Yɔɛl 2:23 - BII BILA

²³ Niaa cuawva Siɔn yɛ, la yo a kɔlkɛndɔɔ. La dɔwnun ɲaale o Mɛlɛka Hala niaa nin. Kani o yɔngunin niaa piɔɔ o telen ndɔɔ. O tuisulnin niaa piɔɔ a vɔɔle pɔmbɔlen, mò tuisul niaa vɛlɛ piɔɔ telen vaala taselan maa mɛɛ ndóò tosa paandu yɛ.

Yɔɛl 2:23 Referans Kwoze

Filipea 4:4

La dɔwnun ɲaale lɔ́ɔ́-lɔ́ɔ̀ o Maalii nin, mì tɔla vɛlɛ dimi, la dɔwnun ɲaale.

Tɔŋ lasálàá 26:4

i yɔngunin piɔɔ a telen niaa bɛnda le sɔlaa-o. O kon, lɛŋnden le nɛŋi ɲɛm saŋnun lecoo-on, mì tɔlɔɔla iyɔmndan le kom kɔmnden pila.

Osee 6:3

Lelan, n sinan Mɛlɛka. N kindikindin le ndu sinaa. Kani o co hunɔɔ lekɛ́ndɛi mɛɛ ɲɛ-tengaa paale siaa hun nuaa yɛ. O co naa hunɔɔ coo maa piɔɔ lesial, te kon te maa piɔɔ sialte tase pɔɔliaa lɛŋnden-ndo.»

Tɔŋ miingua 11:14

i tuisinin piɔɔ o lɛŋnde niaalen coo a telen bɛnda-o, mì tuisil niaa piɔɔ telen vayiaalan a telen vɔɔle pɔmbɔlen, haliko mi la sɔla ɲɛdiaa taw: maalon, mɔima sɛnɛiyan a cuɛiyan.

Esai 41:16

La hɛinin mun mì hoeiye kɔndu mun, mì hoeyii felenfelennde saŋ mun fásàn. Kɛ niaa, la dɔawnunnin ɲaale o Mɛlɛka nin, la biilu O-Diandaa Israɛlla.

Condii lisai 149:2

Niaa Israɛlla, la dɔwnun ɲaale, ndu cɔw niaa ni. Màá vanaa co Siɔn-nda dɔwnun ɲaale le masa ndaa!

Filipea 3:1

Le sɔɔn tɔ̀un yɛ, puapilɛa nia, la dɔwnun ɲaale o Maalii nin. Ɲɛ pala ya le niaa sɔɔn pilɔn miinguuo sɛvallo le, kani kon co fisa le niaa ni.

Sakari 10:1

«La ɲuna Mɛlɛka mò tuisul niaa piɔɔ, mì piɔɔ a tuma sialte taselen. Mɛlɛka tuisi piɔɔ deŋiaa hoeyii fùkù-fùkoo ni. O tuisilnin niaa piɔɔ pɔ̀lɔ̀-pɔ̀lɔ̀ɔ́ taw, o tosanin mì billo vil o yondola vana-vana coo.

Condii lisai 28:7

Mɛlɛka co ya kandaa, ndu co kɔ̀ɔ̀ cɔw nuu ni. I laalan ndu a kɔl nuu kpede, ndu co ya malaa ni. Kɔl nuu co a ɲaaloo, i co ndu balikaa mello o condei nin.

Esai 30:23

O kon, Hala tuisinin piɔɔ o yɛyii niaa saŋnin lɛŋ-nde coo, lɛŋnden le solulnin niaa ɲɛdiaa kɛndɛ yeelɛiyo. O palɛi ken nin, cɔlua niaa vanin kɔlan diólan o hòóla bɛndu-bɛndulan nin.

Tɔŋ miingua 32:2

Silala nilan la co cucɔnndo mɛɛ piɔɔ sia nuaa yɛ, sɔɛi nii co delio mɛɛ kɛmndan ma cɛɛluu nuaa yɛ, pɛɛkula nilan la co cucɔnndo mɛɛ mɔ́mndo cucun o yondo puiyaa coo nuaa yɛ.

Tɔŋ miingua 28:12

Mɛlɛka kumbilnin niaa bolofaa ndɔ kɛndɔɔ o halataala, mò tuisi piɔɔ o telen ndɔɔ o lɛŋnde niaalen coo, le valta niaa vanin tosaa lan duaa dɔvɔɔ. La dɔndanin vanaa-mangalaa-isɔaa bɔɔ-bɔɔ ɲɔɔn, kɛ niaa cuenin dɔndɔ le.

Filipea 3:3

Kani, naa co faleŋaa kpeekpeiya ni, naa co Hala biiloo o hɛnan Kɔl-Diandaa bɛngu, mì n va sangalanndo o Yeesu Krista nin-nda, naa tiindan dɛnnda n'falulan te-a pɛɛn.

Sakari 10:7

Cuavaa-imamaa Efraim-nda nɔnin kpaayaa maa kuubaa cɔw. A vanin a kɔlkɛndɔɔ mɛɛ vana kol mɔiyan ma va a kɔlkɛndɔɔ nuaa yɛ. Poaa ndaa canin kon mì nda bɛɛ dɔwnun ɲaale. A dɔawnunnin ɲaale taw o Mɛlɛka nin.

Yeremi 5:24

La co dimin o lakɔl te aa: N tosan siòònde a Mɛlɛka Hala naa, o tuisul naa piɔɔ o telen ndɔɔ-o, piɔɔ tasoo a piɔɔ vɔɔle pɔmbɔɔ, o yɔngu naa lɔ́ɔ́lan le kovɔɔlan-ndo.›

Condii lisai 104:34

Màá o cɛl piɛile nilen! Ya, i yeema mì dɔwnun ɲaale o Mɛlɛka nin.

Yeremi 3:3

Le ken, mí tuŋ nɔm piɔɔ, tue bɛɛ piɔɔ del a sialten te, kɛ a kon kpede, a mel suundaa le, siɛmbula bii nɔm te few.

Esai 61:10

I dɔawnunnin ɲaale taw o Mɛlɛka nin, yoomu nuu vanin o piaa a kɔlkɛndɔɔ o Hala nuu nin, kani o vow ya volɔɔla cuɛinannda cindaalan mó kuumbuu ya a doma lecoo dɛnɛ sandaa, mɛɛ vana co lanɔɔ cuaa-o vownun mɔsil kɛndɔɔ o lebol nuaa yɛ, mɛɛ vanalanɔ co calle o nɔu-vo vownun kelan kɛndɛ-kɛndɔn nuaa yɛ.

Esai 30:21

Nila niaalan la tuɛinin diomndo dimio niaa kɔɔli telen niaa yeemanin le kɔlan o ba kɛndɔɔ coo te kon te o ba mɛllo coo-o aa: «La tofa vɔ nɛiyo, la kɔ lecoo!»

Talelan 16:15

Hɔlaa masaa va pɛ tɛ́fɛ̀lɛ̀kɛ̀lɛ̀ɛ̀, mɛɛ dɛnɛ kɛndɔɔ co o nɛi. Ɲiacɔ ndɔɔ co ko maa piɔɔ sialte tase.

Condii lisai 32:11

Niaa vanaa sandaa, la naŋ kɔl mì la dɔwnun ɲaale o Mɛlɛka nin! Niaa vanaa dendu kɔltan-nda kpow, la yonda mì la dɔwnun ɲaale!

SƐBƐ YƆB-O 33:23

Kɛ te vana kon nɔ pɛ mɛlɛkanɔ soaa le ndu-o, o va bɛɛ o pilɛ kpé sɔlan o mɛlɛkaa vàá pilɛ tɛɛn ni, mò cɔm ndu ɲɛ o bɛnda le tosaa-o,

Sakari 9:9

«Niaa vannda Siɔn, la dɔwnun ɲaale taw-taw. Niaa vanaa co icali Yerusalɛm-nda, la yonda a kɔlkɛndɔɔ. La tofa vɔ masa niaa hunɔɔ o niaa lo. O co masa sandaa, o nɔ̀lá yaamɔaa ndɔa. Masa tuisianndo o co ni, o co icali o sofɛlɔɔ coo, sofɛlɛ téndóó pɛɛn, o sofɛlɛ laandoo kom-ndo.

Amɔs 4:7

Ndóò lo vɔ paangon mún yáá le telen koavaa tiiyaa, mí tuŋ niaa piɔɔ. Mí tuisi piɔɔ o kobio o pilɛ coo, mí kɛɛ le ndu tuisio o kobio pilɔɔ coo. Mó sia o ciɛi pilɛ coo, kɛ o se o ciɛi pílɛi coo le, mí ɲɛm ndáà váá o ciɛi ken nin-ndon vesan a valoo.

Cɛɛŋɔnnda Yeremi lan 4:2

Cuawva Siɔn a vannun a sɔvɛ maa sianin diandaa, kɛ a muungunin maa kpɛɛnɛi puulu, i vana cɔavaa n'kpɛɛnɔɔ cɔw a laba-e pɛɛn!

Sakari 9:13

Kani i siɛndi polale Yuda len maa kpaasiaa, mí vow polale Efraim-nden o kpaasiaa kalaa nin mɛɛ vana vow kɔɛi o kpaasiaa nin yɛ. Éé Siɔn! Cuavaa Yavan-nda cannin le cɔlɔbaa a cuavaa nɔmnda. I siinguunin niaa maa mɔɛi cɔvii kuubanɔ.»

Dɛnnda kiilaa 14:17

Kɛ nduyɛ, Hala co niaa dɛnnda kɛndɛlan tosallo lɔ́ɔ́-lɔ́ɔ̀: kani o co niaa piɔɔ tuisullo fulaa o halataala o telen bɛnda-o, o co niaa vɛlɛ baloo yɔngoo mì kɔlta niaalan la va piɔu a ɲaaloo.»

Condii lisai 84:6

Dɛnɛ kɛndɔɔ co le vanaa co yoomuma ndan cuaa o nɔm nin-nda, á co yiyanndo le helɔɔ o nɔm ndo-a.

1Masaa 8:36

mulul nda nɛɛ n co o halataala-a, ma mal vanaa nɔmaa baalaa a yungu nɔmndo haki, Israɛlla pɛɛn, mà cɔm nda nɛi nda bɛnda le kelaa coo-o. O kon kɔɔli, a tuisi piɔɔ o lɛŋnde nɔmnden coo, lɛŋnde n ke len vanaa nɔmnda kɛ́ɔ len pɛɛn.

SƐBƐ YƆB-O 37:13

Lende Hala tosa ni, te o yeema pɛ le vana sangaa tuisio coo. Lende o tosa vɛlɛ ni te o yema pɛ le vana dɛnɛ kɛndɔɔ tosallo.

Condii lisai 147:8

Ndu kumbu piɔɔ-volia o halataalaa coo ni, mò toosiaa piɔɔ le lɛŋnden pɔɔliaa, mò tosa mì billo vil o pembon coo.

Esekiɛl 34:26

I siinguunin lɛŋnde ndalen a yondola balu pembii nii diandɛi lan duaa, mì tuisi piɔɔ a telen bɛnda-o, nduyɛ piɔɔ kon, duaa o vanin ni.