Kalatea 2:14 - BII BILA

¹⁴ Yáà cɔu lende maa a co dɛnndan tosa mɛɛ toɲa co o Yoongu kɛndɔɔ nin-ndo co yɛ le, mí dimul Sefas vannda kpow o hɔl aa: «Nɔm co Yuifnɔɔ-o, te nɔm tosa pɛ dɛnndan maa vana súú celen, le kɔlɔ yɛɛ n co yɛ niko vanaa co N'Yuifi le-a dimullo le tosaa maa N'Yuifi?»

Kalatea 2:14 Referans Kwoze

Kalatea 2:5

Kɛ le telen bingi bɛɛ n tosal nda lamamɔɔ mì n cɛl te, haliko mi toɲa co o Yoongu kɛndɔɔ nin-ndo lo o mandaa niaa tɛɛn.

Dɛnnda kiilaa 10:28

Mó dimul nda aa: «La sinà maa Yuifinɔɔ bɛnda mò sɔɔnguu vana co Yuifinɔ loo ikɛi, te kon te mò luɛi o ndu lo le. Kɛ, Hala cɔm ya maa i bɛnda mì ce vana-vana o nɔɔlɛi, te kon te o dindu ndu Mɛlɛka o hɔl too le.

1Timote 5:20

Soo vanaa co dɛnnda lahakilan tosaa-a vannda kpow o hɔl, o kon mì vanaa tɔ̀a yɔŋ siòònde.

Kalatea 6:12

Vanaa kɛ́-kɛ̀ co niaa kɔɔli le toomaa diyɔɔ kangalan, haliko mi vannda ce nda vanaa kɛndɛ sii nda co kon yeema ni. A yeema ma tol nda leyɛ le yɔm singafilaa Krista-o le, ken kínɛí nda co nuwviaa ni.

Talelan 2:7

Ndu malaa co o mandaa o ba le vanaa co sakpo-a ni. Ndu co kɔ̀ɔ̀ cɔwvo le vanaa co kelaa o sandei nin-nda ni.

Condii lisai 84:11

Paalen ten pilɛ tosaa o cɛi nɔmndo nin co fisa a palɛi vàá pilɛ tosaa nɛɛ celen. Éé Hala, o co fisa mì va vana mandaa cɛi nɔmndo a calle o cɛila-kolala-toandaala vanaa yɔŋ vɔɔnda ha nin.

Hebreea 12:13

La toosiaa nɛila sandaalan le pelun niaan, haliko vana co tindaa-o mal nɛiyo le, kɛ mò sengu.

Hebreea 9:10

Tanala va le vanndacieea daama lan la va le ɲɛm dian, ɲɛm vana kol-lon a le faleŋun dindiaŋun yɛ́-yɛ́ɔn ni. Tanala lan kpow láà bɛnda háá o telen Hala va dɛnndan yɛlɛma-o.

Kalatea 2:9

Telen Nsaki, Sefas a Nsaŋ, a co sungbuma vanaa laalannda-a sínà maa baala Hala ke ya-o co kon ni-o, má yil naa a laba naa Barnabas, le naa cɔmndo maa n co diom pilɛ naa ndaa, haliko mi naa n va kɔlan o vanaa co N'Yuifi le-a lo, o kon mí nda va kɔlan o Yuifia lo.

Kalatea 2:7

Kɛ nduyɛ, má ca maa Hala vem ya le vanaa co N'Yuifi le-a Yoongu kɛndɔɔ tiiyallo, maa mɛɛ o vem Piɛr o Yuifia lo yɛ.

Rɔmnda 14:14

I laalan maa te vanndo va pɛ o Maalii Yeesu nin, ɲɛ-ɲɛ co o nɔɔlɛi ndu o hɔl te. Kɛ te vana pum yiyan pɛ maa ɲɔɔ pum co o nɔɔlɛiyo, mɛɛ le ndu pila ɲɛ kon co o nɔɔlɛiyo ni.

Dɛnnda kiilaa 15:24

N tuei maa vanaa pum cɛn naa tɛɛn nanu, má kɔ luei niaa kɔndɔfillo a buulanndo o lakɔl a sɔɔn ndan. Nduyɛ, n vim vana-vana le.

Talelan 10:9

Vana kela pɛ o sandei nin, o vannun yili, kɛ vana kela pɛ kela tuunduɛiyo, niinu ndɔɔ fulanin ceen.

Condii lisai 141:5

Vana bii sɔɛi Hala-i-yo tiwba mò lɔɔ ya, vana lo o lediom coo-o tiwba mò mingi ya o nɛi, dɛnnda icanyala ya nɔla kɛɛ le lan la co lan ni. Kɛɛ yɔŋ vɔɔn vanaa vɔɔnnda tiwba piɛile nilen simullo lɔ́ɔ́-lɔ́ɔ̀ le.

Condii lisai 58:1

Condii David-e, í fula o condun simlacinɔ vanaa n'condua nin-nde. A ɲɛ-caa nɔ diolan aa: «Tɛ́ɛ́mbùù le»-o o soli ndi ni.

Condii lisai 15:2

Fɔ vana co kelaa o nɛi toɲaa coo-o. O co dɛnnda sandaalan tosaa, mò va toɲaa dimio a kɔl ndɔɔ kpede-o.

Tɔŋ lasálàá 19:17

La nɔ́ nɛyɔn puapilɛa niaa o lakɔl te. Kɛ te a tosa pɛ sɔɛi vɔɔnde, la veelu nda mì la soo nda, yɔŋii niaa cua hakio le sɔɛi niaa kɛɛ nda-e.

Kalatea 2:3

Kɛlɛkenɔɔ Tite yáà kɔɛ kon kɔɔli-o va ni, kɛ a beŋ bɛɛ ndu le tooma diyɔɔ le.

Dɛnnda kiilaa 15:1

Mí vanaa pum fula Yuda a Antiɔs, má va puapilɛa pɛɛkoo aa: «Te la dii toomaa mɛɛ tɔŋ Moise-o dimi yɛ le, la tiwba mi la sɔla cindaa le.»

Dɛnnda kiilaa 15:5

Kɛ mí Faliisia pum, aa siŋnun vanaa laalannda-a a va dimio aa: «Mɛɛ mì vanaa laalaŋaa co N'Yuifi le-a dii toomaa, mì vana dimul nda vɛlɛ le tɔŋ Moise-o biyɔɔ.»

Kalatea 1:6

Kɔndɔfillo co ya taw le keleŋa niaa keleŋa Hala veelu niaa o kɛndɛi Krista-e bɛngu-o kɔɔlan mulul, mì la yɔngun Yoongu kɛndɛ celen-ndo.

Kalatea 1:18

Vɔsila yaa o kon kɔɔli ya hel niko Yerusalɛm ni, mí kɔ síná Sefas. Mí tosa palɛi tɔ́ a iŋuɛɛnu o ndu lo.

Kolɔsea 1:5

Sɔɛi toɲɛi tiiya o niaa lo, sɔɛi co Yoongu Kɛndɔɔ-e pɛɛn, mí la sina ɲɛ Hala co niaa mandallo o halataala-o. O tiindan kon coo laalan niaa a kaola niaa kɛsu tumndo ni.