Kalatea 4:16 - BII BILA

¹⁶ Mò va maa le toɲa ya co niaa dimullo-o ya siŋnun yaamɔɔ niaa ni?

Kalatea 4:16 Referans Kwoze

Amɔs 5:10

La co nɛyɔnndo tosaa a vana co sɔɛi le dɛnɛ sandaa o kɔɔsɔɔ nin-ndo, mì la va nɛyɔnndo a vana dimi toɲaa-o.

Talelan 9:8

Cɔ̀m vana mamaa n'vanndo sɔvun ndɔn te, yɔŋii o pɛɛsa nɔm. Kɛ cɔm vana kɔlkaloo sɔvun ndɔn, mò kaola nɔm.

Kalatea 5:7

Niáà kandu kiltan ɲɛkɛndɛi! Nɛ̀ɛ́ simi yɛ niaa le niaa sɔɔn toɲan kuunaa biyɔɔ?

Nsaŋ 8:45

Ya niko, le tùú ya co toɲaa dimio-o niaa co ya kɛɔ laalanndo ni.

Condii lisai 141:5

Vana bii sɔɛi Hala-i-yo tiwba mò lɔɔ ya, vana lo o lediom coo-o tiwba mò mingi ya o nɛi, dɛnnda icanyala ya nɔla kɛɛ le lan la co lan ni. Kɛɛ yɔŋ vɔɔn vanaa vɔɔnnda tiwba piɛile nilen simullo lɔ́ɔ́-lɔ́ɔ̀ le.

1Masaa 22:8

Mí masa Israɛlla mulul ndu aa: «Vana-tɛɛngaa-diom Hala-o pum co nanu le Mɛlɛka ɲunaa, kɛ i yeema ndu le, kani o dimul-la sɔɔn kɛndɛ lɔ́ɔ́-lɔ́ɔ̀ le, fɔ sɔɔn vɔɔnndon kínɛí, Misee po Yimla-o pɛɛn.» Kɛ mí Yosafat deŋul ndu aa: «Masa suu nuaa le!»

Kalatea 2:5

Kɛ le telen bingi bɛɛ n tosal nda lamamɔɔ mì n cɛl te, haliko mi toɲa co o Yoongu kɛndɔɔ nin-ndo lo o mandaa niaa tɛɛn.

Nsaŋ 7:7

Ceendo nɔla niaa kɛɔ le, a ya koni o nɔ nɛyɔnndo ni, kani i co cɔmndo maa dɛnnda ndɔlan la niŋ te.

1Masaa 21:20

O kon mí Akab mulul Elii aa: «Yaamɔɔ nuu komal-la fɔ́!» Mí Elii mulul ndu aa: «Lekɛ́ndɛi, i komal nɔm. Kani nɔm pila vɔngulun o dɛnnda hɛnan Mɛlɛka le lan tosaa nin ni.

Kalatea 2:14

Yáà cɔu lende maa a co dɛnndan tosa mɛɛ toɲa co o Yoongu kɛndɔɔ nin-ndo co yɛ le, mí dimul Sefas vannda kpow o hɔl aa: «Nɔm co Yuifnɔɔ-o, te nɔm tosa pɛ dɛnndan maa vana súú celen, le kɔlɔ yɛɛ n co yɛ niko vanaa co N'Yuifi le-a dimullo le tosaa maa N'Yuifi?»

2Dɛnnda lemasalan 25:16

O lo sɔɛi lende, mí Amasia hialu ndu sɔɛi o sondo aa: «Vɛ̀ɛ̀ naa n hɛli nɔm le siŋnɔnndo vana silaa masaa ni? Taa yeema ma sɔla lɔɔ le mɛɛ o mɛɛlu nuaa dɛ!» O kon, mí vana-tɛɛngaa-diom Hala-o mei sɔɛi. Kɛ telen o va faŋanndo-o, mó dimi aa: «I sina nihau maa Hala cii kiolɔɔ le nɔm diyɔɔ, le tùú n tosa dɛnɔɔ ho-o a le kɛɛ n kɛɛ le sila nuu biyɔɔ-o.»

1Masaa 22:27

ma kɔ dimul nda aa ya laa a mal ndu o kaasoo, mà va ndu baloo dɔvɔɔ a buloo a á mɛnndan daama. A vá tosaa lende háá telen ya fulanin o cɔwvo mì muungu nanu kɛndia a kɔlɲuloo-o.»

Kalatea 4:15

Kuɛɛ nɛ kɔlkɛndɛ bɛndu niáà nɔ lɔ́ɔ́ kon-ndo hiow yɛ? Kani i co lesei. Te ndíì nɔla pɛ tosan, la va hɔltan kaalian mì niáà yɔngu ya lan.

Kalatea 4:17

Vanaa pum a co dialun fulan a niaa, kɛ a nɔ yiyannda kɛndɛ a niaa le. A yeema mà faŋa niaa naa kɔɔli, haliko mi la mulin nda o ibuŋ a yiyannda niaalan kpede.