Kalatea 1:13 - BII BILA

¹³ Kani la tuei tɔ́ɔ́ la ɲɛ ya tosa lɔ́ɔ́ kon-ndo, telen ya va o kaannde Yuifia-o: i va vanaa Hala-a yɛlen tollo a labɛɛla kpeekpei, mí va kindinndo le nda puusiaa.

Kalatea 1:13 Referans Kwoze

Dɛnnda kiilaa 8:3

Kɛ Sol ndu, ndóò yeema mì ndóò puusiaa vanaa Krista-aa. Mó va keiyo cɛilan nin vanaa laalannda biwvo, vanpiaandua a vanlaandua, mó va nda malɔɔ o kaasoo.

1Korɛntea 15:9

Nduyɛ, o kiila tɛɛn kpow, ya co o sɔvɛ taw le ni, i co bɛɛ o sɔvɛ le ya veeloo aa kiilaa le, kani i tol kunda Hala-o yɛlen.

Dɛnnda kiilaa 9:26

Sol tiiyaa Yerusalɛm, mó kindin le sɔɔnguuo kaandennda ikɛi. Kɛ mí nda kpow a vo ndu, kani a ve laalan te maa o siŋnun kaandennɔ kpeekpeiyo.

Dɛnnda kiilaa 9:21

Mí vanaa va ndu diomndo tueyɔɔ-a kpow a dɔawnun kɔndɔfili, má va dimio aa: «Vɛ̀ɛ̀ o co langbanɔɔ ho le va vanaa va Hala piɛiyo o diola Yeesu lan-nda saangiaa Yerusalɛm te? Vɛ̀ɛ̀ o co le nda yiwvo mò kɔɛ a nda o bolii vanaa-solia-lasálàá lo le o hin nanu nuaa le?»

1Timote 1:13

Ya va paandu sɔɔn tanan dimio a ndu o kɔɔ-o, ya va ndu yɛlen tollo mí i va ndu yeowlan-ndo pɛɛn. Kɛ Hala tuinun ya iɲíí, kani o sínà lepɛŋndo nin a o laalan lepɛŋndo nin ya va kon tosaa ni.

Filipea 3:6

Le a ba tɔŋndo o kɔɔ yɛ, Faliisinɔɔ ya co ni. Te le dialun fulan a dɛnɛ dinaa o kɔɔ ni, vana tol kundala vanaa laalannda yɛlen-ndo ya yɔŋnun ni. Te le sandei a ba tɔŋndo ni, vanáà yaala ya nɛɛ-nɛɛ le.

Dɛnnda kiilaa 8:1

Sol, o yiyan pilɛ kon va o kɔl o Etiɛn diyɔɔ-o bɛɛ va lon. Paale len, mí vannda kandu vanaa Krista-aa Yerusalɛm yɛle bɛndulen tollo. Mí vanaa laalannda kpow a sɛŋin, má kɔa nɛɛ-nɛɛ ka o tàndá Yuda-o nin a o lɛŋnde Samari len nin. Fɔ kiilaa daama ndáà lo Yerusalɛm ciee ni.

1Korɛntea 10:32

La tosa ɲɛ-ɲɛ mì la luei vanaa co N'Yuifi le-a, te kon te Yuifia, te kon te vɛlɛ vanaa laalan Hala-a o pɔwlan nin te.

1Timote 1:14

Maalii naa pei ya kɛndɛi ndɔɛi nin ca, mó ke ya laalanndo a kaola naa n sɔla Yeesu Krista o ba-o.