Yɔɛl 3:5 - BII BILA

⁵ O kon, vana-vana veelu pɛ diola Mɛlɛka lan o piɛilen nin, ndu sɔla cindaa. Kani vanaa hialunnin-nda vanin o pembei Siɔn coo a o kobio Yerusalɛm nin. O vanaa lonin yoomu-a tɛɛn, vanaa Mɛlɛka veelu-a vanin maa mɛɛ ndu Mɛlɛka pila dimi yɛ.»

Yɔɛl 3:5 Referans Kwoze

2Masaa 24:13

Mí Nebukanɛsar cua bolofaa va o Cɛi-Mɛlɛka-o nin a o cɛi lemasaa nin-ndo kpow, mó mulin mó pesipesi ɲɛm-laandun solia lasálàn n'sianin Salomɔn masaa Israɛl ndóò toosiaa, mí ndóò kɛsi o Cɛi-Mɛlɛka-o nin-ndon kpow mɛɛ Mɛlɛka ndóò dimi yɛ.

2Masaa 16:8

O kon, mí Ahas cua volion, sianin va o Cɛi-Mɛlɛka-o nin-ndon a bolofaa va o cɛi lemasaa nin-ndo, mó kɔ ke masaa Asiri mun.

2Masaa 12:18

Tuma Hasaɛl va masaa Aram-ndo, mó kɔ del kobio Kat coo a cɔwvo, mó bii ndu. Mí kɔllo kɔa ndu vɛlɛ le Yerusalɛm kuello a cɔwvo.

Daniɛl 11:38

Yɔŋii o biilu halaa kan, o biilunin hala kobi nda kunga a kpakio-o, o fuɲaa ndɔa mamaa sina loo, mò yɔngu ndu sianion, volin humbon, powta báà kàlàlan a ɲɛm vɔngu bɛndon.

Yeremi 51:11

Mɛlɛka tuu le Babilɔn tɛɛmbuuo. O co masaa Medii yoomuan lueiyo le tuu ndɔ kon peeloo. Maa ndɔɔ o co mingi ni, maa Cɛi-Hala co le ndu-o o co mingi kon lende ni. La cɛɛŋa bálta niaalan, mì la pei lan bɔlɔlan cá-cá.

Yeremi 50:28

La yaŋ nilan, niaa vanaa co ɲaanɔnndo le fulaa o lɛŋnde Babilɔn-nden nin-nda, a co vɔ yoomu-a, a co hunɔɔ dimio Siɔn aa: ‹Mɛlɛka Hala naa mingi màá nɔmndo, o mingi màá Cɛi-Hala diandaa ndɔɔ.›

Esai 11:11

O palɛi ken nin, Maalii siɛndinin vɛlɛ ba ndɔɔ o diinndɔɔ le vanaa ndɔa tɔ̀a lonin-nda baŋaa, a co a saŋnannda Asiri, Esipte, Patrɔs, Etiopii, Elam, Sinear, Hamat a o tiŋnda co o mɛmma ihɛllan tɛɛn-ndan nin-nda.

Yeremi 23:7

A toɲa, Mɛlɛka dimi aa: «Paale co hunɔɔ, vannda ve lɛnin mɛnan aa: ‹Le Mɛlɛka yoomaa, o soli Israɛlla Esipte-o› le.

Esekiɛl 37:12

Lelan, nɔm tɛɛngul nda diom Hala-o. Dimul nda aa: Nuaa Maalii, o co Mɛlɛka-o dimi ni aa: ‹La tofa vɔ mɛɛ ya kumbi sɛila niaalan yɛ, i solinin niaa o sɛila lan nin, mì heelu niaa ceen. I co niaa mingi o lɛŋnde Israɛl-ten nin, niaa co vanaa nia-a pɛɛn.

Abdia 1:17

O kon vanaa tɔ̀a lonin-nda cuungiaanin o pembei Siɔn coo, fonda muungunin kon vɛlɛ o diandaa le ya-o pɛɛn. Polale Yakɔb len le minginnin vɛlɛ yondala ndalan o ba, yonda vannda ndaa hɛlu nda o ba lan pɛɛn.