Yɔɛl 2:22 - BII BILA

²² Niaa visia yondoa, la buulan-ndɛ le. Kani dɛɛlala co o lɛŋnde veselɛilen nin-ndan la co vɛlɛ pui mì billo fula taw, mì yɔmnde kom taw. Voosoei a rɛsɛnndon yɔngunin vɛlɛ kɔmnde bolofaale ndalen taw.

Yɔɛl 2:22 Referans Kwoze

Sakari 8:12

I saŋnin kɔlɲuloo o lɛŋnden coo. Nakɔla n'rɛsɛnndan la koamnin, lɛŋnden le nɛŋinin tɔlɔɔlan, halataalaa tuisinin piɔɔ. I yɔngunin vanaa tɔ̀a lo-a ɲɛm kɛndɛn mun kpede.

Condii lisai 65:12

A siow vɔsio a ɲɛm kɛndɛn nɔmndon, ɲɛ-sɔlaa co talaa nɔm kɔɔli o nɛila nɔmndan coo.

Esai 51:3

Nuaa Mɛlɛka co Siɔn ɲɔɔloo ni, o co ndu ɲɔɔloo le tambii ndɔɛi kpow, o siinguunin lɛŋnde veselɛile ndɔlen maa Edɛn, o minginin dɛɛla vesɛi ndɔɔ maa nakɔ ndu Mɛlɛka-o. Ɲaaloo a kɔlkɛndɔɔ vanin lenin, lisaa a diom ɲɛ-caa vanin tueinɔnndo lon.

Condii lisai 67:6

Òó Hala! Vanaa súúla celennda co nɔm lisaa. Vannda súúlan kpow a co nɔm sangalaa.

1Korɛntea 3:7

Lelan, vana tɔl-lo nda vana pɔɔlia-o co ɲɛ-ɲɛ le, fɔ Hala, o tosa mó hindu-o.

Aasee 2:16

yɛɛ nɛ va yɛ niaa tosalanndo? Te vanndo ndóò kɔɛ pɛ maalon cuaa panio bidiin o konda, tɔ́ daama ndóò komal ni. Te vanndo ndóò kɔɛ pɛ le mɔiyan litililan beleŋuɛɛnu kɔndɔɔ o doolaa nin, litililan bidiin daama ndóò komal ni.

Yonas 4:11

Nɔm yɛ, a yeema mì ya i tuinun Ninive kobi bɛndoo ho iɲíí le. Kobi bɛndu vannda hiow hoo le vaalan kɛmɛ a bidiin nin-ndo, vanaa sina bɛɛ haa pɛɛngulan dɛnɛ kɛndɔɔ a dɛnɛ vɔɔndo tɛɛn te-a. Cɔlua co vɛlɛ o kobio ho nin sɛ́lɔ́ɔ́ taw-taw.»

Esekiɛl 36:35

O kon, vannda diminin aa: Lɛŋnde tambɛilen-nden le siŋnun lekɛndɛ-kɛndɛ maa nakɔɔ Edɛn. Kobila ndɔla va lapiɔlɛilan, latambɛilan a lasiɔŋɛilan-ndan la muungu tangulɔn, vanndacieea co nin icali lenin.

Esekiɛl 36:30

I vangalanin kɔmnde tɔlɔɔlan a ɲɛm vaan iciɛɔn taw, yɔŋii yima fofolan ma tol niaa coo, mì siɛmbulan la bii niaa vanaa-mangalaa-isɔɔa tɛɛn.

Esekiɛl 36:8

Niaa pembon Israɛl-lɛ, la piaŋnin mí la pui tɛi-tɛi. La solinin kɔmnde niaalen le vanaa nia, Israɛlla pɛɛn, kani o lo cobe mà muungu o lɛŋnde ndalen nin.

Condii lisai 36:6

Mɛlɛka, vanakɛndɛyɛi nɔmnde co o halataala, Kaola nɔmndo tiiya coocoo di.

O Kandɔɔ 4:12

Mɛ̀ɛ́-mɛ̀ɛ́ n tosa nin vallo lecoo, le lueilul-lɛnin nɔm tɔnɔ ndɔɔ le. A ve lɛnin icali o pumbú le. Le fɛɛn a fɛɛn nin, vana kelanndo n vanin o lɛŋnden coo ni.»

Condii lisai 65:13

Billo co puiyo o lɛŋnde veselɛilen nin, yoondiaala kɔlkɛndɛlan la balu pembon maa leyáw.