Kalatea 1:9 - BII BILA

⁹ N dimúl nin niaa ndi paandu, nduyɛ i co ndi haw miinguu dimi: te vanndo tiiyal niaa pɛ yoongu co ɲɛ pilɛ a o niaa tuei nin-ndo loo, màá dangaa va vana kon coo!

Kalatea 1:9 Referans Kwoze

Rɔmnda 16:17

Puapilɛa nia, i co niaa sila, la mandan a vanaa luei piɔvianndo o kundaa tɛɛn-nda, a luei kan vannda o pɔwlan nin a pɛɛku niaa sɔla-o o kɔɔ-a pɛɛn. La faŋan nda kɔɔli few.

Talelan 30:6

Handu ɲɛ-ɲɛ o sɔɔn ndɔn coo le, yɔŋii o soo nɔm mò ce nɔm vana lacòòvaa.

Tɔŋ miingua 4:2

La handu ɲɛ-ɲɛ o ɲɛ ya pɛɛku niaa-o coo le, la faŋa ɲɛ-ɲɛ lecoo le. La bii tɔŋnda Mɛlɛka Hala niaa, la ya co niaa tɛɛngullo lan.

2Korɛntea 1:17

Kɛ nduyɛ, la yiyan te maa vana sɔɔn miun-miunndo ya co le tùú ya tuu kon mi kɛɛ tosa-o ni, te kon te maa i va pɛ tùúlan, o yiyan ivanacieeyaa nin kínɛí ya tùú lende ni, maa i cɛl pɛ, i kɛɛ vɛlɛ.

Filipea 3:1

Le sɔɔn tɔ̀un yɛ, puapilɛa nia, la dɔwnun ɲaale o Maalii nin. Ɲɛ pala ya le niaa sɔɔn pilɔn miinguuo sɛvallo le, kani kon co fisa le niaa ni.

Filipea 4:4

La dɔwnun ɲaale lɔ́ɔ́-lɔ́ɔ̀ o Maalii nin, mì tɔla vɛlɛ dimi, la dɔwnun ɲaale.

Yeremi 23:16

O Mɛlɛka-Nɔ-Kpaayaa-Kpow-vo dimi-o co hoo ni aa: «La yaŋnun sɔɔn vanaa-tɛɛngaa-diom Hala-a kalaa le, huiyo fúú nda co niaa ni. Sɔɔn nda co niaa dimullo-on, nda pila co mun yiyanndo ni. O co ya Mɛlɛka o ba le n fula le.

Dɛnnda kiilaa 18:23

Mó lo lon le telen pum. O kon kɔɔli, mó muungu, mó kei o fondala yɛ́-yɛ́la va Kalasii a Frisii lan, mó luei kaandennda kpow yoomuan.

Rɔmnda 9:3

Kani i va yeemaa mì ya piláà dɔwnun danga mì yáà sɛyan a Krista le dɛnɛ kɛndɛ puapilɛa nia, a co vanaa nia o falon nin-nda,