Yɔɛl 2:3 - BII BILA

³ Yinnden le co kɔlan a ɲɔɔn lomɔɔ nda laci, yelenyelenndo co kɔlan a ɲɔɔn siowvo cuuloo mungén nda kɔɔli. Paandu, lɛŋnden le vannun maa nakɔɔ Edɛn, kɛ kabi nda luɛi lenin, le siŋnun lɛŋnde veselɛile imɔnɔlen. Ɲɛ-ɲɛ helun nda le few.

Yɔɛl 2:3 Referans Kwoze

Esai 51:3

Nuaa Mɛlɛka co Siɔn ɲɔɔloo ni, o co ndu ɲɔɔloo le tambii ndɔɛi kpow, o siinguunin lɛŋnde veselɛile ndɔlen maa Edɛn, o minginin dɛɛla vesɛi ndɔɔ maa nakɔ ndu Mɛlɛka-o. Ɲaaloo a kɔlkɛndɔɔ vanin lenin, lisaa a diom ɲɛ-caa vanin tueinɔnndo lon.

O Kandɔɔ 2:8

O kon kɔɔli, mí Mɛlɛka Hala soli nakɔɔ o lɛŋnde Edɛn-nden nin, a ba paalen le can-ndo, mó mal vanapɔnɔ o cɔw kon-ndo o nakɔ kon nin.

Sakari 7:14

Mí saŋ nda vanaa-mangalaa-isɔaa ndáà sina paandu le-a tɛɛn, mí lɛŋnden le koma tambuu nda kɔɔli. Vana ve lɛ cɔnɔn o lɛŋnde len nin le lakɔ inɛɛ le, vana ve lɛ vɛlɛ cɔnɔn inɛɛ le hunɔɔ o lɛŋnde len nin te. Lende nda tɛɛmbuu lɛŋnde kɛndɛle len ni, má siinguu len lɛŋnde imɔnɔle siɔŋɛilen.›»

Fulaa 10:15

Má kumbu lɛŋnden háá mí le yɔŋnun yim-yim. Má dia bil kiyɛiyo a tɔlɔɔla koamaala loeon mɛi lan. O lɛŋnde Esipte len nin kpow hali peele kiyɛilen a mɛi o yɔmnde coo a o billo coo yondoo nin te.

Fulaa 10:5

Sóónɔa co hulɔn háá mà kumbu lɛŋnden mɔku-mɔku, vana cinin lɛŋnde fondolen te fɔ nda. Tɔlɔɔ oo tɔlɔɔ loeon mɛi le tɛɛmbuuo, sóónɔa kan co lan dio selemenden. A co vɛlɛ yɔmii co vulɔɔ mí i va hindɔɔ yondoo nin-nde dio kpede.

Amɔs 7:4

O kon kɔɔli, ɲɛ Maalii, o co Mɛlɛka-o cɔm ya o vundulen nin-ndo yɔŋnun hoo ni: Mí Maalii, o co Mɛlɛka-o va yamɛi kiolɔɔ a yinnden. Mí yinnde len le va soon bɛndu-bɛndu co o lɛŋnden bɛngu-o lomɔɔ.

Yeremi 5:17

Vanaa kan tɛɛmbuunin calta niaalan a ɲɛdiaa niaa. A diwnin poaa a cuavaa laandua niaa, a diwnin cɔlua niaa pɔmbɔa a á bɛndua. A tɛɛmbuunin nakɔla n'rɛsɛnnda niaalan a la n'voosulan. A pesinin kobila mayoomula niaala niaa tiindan ndan a cɔwvo.

Condii lisai 50:3

Màá Hala naa hun! Màá o mei le! Yinnden le co ndu sandei laci vulɛi-vulɛi, hoeyii fùkù-fùkùei balu ndu sɔ́.

O Kandɔɔ 13:10

Mí Lɔt keeliaa hɔlla kpow, mó ca dɛɛla bɛndu demul peo Yurdɛn-ndo o puiyaa ɲɛkɛndɛi kɔlan tiiyaa háá Soar. Tuma kon, Mɛlɛka ndóò tɛɛmbuu vɔ Sodɔm a Komɔr le, dɛɛlaa vannun o puiyaa tɛi-tɛi mɛɛ nakɔ Mɛlɛka-o va nuaa yɛ, mɛ̀ɛ́-mɛ̀ɛ́ lɛŋnde Esipte len le co o nɛi Soar-o nuaa yɛ.

Condii lisai 97:3

Yinnden le co ndu kɔlan laci, le co yaamɔa balu ndu-a lomɔɔ.

Esai 9:18

Lɛŋnden le co ŋɔu a kɔltuw Mɛlɛka-Nɔ-Kpaayaa-Kpow-vo, vannda siŋnun ɲɛ yinnden le va mɛngɛlaa-o. Vana-vana co puapilɛ ndɔɔ haki malɔɔ le.

Esai 9:19

Vannda co ɲɛm dian tɔ̀un co vannda o ba kɛndɔɔ coo-on dioo, kɛ yiaan ma co nda nɛiyo, a co ɲɔɔn dioo o ba nda miallo coo kɛ a pim te. Vana-vana co visin ba ndɔɔ sɔmndo.

Esai 14:17

Bàà mo va langbanɔ va ceendo mɛiyo fondo a kobilan pesio-o co hoo ni? Vana-vana ndóò mal pɛ o kaasoo, kon ndóò fula lɛ ndu o ba le few!

Esai 15:6

Mɛnndan Nimrim ma tambu mi ma vela sɛ́ɛ́n. Billo vesan, bil pɔmbɔ tala lɛŋ-ndo tambu, bil puiyaa bɛɛ co lɛ hali ɲɛ-pɔmbɔ le.

Esekiɛl 36:35

O kon, vannda diminin aa: Lɛŋnde tambɛilen-nden le siŋnun lekɛndɛ-kɛndɛ maa nakɔɔ Edɛn. Kobila ndɔla va lapiɔlɛilan, latambɛilan a lasiɔŋɛilan-ndan la muungu tangulɔn, vanndacieea co nin icali lenin.

Esai 33:4

Vannda co ɲɛm nda puu niaa o ba o cɔwvo-on cɔwviaa mɛɛ kambalaa-sóónɔa punga tɔlɔɔ o dioo nuaa yɛ, a co mun pungaa a kiltan mɛɛ sóónɔa kundaa dia tɔlɔɔ yɛ.

Habakuk 1:6

I co vannda vomɔɔ fulaa Babilɔn, kani nda nɔ iɲíí le, a nɛi vɛlɛ kɔl fula le. A kei kan vannda delɔɔ coo, mà poondiaa ɲɛm ndan-nda pɛɛn.