Kalatea 3:22 - BII BILA

²² Kɛ mí Sɛbɛ Hala-o cɔm naa maa o kpaaya hakio bɛngu ceendo kpede co ni. Ken yɔŋ ni, mí kpema Hala yii kon-ndo peelun le vanaa laalannda, le laalan nda laalan Yeesu Krista-o.

Kalatea 3:22 Referans Kwoze

Rɔmnda 11:32

Kani Hala tosa mí vanndacieea kpow a luɛi o nila kalulan nin, haliko mo tuinun nda kpow iɲíí.

Hebreea 9:15

Lelan Krista co vana tɛɛlanndo le kpema sɛnɛiyo ni. O sɔla piɔ́mndo le vanndacieea baŋaa le tɛɛmbuula ndalan telen nda va o kpema tasoo bɛngu-o. Vanaa sɔla veeloo-a nda tiwba ma sɔla kɛ́ fɛɛn-fɛɛn Hala yiilu nda kpemaa-o.

Kalatea 3:23

Lɔ́ɔ́ pá mí telen laalanndo hun tiiya, maa vanaa kaaso náà n va a biyaa o tɔŋndo bɛngu ni. Mɛɛ mì náà n cum telen Hala va naa laalanndo cɔm-ndo.

1Nsaŋ 2:25

Ɲɛ o dimi le naa keo-vo co yoomu fɛɛn-fɛɛndo ni.

Nsaŋ 3:36

Vana laalan pɛ Poo, ndu sɔla yoomu fɛɛn-fɛɛndo. Vana kɛɛ pɛ le Poo laalanndo, ndu sɔlanin yoomu kon te, kɛ kɔltuw Hala-o vanin vana kon coo.»

Nsaŋ 12:46

Ya ɲɛ-tengaa, i hin o ceendo coo, haliko vana-vana laalan ya pɛ, o va o maɲum nin te.

Nsaŋ 5:24

Mí Yeesu hiaw laci a nda dimullo aa: «I co niaa toɲaa dimul kpendekele, vana-vana tuei pɛ sɔɛi nii mò laalan vana vem ya-o, vana kon ndu sɔla cinda fɛɛn-fɛɛndo, o sɔla yaala le, kɛ o fula o piɔ́mndo nin, mó muungu yoomu.

Condii lisai 143:2

Vana baala nɔmndo ya co ni, kialu ya iyama le, kani vana-vana sendu nɔm o hɔl te.

2Piɛr 3:13

Kɛ maa mɛɛ Hala dimul naa yɛ, n co halataala sɛnɛiyo a lɛŋnde sɛnɛilen cumndo, nɛɛ dɛnɛ sandaa vanin-nda.

2Piɛr 1:4

O ndu nin o dimi le naa dɛnnda bɛndula sɔvɛlan tosallo ni, haliko mi la va o halayɛi ndɔɛi nin, mì la ɲaanun yeemɛi vɔɔŋii co o ceendo coo-e.

2Timote 1:1

Ya Pol siŋnun kiila Yeesu Krista-o o hɛnan Hala-o nin a mɛɛ kpema cindaa co o Yeesu Krista nin yɛ-o.

Kalatea 3:29

Te o va yɛ pɛ maa le Krista niaa co ni, mɛɛ niaa co polale Abraham-nden ni, niaa co vanaa cuanin kɛ Hala yii kpemaa-o ni.

Rɔmnda 10:9

«Taa sɔlɔlan pɛ a sondo nɔmndo maa Yeesu co Maalii ni, ma laalan o kɔl nɔmndo nin maa Hala tindi ndu fulaa vanvílɛ́iya tɛɛn, a sɔlanin cindaa.»

Rɔmnda 5:12

Lelan, mɛɛ hakio luɛi o ceendo nin le vanacieo ndu pilɛ mí haki kon hun a piɔ́mndo yɛ, lende piɔ́mndo kei vanndacieea kpow coo ni. Kani nda kpede a tosa hakio.

Rɔmnda 3:23

Kani vanndacieea kpow a tosa hakio, má fola biilu Hala-o.

Dɛnnda kiilaa 16:31

Má mulul ndu aa: «Laalan Maalii Yeesu, mà sɔla cindaa niaa yungu nɔmndo.»

Nsaŋ 20:31

Kɛ mun sɛvan haliko mi la laalan maa Yeesu co Krista ni, Po Hala-o pɛɛn. O kon la laalan pɛ, la sɔla yoomoo o diola ndɔlan.

Nsaŋ 6:40

Hɛnan Fuɲa nuu co kon ni, maa vannda kpow a mulul Poo hɔlla, mà laalan ndu, mà sɔla cinda fɛɛn-fɛɛndo. Ya yɛ, i minginin nda yoomu fulaa vanvílɛ́iya tɛɛn o paale mɛɛlaa len.»

Kalatea 3:17

Ɲɛ ya yeema le dimio-o co ni maa, sɛbɛ lesei Hala pila cii toosiaa ɲɛkɛndɛi-yo nɔla tambei le tɔŋ mɛɛlu hunɔɔ o vɔsilan kɛmɛ lehiɔɔlu a beleyaa kɔɔli-o le, te ken i tosan pɛ mɛɛ kpema Hala-o nɔ kpaaya le.

Kalatea 3:14

Ken i tosan haliko mi vanaa co N'Yuifi le-a, kɛ má laalan Yeesu Krista-a sɔla duaa Abraham-ndo, o kon mí n sɔla Kɔl Hala dimi le vanaa ndɔa keo-vo.

Marke 16:16

Vana-vana laalan pɛ mò sɔla yinɔɔ, ndu sɔlanin cindaa, kɛ vana laalan te, ndu sɔlanin yaalaa.

Rɔmnda 3:22

Hala ke vanndacieea kpow dɛnɛ sandaa ndɔɔ le laalan nda laalan Yeesu Krista-o, hɛli co le.