Kalatea 1:6 - BII BILA

⁶ Kɔndɔfillo co ya taw le keleŋa niaa keleŋa Hala veelu niaa o kɛndɛi Krista-e bɛngu-o kɔɔlan mulul, mì la yɔngun Yoongu kɛndɛ celen-ndo.

Kalatea 1:6 Referans Kwoze

2Korɛntea 11:4

Kani vana pum co hunɔɔ o niaa lo, mò hun dimul niaa sɔɛi Yeesu celen, Yeesu o naa n dimul niaa sɔɛi ndɔ loo, mì la cɛl kɔl celen, faŋanndo o kɔl diandaa naa n cɔm niaa-o coo, mì la cɛl yoongu celen, faŋanndo o Yoongu kɛndɛ niaa sɔla naa o ba-o coo. Nduyɛ, la co kon cɛlɔɔ ɲɛkɛndɛi.

Esai 29:13

Maalii dimi aa: «A sɔɛi sondoei daama vannda ha co sɔɔnguuo ya o ibuŋ ni, a n'cɔcɔ daama nda co ya biiloo ni, kɛ kɔlta ndalan la co bɔɔ levil a ya, siòòŋii nda nɔ a ya-e, tɔŋ dɛnɛ ivanacieeyaa daama i co ni.

Condii lisai 106:13

Kɛ tamala bɛɛ, má pɔɛɛnun ɲɛ o tosal nda-o, a cum ndɛ tuu ndɔɔ le.

1Timote 1:3

Lɔ́ɔ́ ya va kɔlan Maseduan-ndo, mí sila nɔm le lou Efɛs, haliko ma kpaa vanaa pum, mà pɛngi pɛɛkula lacòòvalan yɔngoo.

1Korɛntea 4:15

Kani hali la nɔ bɛɛ vannda vaalan tɔ́ le niaa nɛila Krista lan cɔmndo, fuɲaa ndu pilɛ kpé niaa nɔ o Yeesu Krista nin ni, ya siŋnun fuɲa kon ni, le cuu ya cuu niaa yoongu kɛndɔɔ-o.

Dɛnnda kiilaa 15:11

Kɛ ɲɛ naa n bɛnda mì n laalanndo co hoo ni: o kɛndɛi Maalii Yeesu-e bɛngu naa n sɔla cindaa ni, nduyɛ lende koni nda bɛɛ sɔla ndu ni.»

Kalatea 5:4

Niaa sɛyan a Krista-a, niaa co sandei nuwviaa o tɔŋndan biyɔɔ nin-nda, mbɔ̀ la fola kɛndɛi Hala-e fɔ́!

Rɔmnda 10:3

Kani a siná dɛnɛ sandaa Hala-o le, mí nda pila a va kindinndo le dɛnɛ sandaa ndaa cɔmndo, a cɛl dɛnɛ sandaa Hala-o le.

1Timote 1:14

Maalii naa pei ya kɛndɛi ndɔɛi nin ca, mó ke ya laalanndo a kaola naa n sɔla Yeesu Krista o ba-o.

Dɛnnda cɔɔmuanndan 22:21

Màá Kɛndɛi Maalii Yeesu-e va niaa kpow coo!

2Timote 2:1

Nɔm yɛ niko, po nuu, luei yoomuan le kɛndɛi naa n sɔla Yeesu Krista o ba-e.

2Timote 1:9

Ndu Hala ciindiaa naa ni, mó veelu naa veelu diandaa, haliko mi n va vanaa ndɔa, o co le dɛnnda naala kɛndɛlan te, kɛ le tùú ndu pila tuu, mó tosal naa kɛndɛi o Yeesu Krista nin kabi o tasendɔ-o.

2Tesalonikea 2:14

Lelan o tosa ni mò veelu niaa o Yoongu kɛndɛ naa dimul niaa-o nin, haliko mi la sɔla biilu Maalii naa Yeesu Krista-o.

Rɔmnda 5:2

Le ndu naa n sɔla kɛndɛi naa n co hee nin-nde ni, i naa n sɔla a laalanndo-e. Nduyɛ n nɔla mì n kuundian le tiindan naa n nɔ o biilu Hala-o nin-ndo.

Nsaŋ 9:30

Mí langbanɔɔ mulul nda aa: «Ken kpeekpei co dɛnɛ kɔndɔfillo ni, la sina nɛɛ o fula le. Nduyɛ, ndu kumbi ya hɔltan ni.

2Piɛr 1:3

Kpaaya ndɔ ihalayaa yɔngu naa ɲɛ-ɲɛ naa n nɔ makoo le vaa a sandaa, mó cɔm naa vana veelu naa o biilu ndɔɔ a o dɛnnda ndɔla kaamaala o tosa lan nin-ndo.

1Piɛr 1:15

Kɛ mɛɛ vana veelu niaa-o co o diandaa yɛ, niaa bɛɛ la va a diandaa lende o kela niaa nin kpede.

Marke 6:6

Mó dɔawnun kɔndɔfili le laalan nda kɛɛ-o. Mí Yeesu balu o cieon va lon-ndon nin kpow le vannda pɛɛkoo.

Rɔmnda 8:28

N sinà maa dɛnndan kpow la co tosanndo le dɛnɛ kɛndɛ vanaa kaola Hala-a, vanaa o veelu mɛɛ tuu ndɔɔ co yɛ-a.

Rɔmnda 8:30

Vanaa o toosiaa kan-nda, mó veelu vɛlɛ nda. A o veelu kan-nda, mó siinguu nda vanaa sandaa. A o siinguu kan vanaa sandaa-a, mó biilu vɛlɛ nda.

2Korɛntea 2:17

N co maa vanaa pum te, a co yulalen tosaa a sɔɛi Hala-e a. Kɛ naa naa, le tùú Hala vem naa-o naa n co sɔɛi a toɲaa ndu Hala o hɔl o Krista nin ni.

Kalatea 1:7

O co dɔ́ɔ́ mì Yoongu kɛndɛ celen va le, kɛ vanaa pum a co niaa hɔlla hiŋndo nuaa ni, a yeema le Yoongu Kɛndɛ Krista-o mingio o hɔlaa vɔɔnda-aa.

Kalatea 1:11

I co niaa ndi dimul puapilɛa nia: Yoongu Kɛndɛ ya dimi-o fula vanaciee o ba le,

Kalatea 1:15

Kɛ telen ɲɔɔ hɛnan vana hɛli ya lɔ́ɔ́ yáà vilun ndɔ loo-o, mó veelu ya a kɛndɛi ndɔɛi,

Kalatea 2:2

Ɲɛ cɔmnun ya-o yɔngu ya kɔlan ni. Mí kɔ cɔm vanaa lebɛɛ-a pum Yoongu Kɛndɛ ya va vanaa co N'Yuifi le-a tiiyallo-o o sɔɔnsɔɔnndo nin, yɔŋii baala ya va tosaa-o, te kon te o yáà tosa nin-ndo ndóò yɔŋnun fúú.

Kalatea 2:5

Kɛ le telen bingi bɛɛ n tosal nda lamamɔɔ mì n cɛl te, haliko mi toɲa co o Yoongu kɛndɔɔ nin-ndo lo o mandaa niaa tɛɛn.

Kalatea 2:7

Kɛ nduyɛ, má ca maa Hala vem ya le vanaa co N'Yuifi le-a Yoongu kɛndɔɔ tiiyallo, maa mɛɛ o vem Piɛr o Yuifia lo yɛ.

Kalatea 2:14

Yáà cɔu lende maa a co dɛnndan tosa mɛɛ toɲa co o Yoongu kɛndɔɔ nin-ndo co yɛ le, mí dimul Sefas vannda kpow o hɔl aa: «Nɔm co Yuifnɔɔ-o, te nɔm tosa pɛ dɛnndan maa vana súú celen, le kɔlɔ yɛɛ n co yɛ niko vanaa co N'Yuifi le-a dimullo le tosaa maa N'Yuifi?»

Kalatea 5:14

Kani tɔŋndo kpede peelun o sɔɛi he ndii pilɛ kpé nin aa: «Kaola caanda maa nɔm pila.»