Kalatea 3:17 - BII BILA

¹⁷ Ɲɛ ya yeema le dimio-o co ni maa, sɛbɛ lesei Hala pila cii toosiaa ɲɛkɛndɛi-yo nɔla tambei le tɔŋ mɛɛlu hunɔɔ o vɔsilan kɛmɛ lehiɔɔlu a beleyaa kɔɔli-o le, te ken i tosan pɛ mɛɛ kpema Hala-o nɔ kpaaya le.

Kalatea 3:17 Referans Kwoze

O Kandɔɔ 15:13

Mí Mɛlɛka dimul ndu aa: «Sina pɛngu maa cuavaa nɔmaa imamaa kɔ calnin fɛɛn o sumialle o lɛŋnde pilalen nin. A siinguunin nda cɛa lon ma bɛpɛla nda o vɔsilan kɛmɛ lehiɔɔlu bɛngu.

2Korɛntea 1:20

Kani Yeesu co Oi peelu kpemala Hala lan kpow-vo ni. Lelan, o ndu nin naa n dimi ni aa: «Amiina», mì Hala sɔla biiloo.

Rɔmnda 3:3

Te Yuifia pum a lo o lediom coo le, vɛ̀ɛ̀ mì ken kuuna Hala lou o diomnde ndɔlen coo?

Kolɔsea 2:4

I co hee niaa dimullo, yɔŋii vana hiŋ niaa hɔlla a sondo yeelɛi fondoo.

Kalatea 5:4

Niaa sɛyan a Krista-a, niaa co sandei nuwviaa o tɔŋndan biyɔɔ nin-nda, mbɔ̀ la fola kɛndɛi Hala-e fɔ́!

Kalatea 3:15

Puapilɛa nia, n cuannun-ndɔ tɔɔmaseloo o naamula naalan nin, te vanndo va pɛ vuo, mò bɛɛndiaa sɛbɛ leseiyo ɲɛkɛndɛi, vana-vana nɔ dí mò faŋa ɲɛ pum, te kon te mò handu ɲɛ pum lecoo o sɛbɛ vaa lende nin te.

1Korɛntea 1:17

Kani Krista vim ya le vana yinɔɔ le, kɛ le vannda Yoongu kɛndɔɔ tiiyallo. O co le sɔɛi caa le, yɔŋii piɔ́m Krista sɔla o yɔm singafilaa coo-o siŋnun fúú.

Nsaŋ 1:17

kani tɔŋndo yɔngun naa fulaa Moise o ba, mí kɛndɛi a toɲaa yɔngun naa fulaa Yeesu Krista o ba.

Esai 14:27

Nduyɛ Mɛlɛka-Nɔ-Kpaayaa-Kpow-vo kɛɛsiaa lende ni, Nɛ̀ɛ́-nɛ̀ co yɛ mo sɛɛngiaa diom ndɔɔ? Ba ndɔɔ cuu heelu, nɛ̀ɛ́ nɔla yɛ mò tuisi ndu?»

1Piɛr 1:20

Mó sɔla hɛlio lɔ́ɔ́ pá mí ceendo cɔawnun, mó fula ceen vakpa o palɛi mɛɛlɛi he le dɛnɛ niaa kɛndɔɔ.

Hebreea 11:13

Nda kpede o laalanndo nin nda lo ni má vu. A sɔla ɲɛm Hala dimi le yɔngoo-on te, telen kon vannun ndɔ lándán, kɛ mí ɲɔɔ tosan vanáà ca ko aa ndáà ce nin dɛnnda kalalan o peelɔnndo. Má dimul vannda kpendekele maa mialla a vanaa hiawnannda nda yɔŋnun o lɛŋnden nden coo ni.

Hebreea 7:18

O kon, mí tɔŋ paandoo faŋan, kani ndóò nɔ kpaaya le, o ve vɛlɛ mako nɛŋi le.

Efɛsea 4:17

Lelan, ɲɛ ya co niaa dimul mì tiiyal niaa o Maalii nin-ndo co hoo ni: la va lɛ kelaa maa vanaa sínà Hala le-a le, a del yiyannda yɔngu nda ɲɛ-ɲɛ le lan kɔɔli-a pɛɛn,

Kalatea 3:21

Mò va maa cɔlɔbaa tɔŋndo co kpema Hala-o ni? O co lende le. Te tɔŋndo ndóò yɔngu pɛ vana yoomoo, mɛɛ o va tosa mí Hala ndóò ce vanaa co ndu biyɔɔ-a vanaa sandaa.

2Korɛntea 9:6

La yiyan maa vana saŋ pɛ ɲɛ-pɔmbɔ, ndu koawnin ɲɛ-pɔmbɔ. Vana saŋ pɛ taw, ndu koawnin taw.

1Korɛntea 10:19

Kɛ nduyɛ, te i va pɛ hee dimio, baa dimio co kon ni maa visin vannda co Mɛlɛka sálàlan solullo-on co ɲɛ? Te kon te maa ɲɛ pum piɔmndo co ni?

1Korɛntea 7:29

Puapilɛa nia, ɲɛ ya yeema mì dimul niaa-o co hoo ni, kani telenndo cuu nin tiiya. Kandɔɔ sunsun, vanaa nɔ laandua-a siŋnun maa a nɔ n'laandu le,

1Korɛntea 1:12

Ɲɛ ya tuei-yo co ni maa vanaa pum co niaa tɛɛn, a co dimio-a aa: «Ya le Pol ya co ni.» O pum ndu co dimio aa: «Ya le Apolɔs ya co ni.» O pum ndu aa: «Ya le Sefas ya co ni.» O pum yɛ aa: «Ya le Krista ya co ni.»

Rɔmnda 3:25

Ndu Hala hɛli le siŋnɔnndo sálà-baŋaa a kooma ndɔan ni. O kon, mí piɔ́m ndɔɔ tosa mí vanaa laalan ndu-a kpow a sɔla malɔɔ lahakio

Dɛnnda kiilaa 7:6

Mí Hala dimul ndu aa: ‹Cuavaa nɔmaa imamaa kɔ calnin fɛɛn o sumialle o lɛŋnde pilalen nin. A siinguunin nda cɛa, mà saangiaa nda taw o vɔsilan kɛmɛ lehiɔɔlu bɛngu.

Esai 28:18

Kpema co piɔ́mndo tɛɛn a niaa-o tambunin, cɛlan co niaa tɛɛn a ciee-piɔ́m-ndo lonin te. Te kpundɛ bɛndu kon del pɛ, o nɛwnin niaa, mò pesipesi niaa.

Condii lisai 33:10

Mɛlɛka cii tuula vanaa-mangalaa-isɔɔa puusiaa, mó tɛɛmbuu kɛɛsuula vannda súúla celennda.

SƐBƐ YƆB-O 40:8

A yeema lekɛ́ndɛi mà siinguu yamɛi nii yamɛi fondoei? Ya n yeema mà yaala ni, mà kennun nɔm pila di?

Kundalan 30:8

te pɔnɔ ndɔ tuei pɛ sɔɛi ken, mò tɛɛmbuu dɛnɛ kon paale o tuei ndu len te, mɛɛ o bɛnda mò timbi yoole o baa len a ciɛ́i o cua-e.

Kundalan 23:19

Hala co vanaciee le lacòò dimi le. O co vɛlɛ po vanaciee le diom ndɔɔ mangalaa le. O dímì isɔɔ mò kɛɛ ndi tosa le, O sólìn lediom o sondo mò kɛɛ len peelu le.

O Kandɔɔ 17:19

Mí Hala dimul ndu aa: «Ɛ-ɛ, Sara laa nɔm kpeekpei co nɔm poo vilul ni. O velu ndu pɛ, a ke ndu diolan aa Isaak» (kon co dimio ni aa «O mam»). I yiinin kpemaa a ndu a á cuavaa ndɔa imamaa le fɛɛn a fɛɛn.

O Kandɔɔ 15:18

Paale len Mɛlɛka yiilu Abram kpemaa ni, mó dimul ndu aa: «I yii kpemaa maa i yɔngunin cuavaa nɔmaa imamaa lɛŋnden nden. Kandɔnndo a pee pɔmbɔɔ Esipte, kɔ bii a pee bɛndoo Efrate,

Kalatea 5:16

I ya co niaa dimul-le co hee ni: la màl Kɔl-Diandaa niaa simndan laci o ceen niaa nin, o kon la tosà lɛnin yeemɛi n'faluei le.

Condii lisai 105:9

Kpema o yiilu Abraham-ndo co kon ni, mɛnalan o mɛnalan Isaak-o.

Efɛsea 2:12

O telen kon, la va Krista levil, la ve n'pilaciee Israɛlla tɛɛn te, mialla niaa va le kpema Mɛlɛka ndóò yii mí ndóò cua ciɛ́i-yo ni. Niáà nɔ tiindan kɛ́-kɛ̀ le, niáà nɔ vɛlɛ Hala le.