Yɔɛl 2:16 - BII BILA

¹⁶ La cuungiaa vannda, la veelu fàngà-kundaa, la mɔɔsiaa vanaa yuuvɛiya, la cuungiaa cuaambɔa pɔmbɔa nɛɛ pilɛ, hali cɛlɛkpɛa lendea co vɔɛiyo-a, la cuungiaa nda. Poombɔ piaandu cua lanɔɔ sɛnɛi-yo bɛnda mò fula o ndu lo cɛinin, mì cuaambɔ laandu cal o nɔu sɛnɛi-yo bɛɛ fula o cɛi-kola-toandaa ndɔɔ nin.

Yɔɛl 2:16 Referans Kwoze

2Dɛnnda lemasalan 29:5

mó dimul nda aa: «Niaa leviia, la yaŋ ya nilan! Sisa, la dindin mì la dindi Cɛi-Mɛlɛka-o, Hala fuɲaa niaa mamaa pɛɛn, mì la soli ɲɛm nɔɔlɛin co o Fonda-Diandaa nin-ndon kpow o bɛ́ɛ̀.

2Dɛnnda lemasalan 20:13

Vanpiaandua Yuda kpow, handɔɔ laandaa ndaa a á cuavaa ndaa coo a va isisi Mɛlɛka o hɔl.

1Korɛntea 7:5

Pɔnɔɔ a lanɔɔ bɛnda mà kɛyan cɛinin te, fɔ dɔ́ɔ́ ma cɛlan le telen bingi cuaa le piɛilen. Kɛ nduyɛ, te telen kon cuu dɔ́ɔ́ pɛ, a muungu diom pilɛ, yɔŋii Setana tɔɔndan nda, kani a tiwnin kɔlta ndalan ba le.

Yɔɛl 1:14

Lelan, la yonda le sumndo biyɔɔ, la veelu vannda le bɔŋan lekaando tosaa. La cuungiaa kaasoŋaa kɔlkalua a vanaa co icali o lɛŋnden nden nin-nda kpow o Cɛi-Mɛlɛka Hala niaa nin, mì la koŋul Mɛlɛka o lani.»

1Samiɛl 16:5

Mí Samiɛl muli aa: «O co sɔɛi vɔɔn te. Sálàá ya hin Mɛlɛka solul ni. Niaa bɛɛ la co a veelaa. La dindin, mì la sɔɔnguu ya ikɛi le sálàá.» Mí Samiɛl dimul vɛlɛ Yisai nda poaa ndɔa maa a dindin le sɔɔnguuo le sálà kon.

Fulaa 19:22

Hali vanaa-solia-lasálàá co ya sɔɔnguuo ikɛi-ya, a bɛnda fɔlɔn mà dindin malan nda hun, yɔŋii ya tɛɛmbuu nda.»

Fulaa 19:10

Mí Mɛlɛka dimul Moise aa: «Kɔ ma kɔ dimul Israɛlla aa a bɛnda mà dindin kandɔɔ hau háá siɔdii, mà tɔ́ɔ́ vɛlɛ volɔɔla ndala cuɛinanndan.

Matie 9:15

Mí Yeesu mulul nda aa: «Mialaa hin vana yil lanɔɔ sɛnɛi-yo o bɛngu coo-a nɔla pá mà yii hɔlla, te vana yil kon lanɔɔ sɛnɛi-yo co vɔ pɛ nda tɛɛn? Telen vanin mà faŋa ndu nda tɛɛn, o kon nda biinin sumndo ni.

Condii lisai 19:5

Kɛ diomnda ndalan la co kɔlan nɛɛ-nɛɛ ka o lɛŋnden coo, sɔɔn ndan co tiiyaa o lɛŋnden mɛɛlulan dí. Hala tondu cɛi-kola-toandaa o halataala le paalen.

SƐBƐ YƆB-O 1:5

Te ndáà balu pɛ diolan lende pindo, Yɔb ndóò veelu cuavaa ndɔa kalaa, ndóò dindi nda. Idii púŋ, ndóò pena cɔnɔn, ndóò soli sálà loamaa le nda a pilɛn-pilɛnnda Kani nuaa ndóò dimi ni aa: «Bɔɔle poaa nia tosa hakio pum. Bɔɔle a dimi diomnde tanalen a Hala o kɔlta ndalan nin.» Lende Yɔb ndóò tosa lɔ́ɔ́-lɔ́ɔ̀ ni.

2Dɛnnda lemasalan 35:6

La co sálà kafo-hiavaa-coo soli. Lelan, la dindin mì la toosiaa saa téndéa le puapilɛa niaa Israɛlla mɛɛ Mɛlɛka dimul niaa a sondo Moise-o le tosaa yɛ kpafii.»

2Dɛnnda lemasalan 30:19

mal vanaa co kindinndo a kɔlta ndalan le Hala, o co Mɛlɛka-o nuwviaa-a haki, Hala fuɲaa ndaa mamaa pɛɛn! Hali a co bɛɛ a diandaa nuaa le, kɛ màá o mal nda haki!»

2Dɛnnda lemasalan 30:17

Nduyɛ, vanaa bɔɔ-bɔɔ ndáà dindin vannda tɛɛn te. Le hee, mí leviia va cɔlua sálà kafo-hiavaa-coo-a diwvo le vanaa ndáà dindu le cɔlua kan diwvo le Mɛlɛka biiloo le-a.

Yosue 7:13

Cɔn ma dimul vannda mà bɛɛndian le bɔŋanndo naa ndaa siɔdii. Ma dimul nda aa: ‹Mɛlɛka Hala Israɛlla dimi aa ɲɛm o kuuna niaa le cuaa-on co niaa tɛɛn, niaa Israɛlla pɛɛn. Te la tɛɛmbuu ɲɛm mun niaa tɛɛn te, la nɔlanin yaamɔaa niaa simullo le.›

Fulaa 19:15

O kon kɔɔli, mó dimul nda aa: «La va a bɛɛndiannda le diɛŋ. Háá ɲinkon, la bɛnda mì la tosa kpelemɔɔsaa niaa laandaa niaa le.»

Matie 21:16

Má dimul ndu aa: «Vɛ̀ɛ̀ a co pá ɲɛ nda co dimio-o tueyɔɔ?» Mí Yeesu dimul nda aa: «Oi. Vɛ̀ɛ̀ kabi bɛɛ la dimi vɔ o co o sɛvaa-o le aa: ‹A toosiaa lisa nɔmndo cuaambɔa pɔmbɔa a á sondola cɛlɛkpɛa co vɔɛiyo-a o lasondo?›»

Yosue 8:35

Mó dimi sɛbɛ latɔŋ Moise-o kpow, o kɛ́-kɛ̀ o pɔɛɛnun te. Mó dimi lan Israɛlla kpow o hɔl: vanpiaandua, vanlaandua, cuaambɔa a mialaa va icali nda o bɛngu coo-a.