Kalatea 1:7 - BII BILA

⁷ O co dɔ́ɔ́ mì Yoongu kɛndɛ celen va le, kɛ vanaa pum a co niaa hɔlla hiŋndo nuaa ni, a yeema le Yoongu Kɛndɛ Krista-o mingio o hɔlaa vɔɔnda-aa.

Kalatea 1:7 Referans Kwoze

Dɛnnda kiilaa 15:24

N tuei maa vanaa pum cɛn naa tɛɛn nanu, má kɔ luei niaa kɔndɔfillo a buulanndo o lakɔl a sɔɔn ndan. Nduyɛ, n vim vana-vana le.

Kalatea 5:10

Le ya, i laalan niaa o diola Maalii lan, yiyan celen delnin niaa le. Kɛ vanaa co niaa haa hɔlla hiŋndo-a sɔlanin yaalaa, mɛ̀ɛ́-mɛ̀ɛ́ nda va.

2Korɛntea 11:13

Vanaa vaa lende-a a co kiilaa lacòòvaa ni, vanaa baalaa fondoa co vannda huiyo-a, a co handɔnndo o hɔl maa kiilaa Krista-a nda co ni.

Kalatea 5:12

Mɛɛ vanaa co niaa kan hɔlla hiŋndo-a, vana-vana kɔ kiolu vɔ hau dialii ndɔɛi.

2Korɛntea 2:17

N co maa vanaa pum te, a co yulalen tosaa a sɔɛi Hala-e a. Kɛ naa naa, le tùú Hala vem naa-o naa n co sɔɛi a toɲaa ndu Hala o hɔl o Krista nin ni.

Dɛnnda cɔɔmuanndan 20:3

Mó viaw ndu o soon yingilaa nɔ kon lamɛɛlu loo nin, mó kinda sondoo, mó baŋul ndu kɔɔli, haliko o luei lɛ vanaa-mangalaa-isɔɔa o pɔwlan nin te, háá mi vɔsila vaa pilɛlan la sul. O kon kɔɔli, mò sɔla timbio le telen bingi.

2Nsaŋ 1:10

Te vanndo hin pɛ o niaa lo, mò hin a pɛɛkuu kon te, la yiya ndu o niaa lo cɛinin te, la yil ndu bɛɛ le.

1Nsaŋ 4:1

Caaŋaa nia hɛnan ya-a, la laalan kɔltan kpow le, kɛ la soli lan kɔlɔ mì la sina te Hala o ba la fula ni, kani vanaa-tɛɛngaa-diom Hala-a bɔɔ-bɔɔ a hin o ceendo coo.

Dɛnnda cɔɔmuanndan 19:20

Má bii visi kon a vana-tɛɛngaa-diom hala lacòòva tosa ndu dɛnnda kaamaalan o hɔl-lo. A dɛnnda kaamaala lan vana-tɛɛngaa-diom hala kon luei vanaa sɔla pondale visi kon-nda a vanaa baŋ vulan tuula ndɔɔ o hɔl-la o pɔwlan nin ni. Mí visi kon a vana-tɛɛngaa-diom hala kon viawnun o dala leyinndo nin, nɛɛ fungoo co ŋɔu-va.

Dɛnnda cɔɔmuanndan 13:14

Mó luei vanaa va o lɛŋnden coo-a o pɔwlan nin a dɛnnda kɔndɔfilta o sɔla kpaayaa le tosaa visi tasoo o hɔl-tan o kɔɔ, mó va vanaa co lo o lɛŋnden coo-a dimullo le tuula visi tɔɔma ndáà yɔŋul kon a mɔɛi cɔwve mó siangu-o toosiaa.

Dɛnnda cɔɔmuanndan 12:9

Má viaw ndu tambálaká bɛndu kon, ndu kɛwvo sindɛ pɛɛn, o nda veelu aa masa ɲinaa vɔɔnda te kon te Setana-o. O hiŋ vanaa co icali o lɛŋnden coo-a kpow hɔlla-o, má viaw mɛlɛkaa ndɔa a ndu latulu o lɛŋnden coo.

Dɛnnda cɔɔmuanndan 2:20

Kɛ sɔɛi ya hini kɔl a nɔm tei co hee ni: a co Yesabɛl, cua co veelɔnndo aa vana-tɛɛngaa-diom Hala-o-o malɔɔ vannda pɛɛkoo, mò va vanaa nia baalaa faŋaa o nɛi, haliko ma luɛi laasianndo, mà luɛi vɛlɛ visin nda solul piɔmnda sálàá-on dioo.

Dɛnnda cɔɔmuanndan 2:6

A nɔ ɲɛ pum, o naŋ-ndo: dɛnnda Nikolaia la nɛinun nɔm maa mɛɛ la nɛinun ya pila yɛ.

Dɛnnda cɔɔmuanndan 2:2

‹I sínà dɛnnda nɔmndan, baala nɔmndo a biuvɔn nɔmndo. I sínà maa a cɛl vanaa vɔɔnda le. A soli vanaa co nda pila veelɔnndo aa kilaa kɛ nduyɛ a co n'kiila le kɔlɔ, mà ca maa vanaa lacòòvaa nda co ni.

Yude 1:4

Kani vanaa vɔɔnda pum a sɔɔŋa niaa tɛɛn, a co dɛnɛ kɛndɛi Hala-e yɛlɛmaa le kela nda laasi-laasio cɛwcɛwvo, nduyɛ Maalii Yeesu Krista, Vana Bɛndu co Maalii-yo nda co kɛɔ lende nuaa ni. Kɛ nduyɛ, kabi sindɛ, Sɛbɛ Hala-o cii nin vanaa vaa lende yaala.

2Nsaŋ 1:7

Vanaa luei vannda o pɔwlan nin-nda kui o ceendo coo taw, a kɛɛ le sɔlɔlanndo maa o falon nin Yeesu Krista hin lekɛ́ndɛi ni. Nduyɛ vanaa vaa lende a co vannda malɔɔ o pɔwlan nin ni, yaamɔa-Krista-a nda co ni.

1Nsaŋ 2:26

Hee yáà yeema le niaa sɛvallo ni, sɔɛi vanaa yeema le niaa lueiyo o pɔwlan nin-nda.

2Timote 2:18

a faŋan kan toɲaa kɔɔli, má va dimio maa tendul naa cuu nin yɔŋnɔn, nduyɛ a co laalan vanaa pum faŋaa o fonda ndaa.

Kalatea 6:17

I ya co niaa mɛɛlu dimul-le co hee ni, vana saangiaa lɛ ya le, kani i nɔ nin tindila ya sanga le Yeesu lan o n'dial.

Kalatea 4:17

Vanaa pum a co dialun fulan a niaa, kɛ a nɔ yiyannda kɛndɛ a niaa le. A yeema mà faŋa niaa naa kɔɔli, haliko mi la mulin nda o ibuŋ a yiyannda niaalan kpede.

Kalatea 2:4

Kɛ a kon kpede, vanaa pum a va naa tɛɛn o kunda vanaa laalannda nin, ndáà yeema le ndu toomaa diyɔɔ. Nduyɛ, fɛɛlɔɔ kínɛí vanáà luɛi naa kan tɛɛn-nda a va toofia kon ni, le sinaa mɛɛ naa n co hɔ́ɔ́yɛi naa n sɔla o Yeesu Krista nin-nde vilio yɛ, o kon mì ndáà mingi naa o cɛle tɔŋndo bɛngu.

2Korɛntea 4:2

Kani n kɛɛ dɛnnda lasiɛmbula co tosanndo o vionnɔnndo nin-ndan. N co kɔlkalu vɔɔn tosa o dɛnndan nin te, n co vɛlɛ sɔɛi Hala tundɔɔ le. N co vannda toɲa kpeikpeiyo cɔmndo, mì n va kindinndo haliko ma laalan naa Hala o hɔl.

Dɛnnda kiilaa 20:30

Niaa tɛɛn bɛɛ, vannda vanin còòlan dimio haliko mi vanaa laalannda del nda kɔɔli.

Dɛnnda kiilaa 13:10

mó dimi aa: «Nɔm vana pɛ ho a kɔlkalu vɔɔndo, mà pia vɛlɛ a vannda huiyo-o sei, nɔm po ɲina vɔɔndo, nɔm vana yeema ho dɛnɛ sandaa kɛ́-kɛ̀ loo. Lɔ́ɔ́ kuɛɛ n pɛngi yɛnin nɛila sandaala Mɛlɛka lan tunduuo?

Matie 24:24

Kani kristaa lacòòvaa a vanaa-tɛɛngaa-diom Hala-a lacòòvaa cannin, mà tosa dɛnnda kɔndɔfilta bɛndulan a kaamaalan, mà kɔɛ bɛɛ hali le vanaa sɔla hɛlio-a lueiyo o pɔwlan nin, taa tiw pɛ ba.

Yeremi 23:26

Yɛɛ nɛ vanaa-tɛɛngaa-diom Hala-a ha nɔ yɛ o kɔl, ma co vannda còòlan dimullo? Sɔɔn nda pila co toosiaa-on. Háá lɔ́ɔ́ kuɛɛ ɲɔɔ lo yɛnin tosanndo lende?

Yeremi 23:36

Kɛ la dimi lɛ aa volɔɔlan te sɔɛi Mɛlɛka-e co le dɛ! Sɔɔn niaan niaa pila-on co volɔɔla niaalan ni, kani la co sɔɔn Hala nɔ yoomoo o ba-on tundɔɔ, Mɛlɛka-Nɔ-Kpaayaa-Kpow-vo, Hala naa pɛɛn.

Kalatea 1:6

Kɔndɔfillo co ya taw le keleŋa niaa keleŋa Hala veelu niaa o kɛndɛi Krista-e bɛngu-o kɔɔlan mulul, mì la yɔngun Yoongu kɛndɛ celen-ndo.