Kalatea 2:8 - BII BILA

⁸ Kani Hala tosa mí Piɛr siŋnun kiilaa le Yuifia-o, ndu koni tosa vɛlɛ ni, mí siŋnun kiilaa le vanaa co N'Yuifi le-a.

Kalatea 2:8 Referans Kwoze

Dɛnnda kiilaa 9:15

Kɛ mí Mɛlɛka dimul Ananias aa: «Kɔ! I cii langbanɔ kon hɛli, i keinin a ndu o kɔɔ, mì cɔm vanaa-mangalaa-isɔɔa a masaa ndaa diola nilan, kɔ bii niko vanaa nia, Israɛlla pɛɛn.

Dɛnnda kiilaa 22:21

O kon mí Maalii dimul-la aa: ‹Kɔ, i viamnin nɔm o vanaa co N'Yuifi le-a lo.›»

Dɛnnda kiilaa 21:19

Pol ciiyo nda yilɔɔ, mó downun nda kona o lepola dɛnnda Hala tosa o baala ndɔɔ nin vanaa ve N'Yuifi le-a tɛɛn ndan, mó cɔm tɔmaseloo a ndu pila o kɔɔ.

Dɛnnda kiilaa 15:12

O kon mí nda kpow a mei, má yaŋ Barnabas nda Pol nilan, má cɔm nda dɛnnda kaamaalan a dɛnnda kɔndɔfilta Hala tosa a nda vanaa co N'Yuifi le-a tɛɛn ndan.

1Korɛntea 15:10

Kɛ nduyɛ, kɛndɛi Hala-e tosa ni mì va mɛɛ ya co nuaa yɛ, kɛndɛi o tosal-la ken-nde i yɔŋnun fúú le. Kani i tosa vallo hiovɔɔ kiilaa kan kpow coo, o co ya pila le tosa vali kon te, kɛ kɛndɛi Hala-i co ya coo-e.

1Korɛntea 9:2

Hali mì vanaa celen a ci ya maa kiila le, kɛ le niaa niaa, kiilaa ya co ni. Kani niaa co tɔɔmasele kiilale nilen o Maalii nin ni.

Dɛnnda kiilaa 8:17

O kon mí Piɛr nda Nsaŋ handu nda balan coo, má sɔla Hala Kɔl-Diandaa.

Dɛnnda kiilaa 4:4

Kɛ nduyɛ, o vanáà tuei sɔɔn mun-nda tɛɛn, mí vanaa bɔɔ-bɔɔ laalan, mí kunda vanaa laalannda cɔɔlun háá vannda vàálan tan ŋuɛɛnu.

Dɛnnda kiilaa 1:25

le baala lekiilaa ho tosaa-o, baala Yuda mal ho, mó kɔa o fonda ndóò bɛnda le kɔlan-ndo pɛɛn.»

Dɛnnda kiilaa 1:8

Kɛ la sɔlanin kpaayaa lɔ́ɔ́ Kɔl-Diandaa toalnin niaa coo-o. O kon, la siŋnunnin seyaa nia Yerusalɛm ciee, o tàndá Yuda-o nin a o lɛŋnde Samari len nin kpow, kɔlan tiiyaa háá o lɛŋnden mɛɛlulan.»

Kolɔsea 1:29

Lelan ya co baalaa ni, mì co kindinndo a kpaaya fula Krista niŋ, mò va ya vallo niŋ-ndo.

Kalatea 3:5

Hala ke niaa Kɔl ndɔɔ mò va dɛnnda kaamaalan tosaa niaa tɛɛn. Mò va maa le mɛɛ niaa co tɔŋndan biyɔɔ yɛ o tosal niaa ken ni baa le mɛɛ niaa tuei mì la laalan Yoongu kɛndɔɔ yɛ?

Dɛnnda kiilaa 19:26

Nduyɛ, la co cɔu, la co vɛlɛ tueyɔɔ ɲɛ langbanɔ nda veelu kon aa Pol-lo co tosaa-o, o co dimio maa halaa vanndaciee cɔw-va co n'hala le. Nduyɛ, vanaa bɔɔ-bɔɔ a co ndu delɔɔ kɔɔli, o co ko Efɛs nanu le, kɛ vana dimi tuŋ maa o lɛŋnde Asii len nin kpow.

1Tesalonikea 2:13

N co vɛlɛ Hala balikaa mello lɔ́ɔ́-lɔ́ɔ̀, kani la bii sɔɛi ndɔɛi niaa tuei naa o lasondo-e, la bii ndi maa sɔɛi n'vanndaciee le, kɛ mí la bii ndi mɛɛ i co sɔɛi Hala-e lekɛ́ndɛi yɛ, sɔɛi co vanaa laalannda baalaa tosaa nin-nde.