔ ho sɛval, nɔm po ni kpeekpeiyo o laalan pilɛ naa n nɔ-o nin. Màá Hala Fuɲaa a Yeesu Krista vana ciindiaa naa ke nɔm dɛnɛ kɛndɔɔ a kɔlɲuloo!

Filemɔn 1:19

Ya Pol, ya pila co nɔm diomndan ndan sɛval-lo nuaa ni: i mingulnin nɔm. Sínà maa hali mì i yiyalan nɔm bɛɛ le, mɛɛ mà yɔngu ya yoomu nɔmndo.

1Timote 1:2

Le Timote, po ni kpeekpeiyo o laalanndo nin. Màá sɔla kɛndɛi, ɲííye tuinɔnndo a kɔlɲuloo fulaa Hala Fuɲaa a Maalii naa Yeesu Krista o ba!

Luke 22:44

Mí Yeesu buulan taw, mó piɛi a kpaayaa taw-taw, mí lalle muungu ndu maa makòó, mí i va delio lɛŋ maa matoŋtoŋ.

2Korɛntea 12:14

I cii nin bɛɛndian le niaa kɔlan yilɔɔ, kɔla yàándɔlan la vanin ndan ni. I venin o ba vana bɛngu le. Kani o co bolofaa niaa le ya co nuwviaa le, kɛ niaa pila. Kani, o co cuawva le a cuungiaa volion le kala-ncuawva le, kɛ kala-ncuawva a cuungiaa mun le cuavaa ndaa ni.

1Tesalonikea 2:7

Nduyɛ, le mɛɛ naa n co kiilaa Yeesua yɛ, naa n tiwba mí naa simul vannda, kɛ mí n yɔŋnun vanaa ikɛndɛa niaa tɛɛn mɛɛ kalacuaa nɔ hɔlten cuavaa ndɔa coo nuaa yɛ.

3Nsaŋ 1:4

Ɲaale kɛ́-kɛ̀ hiw ɲaale va ya o kɔl le tueyɔɔ maa cuavaa nia co kelaa o nɛi toɲaa coo-o le.