Yɔɛl 2:21 - BII BILA

²¹ Niaa vanaa co o lɛŋnden coo-a, la yɔŋ isiòòn te, la dɔwnun ɲaale mì la naŋ kɔl. Kani Mɛlɛka co sɔɔn bɛndon tosaa.

Yɔɛl 2:21 Referans Kwoze

Esai 54:4

Lelan siòòŋii bii nɔm te, kani siɛmbula biinin nɔm te, yɔŋnun yoloma-yoloma le, kani a tembunin labɛɛ le. Kɛ a pɔɛɛnunnin siɛmbula bii nɔm o felengiyɛi nin-ndan, a yiyan ndɛnin a bɛ̀ɛ̀la n tambu lɔ́ɔ́ n va o vii pɔnɔɔ nin-nde lan te.

Esai 41:10

Yɔŋ isiòòn te, kani i co nɔm ikɛi, mɛɛndian ɲalaku-ɲalaku a buulanndo le, kani ya co Hala nɔmndo ni. I lueinin nɔm yoomuan, i co nɔm mala, i malanin nɔm a ba ni kɛndɛ kpaaya bɛndoo.

Yeremi 33:3

‹Veelu ya, mì mulul nɔm, mì cɔm nɔm dɛnnda bɛndulan, dɛnnda viannanndan, la n sina le lan pɛɛn.›

Esai 35:1

Lɛŋnde veselɛilen a lɛŋnde nɔ mamɛn te len le bɛnda mì le dɔwnun ɲaale, dɛɛla vesɛiyo bɛnda mò dɔwnun ɲaale, kani o puinin maa bil kɛndɛ-kɛndɔɔ.

1Samiɛl 12:16

Lelan sisa, la sim niko mì la ce dɛnɛ kaamaa bɛndu Mɛlɛka co tosa niaa o hɔl-lo.

Sakari 8:15

Sisa, i mangala yiyan kon, i co Yerusalɛmnda a Yudaa kpow dɛnɛ kɛndɔɔ tosal. Lelan siòòŋii bíì niaa le.

Yɔɛl 2:20

I co yaamɔɔ fula a ba luaŋ-ndo-o faŋa niaa ikɛi polon. A toɲa, i toawnin ndu o poli vesɛi niŋ tɔlɔɔ loo nin. I viawnin vanaa cɔvaa co ndu laci-a o mɛmma ihɛlma co a ba paalen le can-ndo-an nin, mì viow vanaa cɔvaa co ndu kɔɔli-a kpengii mɛmma ihɛllan Mediteranee. Lon nda solinin hoeyii ndɛi cun vɔɔnde ni. Lon cun nda siovɛiyo tiwnin ni kpede. Kani a tosa bɔɔ dɛnnda bɛndulan.

1Samiɛl 12:24

Niaa yɛ, o bɛnda mì la nɔ siòòŋii Mɛlɛka-e, mì la biilu ndu a kɔlta niaalan kpow, kani niaa pila ce dɛnnda kaamaala o tosa niaa o hɔl-tan.

Tɔŋ miingua 4:32

«Niaa Israɛlla, la ɲuna vɔ le dɛnnda tosan sindɛ lan, la tosan telen niáà vilun-ndɔ loo lan, kandɔɔ a telen Hala cɔw vanacieo o lɛŋnden coo-o. Kandɔɔ nɛɛ halataala kandun-nda, kɔ bii nɛɛ o mɛɛlu-a, vɛ̀ɛ̀ dɛnɛ kaamaa bɛndu vaa nuaa tosan nin? Vɛ̀ɛ̀ vana tueinin dɛnɛ vaa nuaa?

Condii lisai 98:8

Màá peela bɛndulan la tiɔm balan, mì pembon n va yondaa a kɔlkɛndɔɔ latulu

O Kandɔɔ 15:1

Mí Mɛlɛka cɔmnun Abram o vundulen nin, mó dimul ndu aa: «Yɔŋ isiòòn te Abram. Ya co vana kanda nɔm-ndo ni, vɔ̀ngɔ̀ nɔmndo vanin o bɔɔ.»

Osee 2:21

Nɔm Israɛl, i fula nɔm kɔɔli le nɔm cuaa o nɔ̀u nin le fɛɛn a fɛɛn. I fula nɔm kɔɔli le nɔm cuaa o nɔ̀u nin, mì dɔw nɔm fulu a sandei, a lou o lediom coo, a kaolaa a á ɲííye.

Esai 44:23

Niaa co o halataala-a, la dɔwnun ɲaale, kani Mɛlɛka tosa isɔɔ! Niaa co o lɛŋnden bɛngu di-di-a, la deŋi a kɔlkɛndɔɔ! Niaa pembon, la piɔndi a yoondiaala kɔlkɛndɛlan! Niaa bundɛlan bɛɛ, la dɔwnun ɲaale a yɔmii niɛi kpow! Kani Mɛlɛka baŋa polale Yakɔb len. O cɔm biilu ndɔɔ o cuavaa Israɛlla nin.

Esai 55:12

A toɲa, la fulanin a kɔlkɛndɔɔ taw, a yaanin niaa o kɔlɲuloo nin, pembun bɛndon a n'pɔmbɔn piɔndinin a ɲaaloo niaa o hɔl, nduyɛ yɔmii co yondoo nin-nde kpow i tiamnin balan.

Condii lisai 71:19

Òó Hala! Sandii nɔmnde tiiya háá o halataala, kani a tosa dɛnnda bɛndulan. Ɔ́ɔ̀ vana siiman a nɔm-ndo, Hala?

Yɔɛl 2:26

La vanin ɲɛdiaa dioo a pumndo, la lisanin Mɛlɛka Hala niaa, o tosa dɛnnda kaamaala bɛndulan le niaa-o pɛɛn. Le fɛɛn a fɛɛn nin, siɛmbula bii lɛnin yungu nuu le.