Yɔɛl 2:26 - BII BILA

²⁶ La vanin ɲɛdiaa dioo a pumndo, la lisanin Mɛlɛka Hala niaa, o tosa dɛnnda kaamaala bɛndulan le niaa-o pɛɛn. Le fɛɛn a fɛɛn nin, siɛmbula bii lɛnin yungu nuu le.

Yɔɛl 2:26 Referans Kwoze

Rɔmnda 10:11

Sɛbɛ Hala-o dimi aa: «Vana-vana laalan ndu pɛ, siɛmbula biinin ndu le.»

Condii lisai 22:26

Nɔm co tosaa ni mì va diola nɔmndan lisaa vannda taw tɛɛn, i peelunin ciɛ́ɔn ya cua-on vanaa nɔ siòòŋii nɔmnde-a kpow o hɔl.

Rɔmnda 5:5

Nduyɛ, kɔlkɛsiaa hui vana le, kani Kɔl-Diandaa kennun naa-o tosá ni mí kaola Hala-o tiw o kɔlta naalan nin sɔ́.

Tɔŋ miingua 12:7

O fonda kon niaa vanin ɲɛdiaa dioo Mɛlɛka Hala niaa o hɔl ni, lon niaa vanin a kɔlkɛndɛ bɛndoo niaa yungula niaalan le valta niaala Mɛlɛka Hala niaa vanin duaa dɔvɔɔ lan ni.

Esai 49:23

Masaa vanin vanaa dɔavaa baloa nɔmnda ni, cuavaa ndaa laandua vanin vanaa mandaa n'cuavaa nɔmnda ni, a baŋnin vulan nɔm o labɛngunin mà deli a kuumbuan o kɔl coo nɔm o labɛngunin. A deembuunin cundu vanin nɔm o n'pelu-o. O kon nɔm pila sinanin maa ya co Mɛlɛka ni, maa siɛmbula biinin vanaa tiindan ya-a le.

Esai 45:17

Mɛlɛka o ba Israɛlla sɔla cindaa ni, cinda co le fɛɛn a fɛɛn-ndo. Le fɛɛn a fɛɛn, siɛmbula biinin niaa le, la tembunin labɛɛ le.

Tɔŋ lasálàá 26:5

O niaa lo, la lonin malun niaan lɔɔ haa mì tuma kiandaa n'rɛsɛnndo tiiya, la lonin rɛsɛŋun niaan lɔɔ mì tuma lavayia tiiya. Baloo kuinin niaa o ba taw-taw, la calnunnin nila ɲulu o lɛŋnde niaalen nin.

1Nsaŋ 2:28

Lelan, cuavaa nia, la lo ndu nin, haliko telen o cɔmnunnin-ndo, mì n sɔla tiindanndo, o kon siɛmbula biinin naa a ndu o hunɔɔ ndɔɔ le.

Rɔmnda 9:33

maa mɛɛ i co i sɛvaa yɛ aa: «Má cè ya pow boŋaa kɛsio Siɔn! Pow kpova mal vana-o. Kɛ vana laalan pɛ ndu, o luusian te.»

Esai 54:4

Lelan siòòŋii bii nɔm te, kani siɛmbula biinin nɔm te, yɔŋnun yoloma-yoloma le, kani a tembunin labɛɛ le. Kɛ a pɔɛɛnunnin siɛmbula bii nɔm o felengiyɛi nin-ndan, a yiyan ndɛnin a bɛ̀ɛ̀la n tambu lɔ́ɔ́ n va o vii pɔnɔɔ nin-nde lan te.

Esai 25:1

Àá Mɛlɛka, nɔm co Hala nuu ni! I sangalanin nɔm, i lisanin diola nɔmndan. Kani a tosa dɛnnda kɔndɔfiltan, dɛnnda kɔndɔfilta n tuu le tosaa kabi sindɛ lan, a lo o lediom coo ma peelu lan sakpo.

Sakari 9:17

Mbɔ̀ ɲɔɔ naŋnin bɔɔ! Ɲɔɔ yeelanin bɔɔ! Maalon tosanin mì felengia hindu, mì mɔima sɛnɛiyan ma tosa mì cuaambɔa laandua dɔwnun yálá.»

Sakari 9:15

Mɛlɛka-Nɔ-Kpaayaa-Kpow-vo kandanin nda. À sɔlanin yoomuan mà ciimiaa powta fáàndala vanin nda hinullo lan. A kolnin mà ŋol maa mamɔi, a vanin a piaa maa bonyii fuusai makòó, maa kpɛ̀ɛ́n fonda-loamaa-lasálà.

Sofoni 3:11

«Paale len, niaa vanaa co vanaa nia-a, siɛmbula bii lɛnin niaa le dɛnnda vɔɔnnda niaa tosa paandu a ya lan te. Kani i faŋanin vanaa yongaa niaa tɛɛn. O kon, la pɛnginin yongaa tosaa o pembii nii diandɛi coo.

Esai 29:22

Lelan, nuaa Mɛlɛka, o co Hala cuavaa-imamaa Yakɔb-a-o, o baŋa Abraham-ndo dimi ni aa: «Sunsun nin, siɛmbula bii lɛnin cuavaa-imamaa Yakɔb-a le, hɔlaa ndaa muungu lɛnin yifidii le.

O Kandɔɔ 33:11

Lelan, bii ɲɛ ya cuu nɔm hoo-o ya o ba. Kani Hala ce ya ɲia taw, ɲɛ-ɲɛ ka co ya o ba.» O lo Esau baŋnɔnndo kɔɔli háá mí Esau bii yɔŋɔɔ kon.

1Timote 6:17

Dimul vanaa nɔ bolofaa sunsun-nda maa nda pila a cannun ɲɛ le, dimul nda maa a kɛsì kɔllo o bolofaa fondoo ho coo le, kɛ a tiindàn Hala, o yɔngù naa ɲɔɔn kpow mì n va taw-vo, haliko mi n de mun tɔnɔ.

Esai 55:2

Le yɛɛ nɛ niaa co yɛ volion pisio le ɲɛdiaa nɔ tɔnɔ loo, mì la va sangaa le ɲɛ pimi vana loo? La yaŋ ya nilan, la yaŋnun, o kon la dianin ɲɛm yeelɛiyon, ɲɔɔ hɛnannin niaa le ɲɛm dian naŋ-ndon dioo.

Condii kɛndɛ-kɛndɛi 5:1

«I luɛi o nakɔ nuu nin, yemanndo, nɔm ya co cuaa o nɔu nin-ndo. I co mir nuu a ɲɛm cun kɛndɛn nun kiɔndɔɔ. I co vaa malɛ nuu sɔɔsiaa a lɛma nian deembuuo. I co mɔima nian a nɔnɔma nian kolɔɔ. Caaŋaa nia, la dio! La kol mɔima kaolan mì ma bii niaa.

Talelan 13:25

Vana sandaa de pɛ o pim ca. Kɛ dembe vana kɔlvesɛiyo ndu co caŋndo a yiaan tuŋ.

Condii lisai 116:7

Kɔl nuu sɔla vɛlɛ pɛngio, kani Mɛlɛka tosal-la dɛnɛ kɛndɔɔ.

Condii lisai 103:5

O pei yoomu nuu a dɛnnda kɛndɛlan, mó mingi ya felengi. I co macoaa maa kovɛ co cɔnɔnndo coo-o.

Condii lisai 72:18

Biiloo co le Mɛlɛka Hala, Hala Israɛlla pɛɛn! Ndu pilɛ kpé co dɛnnda kaamaalan tosaa ni.

Condii lisai 37:19

Siɛmbula biinin nda tuma dɛnɛ palaa toalnin-ndo le. A pumnin cá o palɛi yima fololɛi nin.

Condii lisai 13:6

Kɛ i tiindan kaola nɔmndo, ɲaaloo co ya o kɔl le ciindiaa n ciindiaa ya-o. I solulnin Mɛlɛka condon le dɛnɛ kɛndɛ o tosal-la-o.

Nehemi 9:25

Má bii kobila mayoomulan, má hialu ɛŋii naŋ tɔlɔɔlan-nde, cɛila bolofaa va nin taw lan, soonnda kólaala ndáà tow lan, nakɔla n'rɛsɛnndan, nakɔɔla olivieelan, a tɔlɔɔla celen taw. O kɛndɛi nɔmii bɛnduei bɛngu, má dia mɛɛ ndáà hɛnan yɛ, má pum kúkúú, má vannun o dɛnɛ kɛndɛ ɲaale bɛndoo nin.

Tɔŋ miingua 12:18

Mɛlɛka Hala niaa o hɔl, o fonda ndu pila hɛlinin-ndo niaa bɛnda le ɲɛla lan dioo ni. Niaa pila, poaa niaa, cuavaa niaa laandua, buɛyaa niaa piaandua, buɛyaa niaa laandua a leviaa vanin o kobila niaalan nin-nda bɛnda le ɲɛla lan dioo ni. O kon, la dɔwnun ɲaale Mɛlɛka Hala niaa o hɔl le kɔmnde niaa vanin sɔlaa o valta niaalan nin-nden.

Tɔŋ miingua 12:12

La vanin a kɔlkɛndɔɔ Mɛlɛka Hala niaa o hɔl: niaa pila, poaa niaa, cuavaa niaa laandua, buɛyaa niaa piaandua, buɛyaa niaa laandua a leviaa vanin o kobila niaalan nin-nda. Kani leviaa kan nda nɔ ɲɛ a kɛ́ lelɛŋ maa niaa le.

Tɔŋ miingua 8:10

La sɔlanin ɲɛdiaa lon taw-taw, la vanin dioo mì la va pumndo, mì la va Mɛlɛka Hala niaa balikaa mello le lɛŋnde kɛndɛle o yɔngunin niaa len nden.

Tɔŋ lasálàá 26:26

I tuŋnin niaa ɲɛdiaa. Vanlaandua tɔ́ a loamnin bulu niaa o fonda loamaa buloo ndu pilɛ nin, mà cuu niaa ndu ɲɛ-pɔmbɔ cuinii. La dianin ndu kɛ la pimnin ndu le.

Misee 6:14

La vanin dio, kɛ la pimnin te. Yiaan ma vanin niaa o ladembe. La vanin baloo kɛsio nɛɛ pum le ndu mandaa, kɛ la nɔlanin ndu manda le. La manda yɛ pɛ ɲɛ pum, i tosanin mì cɔwvo tɛɛmbuu ndu.

Tɔŋ miingua 11:15

I tosanin mì billo pui taw o yondola niaalan nin le cɔlua niaa. La sɔlanin ɲɛdiaa ɲɛkɛndɛi, mì la va dioo a pumndo.»

Condii lisai 67:5

Vanaa-mangalaa-isɔɔa co ɲaaloo dɔwnɔnndo, à co kponyoo viovɔɔ a condon. Kani nɔm Hala, a co vannda yamɛi kilullo a sandei, a co vanaa-mangalaa-isɔɔa nɛilan cɔmndo o lɛŋnden coo.

Tɔŋ lasálàá 25:19

Lɛŋnden le nɛŋinin tɔlɔɔlan taw le niaa baloo dɔvɔɔ. O kon, la celnin lenin a buulan te.