Yɔɛl 3:2 - BII BILA

² Hali cɛa piaandua a à laandua coo, i tuisinin Kɔl nuu o palɛi ken nin.

Yɔɛl 3:2 Referans Kwoze

Sofoni 3:8

Lelan, Mɛlɛka dimi aa: ‹La cum-ndɔ! La cum paale ya cannin le seilen tɛndaa len. Lɔ́ɔ́ ya cuungiaanin vanaa-mangalaa-isɔɔa le yamɛi nii kiolɔɔ-o. I mɔɔsiaanin masɛi le kɔl ni tuwvo tuisio ndi coo, a le ndi fukpaa a kɔl ni fulaa. Kani i loamnin lɛŋnden kpow a yinnde nile paŋalaalen.›»

Esai 66:16

A yinnden Mɛlɛka kialu yaman ndɔn ni. A mɔɛi ndɔɛi cɔwve o soaŋ vanaciee oo vanaciee le yamɛi ndɔɛi kiolɔɔ ni. Vanaa delnin Mɛlɛka o ba-a vanin bɔɔ sɛ́lɛ́.

Esekiɛl 38:22

I kialunin yamɛi ndɔɛi, mì tuisi ndu nàà n'kɔnyaa coo, mì diw vanaa ndɔa. I tuisinin piɔɔ pɔ̀lɔ̀-pɔ̀lɔ̀ɔ́, loeon delian, yinnden a fungoo ndu pila coo, vanaa ndɔa cɔwva coo a vanaa sɛ́lɛ́ bɛndua vanin a ndu latulu-a kpow coo.

Dɛnnda cɔɔmuanndan 16:16

Mí ɲinaa vɔɔŋaa kan a mɔɔsiaa vannda o fonda nda veelu o hebrei nin-ndo aa Harmakedɔn.

Esekiɛl 39:11

Paale len, lɔ́ɔ́ sɔɔn mun peelunnin-ndo, i yɔngunin Kɔk fondaa le ndu kumbɔɔ lon, o lɛŋnde Israɛl-ten nin. Fonda kon vanin ból vanaa kelaa ni, o mɛmma hɛlii bɛnduan ikɛi, a ba paalen le can-ndo. Sɛila lan la kindalnin vanaa hiawnannda nɛiyo ni. Lon nda kumbunin Kɔk a vanaa ndɔa sɛ́lɛ́a kpede ni. O kon, a kenin ból kon diolan aa Ból sɛ́lɛ́ bɛndu Kɔk-o.

Esekiɛl 35:10

Kani a dimi aa: «I hialunin masɛi ŋiiŋii ken, Israɛl a Yuda, lɛŋii Mɛlɛka co ken nin-nde pɛɛn.»

Yeremi 25:31

Vana lo lɛŋnde mɛɛlu mà tuei ndu diom. Mɛlɛka co kɔɔsɔɔ nda vanaa-mangalaa-isɔɔa. O veelu vanndacieea kpow o cɛi ndɔ kɔɔsɔɔ nin, o tosanin mì vanaa vɔɔnda kpede a vi o mɔɛi cɔwve bɛngu.› Sɔɛi fula Mɛlɛka o sondo-e co ken ni.»

Dɛnnda cɔɔmuanndan 20:8

mò fula le vanaa-mangalaa-isɔɔa co o lɛŋnden kpengun hiɔɔlon-nda lueiyo o pɔwlan nin, Kɔk a Makɔk pɛɛn, haliko mo mɔɔsiaa nda le cɔwvo tosaa. A vanin sɛ́lɛ́ maa sióóndon o mɛmma ihɛllan nin.

Dɛnnda cɔɔmuanndan 16:14

Ɲinaa vɔɔŋaa tosa dɛnnda kɔndɔfiltan-nda co kan ni, a co kɔlan o masaa co o lɛŋnden kpow coo-a lo, haliko ma mɔɔsiaa nda le cɔlɔbaa o paale bɛndule Vana-kpaayaa-Kpow len coo.

Dɛnnda cɔɔmuanndan 16:6

Kani vannda cuiŋi kooma vanaa diandaa a kooma vanaa-tɛɛngaa-diom Hala-a, mí nɔm ke nda koovan le kolɔɔ, ken bɛnda a nda ni.»

Amɔs 1:11

Nuaa Mɛlɛka soo ni aa: «Le yɔŋnda vɔɔnnda yàála Edɔmnda tosa lan, le yɔŋnda vɔɔnnda nda tosa háá tan hiɔɔlu lan, ɲɛ ya kelu le nda tuisio coo-o, i faŋannin lecoo le! Kani a tow puapilɛa ndaa, má ɲaanun nda kɔɔli a mɔɔn cɔwvon, má kɛɛ le nda ɲííye tuinɔnndo, má tuisi nda kɔltuw ndaa coo. A co kɔl nda fulaa mandanndo nin le lɔ́ɔ́-lɔ́ɔ̀.

Esekiɛl 36:5

Lende ni, Maalii Hala soo, mó dimi aa: «I kɔngɔlan vanaa-mangalaa-isɔaa balu lon-nda a yinnde paŋalaale nilen, kɛ taama-taama lɛŋnde Edɔm-nden kpede, kani o kɔl nda kɛndɔɔ nin a o tɛɛndan co nda o kɔl-lo nin, mí nda pila kennun lɛŋnde nilen, má poonda nɛɛ nda yaa cɔlua diólan-nda.

Esekiɛl 25:8

Nuaa Maalii, o co Mɛlɛka-o dimi ni aa: «Le tùú vannda Moab a haa Seir a dimi aa: ‹Cuawva Yuda siŋnun maa vanaa-mangalaa-isɔɔa kpow-vo.›

Yeremi 49:1

Sɔɛi Mɛlɛka dimi a Amɔnnda o kɔɔ-e co hee ni aa: «Vɛ̀ɛ̀ Israɛlla nɔ lɛ hɔ́aa piaandu le? Vɛ̀ɛ̀ a nɔ lɛ vana cuanin kɛ ndaa le? Le yɛɛ piɔmndo Malkɔm loo yɛ tàndá Kad-o, mí vanaa ndɔa va icali o kobila co lon-ndan nin?»

Yeremi 12:14

Diom Mɛlɛka dimi le vanaa vɔɔŋaa balu vanaa nia-a-o, a co baa yɔɔ o ɲɛ nuu, lɛŋnde yáà yɔngu vanaa niaa Israɛlla kɛ́ɔ len-ndo co hoo ni aa: «I co nda sungɔɔ o lɛŋnde ndalen coo, mì hɛlu vɛlɛ nda Yudaa o ba.

2Dɛnnda lemasalan 20:26

O paale hiɔɔlundɔlen coo, má cuungian o bóllo Beraka nin, má mel Mɛlɛka balika. Lelan nda ke fonda kon diolan ni aa «Bóllo Beraka», kon co dimio ni aa «Ból balikaa». Diola lan o nɔ vɔ háá paalen nden ni.

Dɛnnda cɔɔmuanndan 11:18

Vanaa-mangalaa-isɔɔa ndáà cɛn a yolɛi, mì kɔltuw nɔmndo cɔmnun, mì telenndo tiiya le yamɛi vanvílɛ́iya kiolɔɔ, le vanaa baalaa nɔmnda, vanaa-tɛɛngaa-diom Hala-a, vanaa diandaa a vanaa vo diola nɔmndan-nda, cuaambɔa a kaasonnda salaa, le vanaa co lɛŋnden tɛɛmbuuo-a tɛɛmbuuo.»

Esai 66:18

Kani ya, i sina dɛnnda ndalan a yiyannda ndalan. Telenndo tiiya le vanaa-mangalaa-isɔɔa a vannda súúlan kpede cuungiaa. A hunnin nanu mà ce biilu nuu.

Yeremi 50:17

Màá saa laasian, mì yàlàá can ndu tovɔɔ-o Israɛlla va ni. O tase de ndu-o yɔŋnun masaa Asiri ni, o ndu kɔɔli, mí Nebukanɛsar masaa Babilɔn hun pesipesi ndu paalan.

Esekiɛl 34:6

Saa nia co luusianndo o pembun bɛndon kpow coo a o buubuuon kpede coo, a co a saŋnannda yondoo nin o lɛŋnden kpow nin, vana-vana nɔ nda lehɔl coo le, vana-vana co nda nuwviaa le.

Esekiɛl 36:1

Nɔm Po vanacieo yɛ, tɛɛngul pembon Israɛl diom Hala-o, mà dimul mun aa: «Niaa pembon Israɛl, la yaŋ ndɔ nilan o sɔɛi Mɛlɛka-e!

Misee 4:12

Kɛ vanaa kan, à sina ɲɛ Mɛlɛka nɔ o kɔl te, a bii bɛɛ tuula ndɔlan bila le. À co sina maa mɔɔsiaa le o mɔɔsiaa nda mɛɛ vana mɔɔsiaa tumbulan o kpele lɔaa n'mallo coo nuaa yɛ le.