Yɔɛl 3:4 - BII BILA

⁴ Paalen le mangalanin ɲumndan, mì paangei siŋnun koovan telen pá mì paale Mɛlɛka len le tiiya, paale kpúlúnkùmalen a paale kpundɛ bɛndule len.

Yɔɛl 3:4 Referans Kwoze

Yeremi 47:4

Kani paale tɛɛmbua len le tiiya le Filistia kpow. Vana-vana co lɛ le kobilan Tir a Sidɔn malaa le. Mɛlɛka co cii ɲɛ-ɲɛ fee tɛɛmbuu o Filistia lo, vanaa lo yoomu o lɛŋnde ibunga len Kaftɔr nin-nda.

Esai 59:18

O mingulnin vana-vana mɛɛ o tosa dɛnndan yɛ. O mingulnin vanaa simul ndu-a kɔltuwvo, mò yɔngu yaamɔaa ndɔa ɲɛ nda bɛnda le sɔlaa-o. O salanin lɛŋii co o mɛnndan kɔngɔ-e mɛɛ dɛnnda ndalan la yɔŋnun yɛ.

Esai 34:8

Kani paale mingiaa màálen le co len le Mɛlɛka ni, vɔsi tɛinanndo co kon ni le màá Siɔn-ndo mingio.

2Tesalonikea 1:6

Nduyɛ Hala sandu, o saangiaanin vanaa co niaa saangiaa-a,

Dɛnnda kiilaa 9:4

Mí Sol del lɛŋ, mó tuɛi diomndo pum ndu dimullo aa: «Sol, Sol, le yɛɛ nɛ n co yɛ ya yɛlen tol-lo?»

Luke 18:7

Vɛ̀ɛ̀ Hala kenin vanaa ndɔa o hɛli, ma va ndu piɛiyo idii a icɔl-la di le? Vɛ̀ɛ̀ tamalaa o tamalanin le nda malaa ni?

Matie 11:21

«Dɛnɛ palaa co le nɔm, nɔm Korasin! Dɛnɛ palaa co le nɔm, nɔm Bɛtsaida! Kani te dɛnnda kaamaala tosan o niaa lo lan láà tosan pɛ Tir a Sidɔn, maa o co lɛhau le ndáà vownun nin volɔɔla biisilan, mì ndáà deli o loolio nin, mì ndáà mangalan te.

Yeremi 51:6

La ɲaanun mì la faŋan Babilɔn, vana-vana cɛwnun. O kon la vinin le tɛɛmbuu ndaa le. A toɲa, telen Mɛlɛka minginin màá-o tiiya. O tosalnin ndu mɛɛ o bɛnda a ndu yɛ.

2Dɛnnda lemasalan 21:16

O kon, mí Mɛlɛka luei Filistia a Arabua va icali Etiopiia macɛlu-a yiyanndo nin le Yoram delɔɔ coo a cɔwvo.

Masaa kialaa n'yamaa 11:12

Mí Yɛfte viam kiilaa o masa Amɔnnda lo le nda ɲunaa aa: «Sɔɛi yɛɛ co yɛ naa tɛɛn naa niaa mí la hun lɛŋnde nilen delɔɔ coo a cɔwvo?»

Tɔŋ miingua 32:35

Ya co vana mingiaa màá ni, ya sala vanndo le ɲɛ o tosa-o ni. Tuma nda boŋnin-ndo, ya saalanin nda ni. Kani paale dɛnɛ palaalen le co nin le tiiyaa nda coo. Dɛnɛ palaa kelun le nda-o tamalanin le tolɔɔ nda coo le.

Matie 11:22

Lelan mì dimul niaa, paale kialaa iyamalen, sɔɛi niɛi hiawnin ikalu a sɔɛi vannda Tir a haa Sidɔn.

Luke 10:13

Dɛnɛ palaa co le nɔm, nɔm kobio Korasin! Dɛnɛ palaa co le nɔm, nɔm kobio Bɛtsaida! Kani dɛnnda kɔndɔfilta tosan o niaa lo lan láà tosan pɛ Tir a Sidɔn, mì vanaa kan ndáà cii nin volɔɔla biisilan vownɔn, mì ndáà cii nin lɔngɔlian o loolio nin.

Luke 10:14

Lelan, paale yamɛi vanin kiolɔn-ndo len, dɛnɛ niaa hiawnin ikalu a dɛnɛ Tir a Sidɔn-ndo.

Esai 14:29

Niaa Filistia sei, la dɔawnun ɲaale le tùú tinda nda va niaa kɔɔlan lɔɔ-o yom-ndo le dɛ! Kani kɔɔmaa fulanin o kɛw siovɛiyo nin, cuale fulanin o kon nin-nden tambálakáà can coocoo-o le vanin ni.

Yeremi 47:1

Mí Mɛlɛka soaa o Yeremi lo, mó dimul ndu isɔɔ a Filistia o kɔɔ, masaa Esipte ndóò del lɔ Kaasa coo a cɔwvo le.

Yɔɛl 2:2

Paale maɲumnden a paale ɲumma n'kpungbalen paale len le vanin ni. Paale yumbuyumbulen a paale mɔ́m bɛndulen le vanin ni. Le hunnin mɛ̀ɛ́-mɛ̀ɛ́ ɲɛ-tengaa paale siaa tiw o pembon coo nuaa yɛ. La tofa vɔ! Vanaa-mangalaa-isɔɔa ha, a co sɛ́lɛ́ taw, a nɔ kpaayaa. Kabi masindɛ, vanaa súú vaa lende fula vɔ le, hali o nda kɔɔli, vanaa súú vaa lende fula lɛnin le fɛɛn a fɛɛn te.

Yɔɛl 2:10

Lɛŋnden le co nda ɲiiyaa laci, halataalaa hiilun yongban-yongban. Paalen a paangei piimiaa kpilo. Loeon va diondɔɔ-on ɲum pɔ́lì.