Kalatea 2:17 - BII BILA

¹⁷ Kɛ te o va pɛ mì n va kindi-kindinndo mì Krista siinguu naa vanaa sandaa, bau naa bɛɛ vanaa lahakia naa n va ni, mò va maa Krista tosa ni mì n luɛi o hakio nin? Ɛ-ɛ, o co lende le.

Kalatea 2:17 Referans Kwoze

1Nsaŋ 3:5

Nduyɛ la sínà maa le hakilan faŋaa Maalii fula ni, haki co o ndu nin te.

Kalatea 2:15

Naa naa, Yuifia naa n co kabi o violɔnndo ni, n co vanaa súúla celen te, a sínà tɔŋ Hala-o le-a.

Rɔmnda 11:7

Yɛɛ yɔŋnun yɛ hoo? Ɲɛ Israɛlla va nuwviaa-o, a sɔla kon te. Kɛ mí vanaa hɛlin-nda nda sɔla ndu. Vanaa tɔ̀a nda, nila kalulan nda tosa ni,

Hebreea 8:2

O co vali ndɔɔ tosaa o fonda-diandaa nin, o cɛi-kola-toandaa kpeekpeiyo nin, o Mɛlɛka pila kila-o, o vanaciee tosa loo.

Kalatea 3:21

Mò va maa cɔlɔbaa tɔŋndo co kpema Hala-o ni? O co lende le. Te tɔŋndo ndóò yɔngu pɛ vana yoomoo, mɛɛ o va tosa mí Hala ndóò ce vanaa co ndu biyɔɔ-a vanaa sandaa.

Kalatea 2:11

Kɛ telen Sefas hin Antiɔs-o, mí simul ndu, kani ndóò nɔ dí le.

Rɔmnda 15:8

I co niaa ndi dimul, vana lo o lediom coo-o Hala co ni. Lelan Krista siŋnun vana baala Yuifia ni, le kpemala Hala yiilu fuɲaa ndaa mamaa lan peeloo.

Rɔmnda 3:6

Kɛì-kɛì bɛɛ! Vɛ̀ɛ̀ Hala kialu yɛnin yamɛi ceendo o kon?

Rɔmnda 3:4

Kɛì-kɛì bɛɛ! N sinan maa vana toɲaa Hala co ni. Vanndacieea nda, mɛɛ nda co kpede, vanaa lacòòvaa nda co ni. Maa mɛɛ o sɛvan yɛ aa: «Haliko ma sandu o sɔɔn nɔmndon nin, mà sɔla dío telen nda kialunin nɔm iyama-o.»

Matie 1:21

O co hunɔɔ hɔ́ɔ́ piaandoo violɔɔ, mà ke ndu diolan aa Yeesu, kani ndu ciindiaanin vanaa ndɔa ni, mò soli nda o hakila ndalan nin.»

Luke 20:16

O hunnin, mò diw vanaa tósà kan baalaa o nakɔ n'rɛsɛnndo nin-nda, mò sɔɔ nakɔɔ vanaa celen o ba.» Mɛɛ nda tuei lende, má dimi aa: «Màá i yɔŋnun lende le!»

Kalatea 6:14

Ya le ya, i sangalannin le ɲɛ-ɲɛ celen te, te o co le yɔm singafilaa Maalii Yeesu Krista-o le, o yɔm kon coo ceendo baŋnun le ya ni, mi ya i baŋnun ndon le ceendo.