Kalatea 2:9 - BII BILA

⁹ Telen Nsaki, Sefas a Nsaŋ, a co sungbuma vanaa laalannda-a sínà maa baala Hala ke ya-o co kon ni-o, má yil naa a laba naa Barnabas, le naa cɔmndo maa n co diom pilɛ naa ndaa, haliko mi naa n va kɔlan o vanaa co N'Yuifi le-a lo, o kon mí nda va kɔlan o Yuifia lo.

Kalatea 2:9 Referans Kwoze

Rɔmnda 12:3

Le kɛndɛi Hala tosal-la-e, i co niaa dimul maa la cannun niaa pila ɲɛ mò hiow mɛɛ niaa co yɛ le, kɛ la tuisin mì vana-vana cennun mɛɛ o co yɛ, maa mɛɛ Hala ke vana-vana laalanndo yɛ.

Dɛnnda cɔɔmuanndan 3:12

Vana nɔlanin-ndo, i siinguunin ndu sungbulen o Cɛi-Hala nuu nin, o fula lɛnin lɔ́ɔ́-lɔ́ɔ̀ le. I sɛvanin diola Hala nuu a diola kobi Hala nuu, Yerusalɛm sɛnɛi co fula o halataala o Hala nuu lo-o a diola nila sɛnɛilan ndu coo.

Kalatea 2:2

Ɲɛ cɔmnun ya-o yɔngu ya kɔlan ni. Mí kɔ cɔm vanaa lebɛɛ-a pum Yoongu Kɛndɛ ya va vanaa co N'Yuifi le-a tiiyallo-o o sɔɔnsɔɔnndo nin, yɔŋii baala ya va tosaa-o, te kon te o yáà tosa nin-ndo ndóò yɔŋnun fúú.

Rɔmnda 1:5

O ndu kɔɔli naa n sɔla kɛndɛi ni, mí n siŋnun kiilaa le vanaa-mangalaa-isɔɔa kpow sɔɛi ndɔɛi dimullo haliko ma cɛl ndi, mà laalan.

1Nsaŋ 1:3

O naa n ce mí n tuɛi-yo, ndu naa n co niaa dimullo ni, haliko mi niaa bɛɛ va latulu a naa. Nduyɛ vaa latulu naa niaa, ndu co vaa a Pua a á Yeesu Krista Po ndɔ ni.

Efɛsea 3:8

I co vana sɔvɛ o vanaa laalannda kpow tɛɛn te, kɛ nduyɛ, kɛndɛi ken i yɔngun ya haliko mi cɔm vanaa co N'Yuifi le-a tɔnɔ bɛndu co o Krista nin-ndo,

1Timote 3:15

kɛ te i yala lakɔ le, sɛbɔɔ ho malanin nɔm pɔɔ le sinaa mɛɛ vannda bɛnda mà va kelaa o Cɛi-Hala-o nin yɛ, vanaa laalaŋaa Hala nɔ yoomoo o ba-o-a pɛɛn, nduyɛ nda co sungbulen a tiindan toɲaa ni.

Kolɔsea 1:29

Lelan ya co baalaa ni, mì co kindinndo a kpaaya fula Krista niŋ, mò va ya vallo niŋ-ndo.

Efɛsea 2:20

La siŋnun maa ɲɛm tangulaa cɛi. Cɛi kon yɛ, kiilaa a vanaa-tɛɛngaa-diom Hala-a o kilan coo ni, Yeesu Krista pila co pow lebollo ni.

2Korɛntea 8:4

Má baŋnun naa ɲunaa, maa n sɔɔnguu, mì n sɔɔ laba le vanaa diandaa malaa.

1Korɛntea 15:10

Kɛ nduyɛ, kɛndɛi Hala-e tosa ni mì va mɛɛ ya co nuaa yɛ, kɛndɛi o tosal-la ken-nde i yɔŋnun fúú le. Kani i tosa vallo hiovɔɔ kiilaa kan kpow coo, o co ya pila le tosa vali kon te, kɛ kɛndɛi Hala-i co ya coo-e.

Rɔmnda 15:15

Nduyɛ, mí sɛval niaa ndi kpéŋ-kpéŋ le niaa yiyalanndo le kɛndɛi Hala tosal-la-e,

Dɛnnda kiilaa 15:13

Ndáà ciiyo, mí Nsaki cua sɔɛi, mó dimi aa: «Puapilɛa nia, la yaŋ ya nilan.

Dɛnnda kiilaa 15:7

Mɛɛ nda viow sɛɛngianndo tei, mí Piɛr can, mó dimi aa: «Puapilɛa nia, la sina maa o co lɛhau le Hala hɛli ya niaa tɛɛn le vanaa co N'Yuifi le-a Yoongu Kɛndɔɔ tiiyallo le, haliko ma tuei, ma laalan.

Dɛnnda kiilaa 4:36

Leviinɔ pilɛ va lon, diolan Yosɛf, fulaa Siipre, o kiilaa ndáà ke diolan aa Barnabas-o (kon co dimio ni aa vana luei vannda yoomuan-ndo).

Matie 16:18

Ya, i co nɔm dimul, Piɛr n co ni, powvo pɛɛn, o powvo ho coo ya tangulnin kunda vanaa laalaŋaa nia ni, kpaaya piɔ́mndo nɔlanin kunda kon ɲɛ-ɲɛ tosa le.

2Masaa 10:15

Ndóò hiovɔɔ laci, mó bɔŋan nda Yonadab po Rekab-o, o va hunɔɔ ndu laci. Mí Yehu yil ndu, mó ɲuna ndu aa: «Vɛ̀ɛ̀ kɔl nɔmndo co pá sakpo a ya mɛɛ kɔl nuu co sakpo a o nɔmndo yɛ?» Mí Yonadab muli aa: «Oi!» Mí Yehu dimi aa: «Te o co pɛ lende, mɛɛ n yilan.» Má yilan, mí Yehu heelun ndu ikɛi o ɲɛ ndɔ ɲaanan soa nan-ndo nin.

Luke 22:8

mí Yeesu viam Piɛr nda Nsaŋ, mó dimul nda aa: «La kɔ bɛɛndial naa ɲɛdiaa kafo-hiavaa-coo.»

Nsaŋ 1:42

Mó kɔa a ndu o Yeesu lo. Mí Yeesu tofa ndu, mó dimi aa: «Simɔn n co ni, po Yonas-o. A veelunin nɔm aa Sefas», kon co dimio ni aa «Powvo».

Dɛnnda kiilaa 12:17

Mí Piɛr kpaa nda a ba, mó dɔwnun nda kona mɛɛ Mɛlɛka looku ndu soli o kaasoo yɛ. Mó dimul nda vɛlɛ aa: «La dimul Nsaki a puapilɛa tɔ̀a.» O kon kɔɔli, mó bii nɛiyo, mó kɔannun nɛɛ celen.

2Korɛntea 11:5

Nduyɛ, o yiyan nuu nin, kiilaa niaa co kan cɔu maa a hiow vannda-a, a hiw ya hali ɲɛ-pɔmbɔ le.

2Korɛntea 12:11

Maa vana kindu kɔl too ya va sɔɛi ni, kɛ niaa yɔŋ ken ni. Nduyɛ, oo bɛnda mì niáà soo le ya. Kani o va bɛɛ aa i co ɲɛ-ɲɛ le, i hiw kiilaa niaa latɔ́ɔ́-tɔ́ɔ́a dɔɔnanndo le.

Kalatea 1:16

mó ca maa o co fisa mò cɔm ya Po ndɔɔ, haliko mi dimi sɔɛi ndɔɛi vanaa co N'Yuifi le-a tɛɛn, fɔ́ɔ́fɔ̀, i ɲuna vanaciee le,

Kalatea 1:18

Vɔsila yaa o kon kɔɔli ya hel niko Yerusalɛm ni, mí kɔ síná Sefas. Mí tosa palɛi tɔ́ a iŋuɛɛnu o ndu lo.

Kalatea 2:1

Vɔsilan tɔ́ a lahiɔɔlu hiovɔɔ o kon kɔɔli, mí muungu vɛlɛ Yerusalɛm naa Barnabas, mí Tite bɛɛ kɔa ya kɔɔli.

Kalatea 6:3

Te vanndo cennun pɛ ɲɛ, mò ve yɛ niko ɲɛ-ɲɛ le, mɛɛ ndu pila co palanndo ni.