Kalatea 3:23 - BII BILA

²³ Lɔ́ɔ́ pá mí telen laalanndo hun tiiya, maa vanaa kaaso náà n va a biyaa o tɔŋndo bɛngu ni. Mɛɛ mì náà n cum telen Hala va naa laalanndo cɔm-ndo.

Kalatea 3:23 Referans Kwoze

Kalatea 5:18

Kɛ te Kɔl-Diandaa sim pɛ niaa laci, mɛɛ la va lɛ o cɛle tɔŋndo bɛngu le.

Kalatea 3:19

Mi le yɛɛ nɛ tɔŋndo ndu co yɛ niko? Le tɛɛmbuula vanndacieea o handun ni, háá mi polale kpemaa ndóò yiinun-nden léè tiiya. Mɛlɛkaa dimul vana tɛɛngaa ndu ni.

Rɔmnda 11:32

Kani Hala tosa mí vanndacieea kpow a luɛi o nila kalulan nin, haliko mo tuinun nda kpow iɲíí.

Rɔmnda 3:19

Nduyɛ, n sinà maa sɔɔn kɛ́-kɛ̀ tɔŋndo dimi, vanaa co o tɔŋndo bɛngu-a n dimulun ni, haliko mi sondolan kpow la kumbun, o kon mì vana-vana sɔla yaalaa Hala o hɔl.

Hebreea 12:2

N tofan Yeesu tuŋ. Ndu o ba laalanndo kandun ni, ndu o ba o mɛɛlu ni. Mó cɛl le vuo o yɔm singafilaa coo, o ci siɛmbula lan ɲɛ-ɲɛ le. Kani o va ɲaale o va hunɔɔ sɔla-o cɔu, nduyɛ sunsun o co icali Hala o ba kɛndɔɔ coo.

Hebreea 11:13

Nda kpede o laalanndo nin nda lo ni má vu. A sɔla ɲɛm Hala dimi le yɔngoo-on te, telen kon vannun ndɔ lándán, kɛ mí ɲɔɔ tosan vanáà ca ko aa ndáà ce nin dɛnnda kalalan o peelɔnndo. Má dimul vannda kpendekele maa mialla a vanaa hiawnannda nda yɔŋnun o lɛŋnden nden coo ni.

Kalatea 4:21

Niaa yeema haa le vaa o tɔŋndo bɛngu-a, la dimul-lɔ ya hau, vɛ̀ɛ̀ la co tueyɔɔ ɲɛ tɔŋndo co dimio-o le?

Nsaŋ 3:34

kani sɔɔn Hala-on vana Hala vem-ndo dimi ni, kani taw-taw Hala yɔngu Kɔl-Diandaa ni.