Kalatea 2:19 - BII BILA

¹⁹ Kani a ba tɔŋndo o kɔɔ, vana vílɛ́i koni ya co nin nuaa ni, haliko mi va yoomu le Hala.

Kalatea 2:19 Referans Kwoze

Rɔmnda 7:4

Puapilɛa nia, lende koni i co ni. Niaa bɛɛ la vi a ba tɔŋndo o dialun Krista-on nin, mí la muungu sumialii vana celen, o tendul fulaa vanvílɛ́iya tɛɛn-ndo, haliko mi n kom kɔmnde kɛndɛlen le Hala.

Rɔmnda 6:2

Kɛì-kɛì bɛɛ! Naa n vi nin a ba hakio-a, vɛ̀ɛ̀ naa n muungu yɛnin vɛlɛ mì va o hakio nin?

1Tesalonikea 5:10

O fonda naa o vi ni, haliko mi n va yoomu lɔ́ɔ́ o hunnin-ndo.

2Korɛntea 5:15

Nduyɛ le vanndacieea kpow o vi vu kon ni, haliko vanaa co yoomua va lɛ yoomu le nda pila le, kɛ le vana vi mó tendul le nda-o.

Rɔmnda 6:11

Lende koni, niaa bɛɛ la cɔnnun maa la vi a ba hakio, mì la cennun maa la co yoomu le Hala o Yeesu Krista nin.

Rɔmnda 8:2

Kani tɔŋ Kɔl-Diandaa yɔ̀ngu vana yoomoo o Yeesu Krista nin-ndo baŋa ya tɔŋ hakio a tɔŋ piɔ́mndo o ba.

1Piɛr 2:24

Mó cua hakila naalan o n'dial o yɔmndo coo, haliko mi n vi a ba hakio, o kon mì n muungu yoomu a ceen sandaa. Fungbula ndɔlan la tosa ni mì la sɔla siongɔɔ.

Rɔmnda 6:14

Kani hakio nɔ lɛnin niaa kpaaya coo le, bau la co lɛ o tɔŋ bɛngu le, kɛ o kɛndɛi bɛngu niaa co nin ni.

1Piɛr 4:6

Lelan bɛɛ kpeekpei sɔɛi Hala-e dimulun vanvílɛ́iya ni, haliko vanndacieea kiolu nda bɛɛ iyama o yoomu ivanacieeyaa nin, ma va yoomu o kpaaya Kɔl-Diandaa nin.

Hebreea 9:14

Nɛɛ ken tosan-ndɔ lende, vɛ̀ɛ̀ kooma Yeesu-an man ma hiw kpaayaa lende le? Kani a kpaaya Hala Kɔl-Diandaa ndu pila yɔngun Hala ni, maa cɔlu sálà nɔ lenamta loo. Lelan, o dindinin kɔlta naalan le dɛnnda naala vɔɔnndan haliko mi n tosal Hala yoomaa vallo.

Tite 2:14

O yɔngún ndu pila le naa, le naa solio o dɛnnda vɔɔnndan nin kpow, mó siinguu naa vanaa diandaa co le ndu-a, haliko mi n va vanaa dialun fulaa le dɛnnda kɛndɛlan tosaa-o.

Kolɔsea 2:20

Te o va pɛ maa la vi nin niaa Krista-aa latulu, mí la sɔla baŋaa kpaayala ceenndan o ba, mɛɛ le yɛɛ niaa co yɛ vɛlɛ kelaa o dɛnnda ceenndan nin, mì la va tɔŋnda vanaa ceenda cɛlɔɔ vana ca kaa o ceendo nin niaa co vɔ ni?

Kalatea 3:24

Lelan, tɔŋndo va naa hɔlten ni, háá mi Krista ndóò hin, haliko mi Hala ndóò ce naa vanaa sandaa le laalanndo.

Kalatea 2:20

I sɔla piɔ́mndo naa Krista latulu o yɔm singafilaa coo, lelan o co lɛ ya le co yoomu le, Krista co nin yoomoo ya nin ni. Sunsun, ceen ni ivanacieeyaa, i co ndu vilio a laalanndo o Po Hala-o nin, o kaola ya, mó yɔngu yoomu ndɔɔ le ya-o.

Kolɔsea 3:3

Kani la vi, mí yoomu niaa va o vianaa a Krista latulu o Hala nin.

Kalatea 3:10

Kani vanaa-vanaa tiindan tɔŋndan biyɔɔ, nda co o dangaa bɛngu, kani o co o sɛvaa aa: «Dangaa co le vana biinin sɔɔn co n sɛvaa o tɔŋndo nin kpede mò kɛɛ le kelaa lecoo-o.»

1Korɛntea 10:31

Lelan, o va dio, o va kolɔɔ, te kon te ɲɛ-ɲɛ niaa va pɛ tosaa, la tosa ndu mì Hala sɔla biiloo.

Rɔmnda 7:14

N sinà ndi maa dɛnɛ kɔllo tɔŋndo co ni, kɛ ya, vanaciee n'faloo daama ya co ni, o pisia ya co hakio o ba ni, mì va cɛ ndɔɔ.

Rɔmnda 5:20

Nduyɛ, tɔŋndo ndu hin, haliko mi yɔŋ vɔɔndo kui, kɛ nɛɛ yɔŋ vɔɔndo kui pɛ, lon kɛndɛi Hala-e ndi hiaw kuiyo ni.

Rɔmnda 4:15

Kani tɔŋndo hun a kɔltuwvo ni. Nɛɛ tɔŋ co yɛ le, tɔŋ tɛɛmbua ve vɛlɛ lon te.

1Korɛntea 9:20

Mí i siŋnun maa Yuifinɔ le Yuifia sɔlaa. Mí yɔngun o tɔŋndo bɛngu le vanaa va o tɔŋndo bɛngu-a. Nduyɛ, i ve o tɔŋ bɛngu a kɔl ni le, kɛ le vanaa va o tɔŋndo bɛngu-a sɔlaa ya tosa kon ni.

Kalatea 6:14

Ya le ya, i sangalannin le ɲɛ-ɲɛ celen te, te o co le yɔm singafilaa Maalii Yeesu Krista-o le, o yɔm kon coo ceendo baŋnun le ya ni, mi ya i baŋnun ndon le ceendo.