Kalatea 4:12 - BII BILA

¹² A yandi puapilɛa nia, la tosa dɛnndan maa ya, kani ya bɛɛ maa niaa ya co ni.

Kalatea 4:12 Referans Kwoze

2Korɛntea 2:5

Te vana pum tosa pɛ dɛnɛ tɛɛmbuu vana kɔllo-o, o co ya le o tɛɛmbuu kɔl te, kɛ niaa kpow o tɛɛmbuu kɔl lende ni. Te i hiw yɛ ba le, mɛɛ vanaa pum niaa tɛɛn o tɛɛmbuu kɔl lende ni.

1Masaa 22:4

O kon mó ɲuna niko Yosafat aa: «Vɛ̀ɛ̀ a kɔanin ya cɔwvo mala Ramɔt co o tàndá Kalaad-o nin-ndo?» Mí Yosafat mulul ndu aa: «Oi, n siŋnunnin ɲɔɔ ndu pilɛ naa nɔm, vanaa nia baalaa a vanaa nɔmaa baalaa, soa nia a soa nɔmnda bɛɛ siŋnunnin ɲɔɔ ndu pilɛ.»

O Kandɔɔ 34:15

Te la yeema pɛ mì n cɛl sɔɛi he, mɛɛ fɔ mì la dii fɔlɔn vanpiaandua niaa tɛɛn kpow tooma, mà siŋnun falennda maa naa.

Kalatea 6:14

Ya le ya, i sangalannin le ɲɛ-ɲɛ celen te, te o co le yɔm singafilaa Maalii Yeesu Krista-o le, o yɔm kon coo ceendo baŋnun le ya ni, mi ya i baŋnun ndon le ceendo.

Kalatea 2:14

Yáà cɔu lende maa a co dɛnndan tosa mɛɛ toɲa co o Yoongu kɛndɔɔ nin-ndo co yɛ le, mí dimul Sefas vannda kpow o hɔl aa: «Nɔm co Yuifnɔɔ-o, te nɔm tosa pɛ dɛnndan maa vana súú celen, le kɔlɔ yɛɛ n co yɛ niko vanaa co N'Yuifi le-a dimullo le tosaa maa N'Yuifi?»

2Korɛntea 6:13

Maa mɛɛ ya sɔaa o cuavaa nia lo yɛ, lende ya co sɔɛi o niaa lo ni. La kumbil naa kɔltan mɛɛ naa n kumbil niaa la naalan yɛ.

Dɛnnda kiilaa 21:21

Nduyɛ, vannda dimul nda maa nɔm co Yuifia co vanaa celen tɛɛn-nda pɛɛkoo maa a mulul tɔŋ Moise-o kɔɔ, maa nɔm dimul nda vɛlɛ aa a díì cuavaa ndaa tooma le, maa a kelà vɛlɛ o naamula Yuifia coo le.

Kalatea 6:18

Puapilɛa nia, màá kɛndɛi Maalii Yeesu Krista-e i va niaa lakɔl! Amiina!

2Korɛntea 6:11

Caaŋaa naa Korɛnte, kpendekele naa n soo o niaa lo ni, mí n kumbil niaa kɔlta naalan kpow.

Kalatea 4:11

Siòònde co ya, te o co sanga fondo fúú le ya sanga sangaa ho le niaa le!

Kalatea 4:13

La tɛɛmbuu a ya le. La sinà maa le tùú ya va a naa-o ya tiiyal niaa Yoongu kɛndɔɔ tiiyal tasoo ni.