Kalatea 1:14 - BII BILA

¹⁴ O kaannde yuifia ya va len nden, yáà hiow vanaa bɔɔ-bɔɔ o lambi nuu a o vanaa naa n co súú pilɔɔ-a tɛɛn, kani yáà hiow diallon fulaa le kelaa o naamula fuɲaa naa mamaa coo ni.

Kalatea 1:14 Referans Kwoze

Kolɔsea 2:8

La caa, yɔŋii vannda bii niaa a sɔɔn caan mà hui niaa a sɔɔn fondon. O naamula vanndacieea nin kon fulà ni, a ɲinaa vɔɔnda co o ceendo coo-a o ba, o co Krista o ba le.

Dɛnnda kiilaa 26:5

A sínà ya, o co lɛhau le. Te nda pila cɛl pɛ, mà tɛnda seilen, a co sinà maa i yɔŋnun vana pilɛ o vanaa handu pelei kpéŋ-kpéŋ o sɔɔn dinan naan coo-a tɛɛn, dina Faliisia pɛɛn.

1Piɛr 1:8

La ci ndu le, mí la kaola ndu. Niáá ci vɔ vɛlɛ ndu le, mí la laalan ndu, mí la va huuloo a ɲaale bɛndoo,

Dɛnnda kiilaa 22:3

«Yuifinɔɔ ya co ni, Tarse ya velun ni, o lɛŋnde Silisii len nin. Kɛ Yerusalɛm nanu ya sul ni, Kamaliɛl o ba bɛngu, mó pɛɛku ya ɲɛkɛndɛi le kelaa o nɛila tɔŋnda fuɲaa naa mamaa coo. Mɛɛ niaa kpow nɔ hau dialun fulan le Hala nuaa yɛ yáà nɔ mun ni.

Matie 15:6

Vana kon nɔ mako le fuɲa ndɔ, te kon te kala ndɔɔ bɛɛlen ke le. Lende niaa co sɔɛi Hala-e malɔɔ ni le naamu niaa.

Dɛnnda kiilaa 26:9

Ya bɛɛ, i va yiyanndo le keiyo o nɛi oo nɛi coo le diola Yeesu fula Nasarɛt-o cɔlɔbaa.

Yeremi 9:14

diom ya Mɛlɛka-Nɔ-Kpaayaa-Kpow-vo, ya Hala Israɛlla dimi-o co hoo ni aa: «I co vannda ha bil loloo ke mà de, mì koesi nda bɔ̀tàá.

Esai 57:12

Mɛɛ ya, i co ɲɛ co «dɛnɛ sandaa» niaa-o cɔɔmuu, a dɛnnda niaala solinin niaa kpeku oo kpeku le lan.

Esai 29:13

Maalii dimi aa: «A sɔɛi sondoei daama vannda ha co sɔɔnguuo ya o ibuŋ ni, a n'cɔcɔ daama nda co ya biiloo ni, kɛ kɔlta ndalan la co bɔɔ levil a ya, siòòŋii nda nɔ a ya-e, tɔŋ dɛnɛ ivanacieeyaa daama i co ni.

Yeremi 15:2

Taa ɲuna nɔm pɛ aa: ‹Kuɛɛ naa n kɔ yɛ?› A mulul nda aa: ‹O Mɛlɛka dimi-o co hoo ni aa: Le piɔ́mndo, vana-vana kɔanin teengen. Nàá n'kɔnyaa kɔanin a vannda pum, a tiŋ vunin o cɔwvo nin, mì a pum vi a yima fofolan, mà kɔɛ vɛlɛ a à pum o biyɔɔ nin.

Dɛnnda kiilaa 21:20

Mɛɛ nda tuei sɔɔn mun, má candu Hala. O kon kɔɔli, má dimul Pol aa: «Puapilɛ naa, a ce mɛɛ Yuifia taw a siŋnun vanaa Krista-aa yɛ, nda kpow a co vɛlɛ tɔŋndo biyɔɔ ɲɛkɛndɛi.

Tɔŋ lasálàá 13:16

Te falii kiyɛyii ken i mangalan pɛ mì i muungu ihumbu, vana nàà kon muungu o vana-solia-lasálàá lo.