Yɔɛl 2:2 - BII BILA

² Paale maɲumnden a paale ɲumma n'kpungbalen paale len le vanin ni. Paale yumbuyumbulen a paale mɔ́m bɛndulen le vanin ni. Le hunnin mɛ̀ɛ́-mɛ̀ɛ́ ɲɛ-tengaa paale siaa tiw o pembon coo nuaa yɛ. La tofa vɔ! Vanaa-mangalaa-isɔɔa ha, a co sɛ́lɛ́ taw, a nɔ kpaayaa. Kabi masindɛ, vanaa súú vaa lende fula vɔ le, hali o nda kɔɔli, vanaa súú vaa lende fula lɛnin le fɛɛn a fɛɛn te.

Yɔɛl 2:2 Referans Kwoze

Yɔɛl 1:6

Vanaa-mangalaa-isɔɔa pum hinul lɛŋnde nilen. Vanaa kan nɔ kpaayaa taw, a co sɛ́lɛ́, vana cii nda cɔm te. Ciŋun ndan maa ciŋun yàlà piaandu n co ni, ciŋun nda sɛɛsiaa ɲɔɔn-ndon maa yaalela yàlà laandu n co ni.

Yɔɛl 2:5

A co huuloo icilianciliannde o pembon tullo, mí ɲɔɔ va tueinɔnndo mɛ̀ɛ́-mɛ̀ɛ́ ɲɛla ɲaanannda cɔlua nan-ndan la soaa nuaa yɛ. Vana tuɛi nda ko isɔkɔsɔkɔɛi aa yinnden le co bil vesɛiyo lomɔɔ ni, vana tuɛi ko aa vanaa kpaayaa co bɛɛndianndo le cɔwvo-a ni.

Yɔɛl 2:25

I mingulnin niaa ɲɔɔn peelul le vɔsila sóónɔa, selennda, dɛlua a paaleŋaa yáà tuisi niaa coo-a tɛɛmbuu tɔlɔɔlan-ndan mangalaa.

Daniɛl 12:1

«O telen kon nin, Misɛl cannin, Misɛl kon pɛɛn, o co kuubanɔ mɛlɛkaa-o, o co yungu nɔmndo ikɛi le nda mandaa-o. Palɛi ken vanin bɔɔ palɛi sanga bɛnduei. Kabi vanacieo cɔwnun, háá telen kon, sanga vaa lende yɔŋnun-ndɔ le. Kɛ yungu nɔmndo sɔlanin baŋaa. Vanaa diola ndalan la co lasɛvaalan o sɛbɔɔ nin-nda cindanin.

Esai 8:22

O kon kɔɔli, a tuisinin hɔlla lɛŋ, kɛ tofa vɔ, mɔnɛi, ɲumndan a sangaa kposon vanin ni. A ɲindunin nda o ɲumma tiŋitiŋian nin.

Esai 5:30

Lende o pɛɛliaanin a nda paale len ni mɛɛ mɛmma ihɛllan ma kuŋ nuaa yɛ. Vana tofa pɛ lɛŋnden paale len, ɲumndan a sangaa daama vana canin lecoo ni. Ɲɛ-tengaa kumbunnin mɔku-mɔku a kumii bɛnduei.»

Yude 1:13

Maa mɛmma ihɛlma biiŋuanma co hiiyo solio-an nda co ni, lende sɔɔn lasiɛmbun nda co tosaa-on co ni. Maa loeon tɛnda coocoo mi n faŋan o fondala ndalan ndon nda co ni, Hala mandal nda ɲumma bɛnduan le fɛɛn a fɛɛn.

Hebreea 12:18

Niaa, o co ɲɛ vana nɔla pilanndo-o le niaa sɔɔnguu ikɛi le, yinnde bɛndule ve lon te, ɲumma n'kpungba ma ve lon te, ɲumma bɛndu ma ve lon te, hoeyii fùkù-fùkùi ve lon te,

Marke 13:19

Kani palɛi ken vanin bɔɔ palɛi sanga bɛndu. Kabi ceen Hala cɔw-vo kandun háá hau, sanga bɛndu vaa lende yɔŋnun-ndɔ le. Nduyɛ sanga bɛndu vaa lende yɔŋnun ndɛnin le fɛɛn a fɛɛn te.

Amɔs 4:13

Kani la tofa vɔ! Vana cɔw pembon a hoeiye-o, vana cɔm vanacieo yiyannda ndɔlan-ndo, vana mangala ɲɛ-tengaa paale siaa ɲumndan-ndo, ó co kelaa o pembun co o lɛŋnden coo-on coo-o, diola ndɔlan aa Mɛlɛka, Hala-Nɔ-Kpaayaa-Kpow-vo.»

Daniɛl 9:12

Nɔm Hala, má peelu sɔɔn n kɔngɔlan le naa a le vanaa tosanin masalen naa coo-a tosallo-on. Má tuisi naa sangala bɛndulan coo, kabi ceendo cɔwnun, sanga vaa lende tul-lɔ vana coo le. Sanga tol Yerusalɛm coo-o nɔ velan te.

Yeremi 13:16

La biilu Mɛlɛka Hala niaa, lɔ́ɔ́ pá o hun tuisi ɲumndan, lɔ́ɔ́ pá niaa kandu boŋio o pembun co o ɲumndan nin-ndon. La va ɲɛ-tengaa kɔl, kɛ mó mangala ndu ɲumma bɛnduan, mó mingi ndu maa piɔɔ helaa.

Condii lisai 97:2

Yumbuyumboo a ɲumndan ma co ndu ma balaa. O toɲaa a o sandei coo kpɛŋɛ lemasa ndɔɔ kɛsi tumndo ni.

Condii lisai 10:6

O co dimio aa: «Dɛnɛ palaa kɛ́-kɛ̀ co ya cum te. Le fɛɛn a fɛɛn, i co vannɔn o kandaa nin le dɛnɛ palaa.»

Tɔŋ miingua 32:7

La loonun-ndɔ a palɛi paanduei o kɔɔ, la yiyan-ndɔ a vɔsila hiow lan, mì la ɲuna isɔɔ a lambila hiow lan o kɔɔ. La ɲuna fuɲaa niaa mà cɔm niaa, la ɲuna kaasoŋaa yuuvɛiya, mà pɛɛku niaa lecoo.

Fulaa 20:21

Mí vannda sim kɔɔli-kɔɔli, Moise ndu pilɛ kpé sɔɔnguu nɛɛ Hala va o tindile ikumnden nin-nda ni.

Fulaa 10:14

Mí sóónɔa kan sɛŋin o lɛŋnde Esipte len nin, a va taw-taw. Kabi sindɛ, sóónɔa hin-ndɔ hunɔɔ bɛndu vaa lende Esipte le, nduyɛ, a hin ndɛnin vɛlɛ lɔ́ɔ́-lɔ́ɔ̀ lende le.

Fulaa 10:6

A co piɔ o cɛila nɔmndan nin, o cɛila vanaa nɔmaa baalaa nin a o cɛila Esiptea nin kpow. O vanin bɔɔ kpundɛ bɛndu. Cɔn a fuɲaa nɔmaa mamaa, kɔ bii a fuɲaa nɔmnda, háá a paalen nden hau, vana ci vɔ dɛnɛ vaa lende le.›» O kon, mí Moise fulan o Faraɔnnɔɔ lo, mó kɔannun.

Matie 24:21

Kani tuma kon, sanga bɛndoo yɔŋnunnin. Kabi ceendo kandun háá hau, sanga bɛndu vaa lende yɔŋnun-ndɔ le. Nduyɛ sanga bɛndu vaa lende yɔŋnun ndɛnin le fɛɛn a fɛɛn te.

Dɛnnda cɔɔmuanndan 9:2

Mí loei ken kumbi soon kalaa, mí kumnde pum i can lenin maa kumii tóndó bɛndu leyin, mí paalen a hoeiye i piimiaa kpilo a kumii va ken fulaa o soon kon nin-nde.

Cɛɛŋɔnnda Yeremi lan 1:12

Niaa Sei! Niaa vanaa co haa hiovɔɔ-a, la tofa vɔ, mì la ce. Vɛ̀ɛ̀ dɛnɛ palaa súú vaa nuaa nɔ pá velanndo? Dɛnɛ palaa súú del-la hoo coo-o pɛɛn, ò Mɛlɛka tuisi hoo ya coo o paale ndɔle kɔl tambɛilen coo-o.

Esekiɛl 32:7

Tuma n malnunnin kɔl-lo, i minginin halataalaa yifidii, mì ɲumi pangele n'loo, mì kumbu paalen a yumbuyumboo, Paangei bɛɛ i soli lɛnin ɲɛ-tengaa ndɔɔ le.

Esekiɛl 34:12

Mɛɛ vana mandaa n'saa cuungiaa cɔlua ndɔa paale nda co sɛŋin-nden yɛ, lende ya mɔɔsiaanin saa nia ni, mì soli nda o fondala nda co a saŋnannda nin-ndan kpede, nɛɛ ndáà sɛŋin o paale yumbuyumbulen a o paale ɲumma bɛndulen coo-a.

Esekiɛl 38:9

Nɔm pila a vanaa nɔmaa cɔwva, la heelunin maa hoeyii fùkù-fùkù, la kuelnin nda maa yumbuyumbu kumbu lɛŋnden mɔku-mɔku-o.»

Yeremi 13:6

Palɛi bɔɔ-bɔɔ o kon kɔɔli, mí Mɛlɛka dimul-la aa: «Cɔn ma muungu o peo Efrate, mà kɔ cua yáwle yáà dimul nɔm le vionɔɔ lon-nden.»

Yɔɛl 3:4

Paalen le mangalanin ɲumndan, mì paangei siŋnun koovan telen pá mì paale Mɛlɛka len le tiiya, paale kpúlúnkùmalen a paale kpundɛ bɛndule len.

Sofoni 1:7

La mei Maalii, o co Mɛlɛka-o o hɔl kpili, kani paale ndɔlen le co le tiiyaa. Mɛlɛka cii sálàá toosiaa, o cii nin vanaa o veelu le sálà kon-nda dindi.

Sakari 14:6

Paale len, ɲɛ-tengaa ve lɛnin te, hoeyii misisiei a mɛmma liimianndan bɛɛ ma venin te.