Yɔɛl 2:19 - BII BILA

¹⁹ O mulul nda mó dimi aa: ‹I co niaa maalon, mɔiyan a cuɛima ɲuluan yɔngu taw. La dianin mì la pim ca. I tuisi lɛnin niaa lasiɛmbu vanaa súúla celennda o hɔl te.

Yɔɛl 2:19 Referans Kwoze

Esekiɛl 34:29

I yɔngunin nda tɔlɔɔ vannda sina taw-vo. Yima fofolan ma luei lɛnin nda coo o lɛŋnde ndalen nin te, vanaa-mangalaa-isɔɔa tɛɛmbuu lɛnin nda bɛ̀ɛ̀lan te.

Esekiɛl 36:15

I mel-lɛnin vanaa-mangalaa-isɔɔa ma yeow nɔm ma cii nɔm bɛ̀ɛ̀lan te. Vanaa súúla celennda tuisi lɛnin nɔm siɛmbulan te, nɔm bɛɛ a tuŋ ndɛnin vanaa nɔmnda cuawva le. Ya Maalii, ya co Mɛlɛka-o soo nuaa ni.»

Matie 6:33

La nuwviaa vɔ fɔlɔn masale Hala len a dɛnɛ sandaa ndɔɔ. O kon, ɲɛm mun kpow n hendulun niaa lecoo.

Yɔɛl 2:24

Kpelela lɔaa n'maltan la vanin lapiaalan a baloo. Fɛngɛlan la vanin lapiaalan a mɔiyan mì kúŋndan la va lapiaalan a cuɛiyan.

Yeremi 31:12

A hunnin a yoondiaala kɔlkɛndɛlan o pembei Siɔn coo, a vanin ifili-filiei o ɲɛm Mɛlɛka yɔngu nda-on coo: maalon, mɔima yɛngian, cuɛima sɛnɛiyan, saa, cuinnda a nawva. A vanin maa nakɔ co o pɔɔliaa ɲɛkɛndɛi-yo, dɛnɛ palaa ve lɛnin nda kɔɔli le.

Yɔɛl 1:10

Ciɛɔn cuu itambu, lɛŋnden le luɛi kɔsɔ, kani maalon tambu, mɔima n'rɛsɛmma sɛnɛiyan ma co lɛ le. Hali cuɛilen tue bɛɛ le co lɛ le.

Osee 2:15

I co ndu sangaa tuisi coo le palɛi o tɛɛmbuu o Baalla sálàlan solullo a o nda ansan lumndo nin-nde. O palɛi ken nin, o va kelan suun ndɔn a yɔlɔn ndɔn labolon vownɔnndo, mó va kɔlan o sámáá ndɔa lo, ya ya mó pɔɛɛnun ya. Ya Mɛlɛka soo nuaa ni.

Esekiɛl 39:29

Handɔɔ o kon coo, i vin ndɛnin nda hɔlaa niaa le, kani i saŋnin kɔl nuu cuavaa Israɛlla coo. Ya Maalii, ya co Mɛlɛka-o soo nuaa ni.

Tɔŋ lasálàá 26:5

O niaa lo, la lonin malun niaan lɔɔ haa mì tuma kiandaa n'rɛsɛnndo tiiya, la lonin rɛsɛŋun niaan lɔɔ mì tuma lavayia tiiya. Baloo kuinin niaa o ba taw-taw, la calnunnin nila ɲulu o lɛŋnde niaalen nin.

Osee 2:21

Nɔm Israɛl, i fula nɔm kɔɔli le nɔm cuaa o nɔ̀u nin le fɛɛn a fɛɛn. I fula nɔm kɔɔli le nɔm cuaa o nɔ̀u nin, mì dɔw nɔm fulu a sandei, a lou o lediom coo, a kaolaa a á ɲííye.

Osee 2:22

I sɔlanin nɔm o nɔ̀u nin a lou o lediom coo. O kon, a sinanin maa ya co Mɛlɛka ni.»

Tɔŋ miingua 11:14

i tuisinin piɔɔ o lɛŋnde niaalen coo a telen bɛnda-o, mì tuisil niaa piɔɔ telen vayiaalan a telen vɔɔle pɔmbɔlen, haliko mi la sɔla ɲɛdiaa taw: maalon, mɔima sɛnɛiyan a cuɛiyan.

Ruti 1:6

Lɔ́ɔ́ Noemi tuei maa Mɛlɛka koma tosal vanaa ndɔa, Israɛlla, dɛnɛ kɛndɔɔ mó ke nda baloo-o, mó bii nɛiyo nda laandaa poaa ndɔa, le faŋanndo o lɛŋnde Moab len nin le muungoo.

Esekiɛl 36:29

I baŋanin niaa mì soli niaa o dɛnnda nɔɔlɛila niaalan kpow nin. I co maalon dimul mì n luɛi kúlú, mì vangala mun taw. I tuisi lɛnin yima fofolan niaa coo le.

Esekiɛl 36:30

I vangalanin kɔmnde tɔlɔɔlan a ɲɛm vaan iciɛɔn taw, yɔŋii yima fofolan ma tol niaa coo, mì siɛmbulan la bii niaa vanaa-mangalaa-isɔɔa tɛɛn.

Sakari 8:12

I saŋnin kɔlɲuloo o lɛŋnden coo. Nakɔla n'rɛsɛnndan la koamnin, lɛŋnden le nɛŋinin tɔlɔɔlan, halataalaa tuisinin piɔɔ. I yɔngunin vanaa tɔ̀a lo-a ɲɛm kɛndɛn mun kpede.