Kalatea 3:11 - BII BILA

¹¹ Vana-vana Hala ci vana sandaa le tɔŋnda o co biyɔɔ lan te, kani o sɛvan aa: «Vana sandaa vanin yoomu le laalan ndɔɔ.»

Kalatea 3:11 Referans Kwoze

Habakuk 2:4

Vana nɔ tuula vɔɔnndan-ndo pɛ a yongaa ca, yiyannda ndɔlan la sendu le, kɛ vana sandaa vanin yoomu le laalan ndɔɔ.

Rɔmnda 1:17

Kani Yoongu kɛndɛ kon cɔm maa Hala siinguu vanndacieea vanaa sandaa le laalanndo. Nduyɛ laalan kon tiw. Maa mɛɛ o sɛvan yɛ aa: «Vana sandaa vanin yoomu le laalan ndɔɔ.»

Hebreea 10:38

Mí Hala dimi aa: «Vana sandaa vana laalan ya-o co ni, duyɛ vana sandaa vanin yoomu le laalan ndɔɔ. Kɛ te o muungu pɛ a makɔɔ, kɔl nuu downun ndɛ ɲaale a ndu le.»

Kalatea 2:16

Kɛ nduyɛ, n sínà ndi válán maa o co le dɛnnda tɔŋndan biyɔɔ le vanacieo va vana sandaa le, kɛ le laalan o laalan Yeesu Krista-o. Naa bɛɛ n laalan Yeesu Krista, haliko mi n siŋnun vanaa sandaa le laalan naa laalan Krista-o, kɛ o co le dɛnnda naa n co tosaa o tɔŋndo biyɔɔ nin-ndan te, kani vana-vana sɔlanin sandei le tɔŋnda o co biyɔɔ lan te.

Vana Kɔlkaloo 7:20

Vana sandaa co o lɛŋnden coo le, o tiwba mò tosa dɛnɛ kɛndɔɔ, o kondu haki loo.

Dɛnnda cɔɔmuanndan 5:9

Ma va condii sɛnɛiye solio aa: Nɔm bɛnda ni mà bii sɛbɔɔ ho, mà tɛɛmbuu tɔɔmaselela co lecoo lan, mà kumbi ndu. Kani a sɔla piɔ́mndo, má baŋa vanaa fula o polama yɛ́-yɛ́an nin-nda, vanaa-mangalaa-isɔɔa súúlan kpow, a vanaa fula o lɛŋii yɛ́-yɛ́i nin-nda a kooma nɔmndan le Hala,

Esai 53:6

Naa kpow n va laasianndo nɛɛ-nɛɛ ka maa n'saa, vana-vana va kɔlan pemale ndɔ kɔɔli, kɛ mí Mɛlɛka tuisi tɛɛmbuu naa kpow ndu coo.

SƐBƐ YƆB-O 42:6

Lelan, diom oo diom yáà dimi a nɔm o kɔɔ, i ce nihau maa i nɔ dí le. A ce ya lɛŋ o cundoo nin a o pultan nin sakpo.›»

Nsaki 3:2

Kani naa vanaa bɔɔ-bɔɔ n co boŋilan o nɛilan taw coo. Te vanndo boŋ o sɔɛi sondoei nin te, mɛɛ vana peelun o dɛnndan nin-ndo co kon ni, o nɔla vɛlɛ mò manda dialun ndɔn kpow.

Esai 64:6

Hali lepilɛ vana pilɛ bɛɛ co nɔm diolan piɔlɔɔ le, vana-vana co tiondɔɔ mò holnun nɔm te. Kani a vin naa hɔlaa nɔmnda mà mal naa kɔsɔɔ luɛyɔɔ le tɛɛmbuula naalan.

Esai 6:5

O kon, mí dimi aa: «Kpòkóó, i kɔndu dɛnɛ fɔ́! Mbɔ̀ ya i laasian! Kani vanaciee cɔcɔn co n nɔɔlɛiyon-ndo ya co ni, vanaa ya co icali tɛɛn-nda bɛɛ cɔcɔn ndan co n nɔɔlɛiyon. Nduyɛ i ce Masaa a lehɔl cikin, Mɛlɛka-Nɔ-Kpaayaa-Kpow-vo pɛɛn!»

Condii lisai 19:12

Mɛlɛka, o tɔŋnda nɔmndan nin ya vana nɔm baalaa, co pɛɛkulan sɔlaa ni. Vana bii lan pɛ, ndu sɔla malaa taw.

SƐBƐ YƆB-O 40:4

«Tofa vɔ, i co ɲɛ-ɲɛ le, vɛ̀ɛ̀ ya mulul-lɛnin nɔm? I handun-ndɔ baa o sondo mì meinun.

SƐBƐ YƆB-O 9:3

Vanndo yeema le kɔɔsɔɔ a Hala, vana kon soaa diomndan vàá pilɛ, Hala mulul ndu hali diomndo o pilɛ le.

1Masaa 8:46

Tàà cua pɛ hakio a nɔm, kani vanaciee kɛ́-kɛ̀ co le o cue haki loo, taa tuulu pɛ kɔl a nda ma mal nda yaamɔɔa o ba, yaamɔaa kan kɔ a nda polon, a kɔ a nda macɛlu,

Condii lisai 143:2

Vana baala nɔmndo ya co ni, kialu ya iyama le, kani vana-vana sendu nɔm o hɔl te.

Nsaki 1:27

Dina diandaa, o nɔ sɔŋ Hala Fuɲaa o hɔl too, ndu co le vííya a vanlaandua vii piaandua-a yilɔɔ le sangala ndalan ni, a vana pila mandanndo le dɛnnda nɔɔlɛila ceendo ho.