Yɔɛl 2:14 - BII BILA

¹⁴ Nɛ̀ɛ́-nɛ̀ sina yɛ te Mɛlɛka muungunin mò mangala yiyanndo le? Nɛ̀ɛ́ sina yɛ te o mɛinin duaa ndu kɔɔli mì la nɔla le Mɛlɛka Hala niaa sálàla kpeyanndan a sálàla mamɔilan solullo le?

Yɔɛl 2:14 Referans Kwoze

Yonas 3:9

Bɔɔle mì Hala ɲulul kɔl, mò yiyan le ɲɛ o dimi le tosaa-o mangalaa, o kon mì kɔl ndɔ tuwvo ɲulul, yɔŋii naa n cuu.»

Aasee 2:19

Vɛ̀ɛ̀ ɲɛ lo lɛ pá o lakonda? Nakɔla n'rɛsɛnnda, nakɔla n'buumbuulan, nakɔla krenadieelan a nakɔla olivieelan la co lɛ komɔɔ le. Kɛ kandɔɔ hau, i co niaa duaa nuu tuisi coo.»

Yɔɛl 1:13

«Niaa vanaa-solia-lasálàá, la vownun volɔɔla biisilan mì la caŋ taw. Niaa co sálàlan solio o fonda-loamaa-lasálàá coo-a, la hiiliaa hiko-hiko a caŋndo. Niaa co baalaa tosaa le Hala nuu-a, la hun lɔl a volɔɔla biisilan lekɔɔ. Kani sálà co lɛ hunɔɔ o Cɛi-Hala niaa nin te, sálà mamɔi co lɛ hunɔɔ lenin te.

Sofoni 2:3

Lelan, niaa vanaa tuisiaŋaa co o lɛŋnden coo-a, la muli hɔlla o Mɛlɛka lo. Niaa vanaa dɛnɛ sandaa, la nuwviaa ɲɛ-ɲɛ co dɛnɛ sandaa, la kindin le vaa vanaa tuisiannda. O kon mì la sɔla baŋaa o paale kɔltuwle Mɛlɛka len coo.»

Yonas 1:6

Mí vana va bolle vanaa tɛɛngaa-o sɔɔnguu ndu ikɛi, mó dimul ndu aa: «Nɔm sei, yee a connun o lɔan? Cɔn ma piɛi Hala nɔmndo, bɔɔle mò tuinun naa iɲíí, o kon n vinin te.»

Amɔs 5:15

Dɛnɛ vɔɔndo nɛinún niaa, mì dɛnɛ kɛndɔɔ hɛnan niaa! La tosa dɛnɛ sandaa nɛɛ niaa kialu yaman o dio kpaki kobio nin-nda. Bɔɔle mì Mɛlɛka, Hala-Nɔ-Kpaayaa-Kpow-vo tuinun vanaa tɔ̀a lo yoomu o polale Yosɛf len coo-a iɲíí.

2Masaa 19:4

Bɔɔle Mɛlɛka Hala nɔmndo tuɛinin sɔɔn bolle vanaa yɔngù masaa Asiri mɔiyan-nda dimi-on kpow, o ndu masaa Asiri vem hoo le hunɔɔ Hala yoomaa yeowlan-ndo pɛɛn. Bɔɔle mi Mɛlɛka Hala nɔmndo tuisi ndu dɛnɛ palaa coo le yeowla o tuei lan. Lelan piɛi Mɛlɛka le vanaa tɔ̀a lo yoomu-a.»

2Samiɛl 12:22

Mó mulul nda aa: «Tuma poombɔɔ va vɔ yoomu-o, i va sumndo biyɔɔ a caŋndo, kani i va yiyanndo maa bɔɔle mì Mɛlɛka tuinun ya iɲíí, mò mingul-la ponndo yoomu.

Fulaa 32:30

Diimandɔɔ, mí Moise dimul vannda aa: «Haki bɛndu-bɛndoo pila niaa tosa nuaa ni. Lelan, i muungu vɔ Mɛlɛka o ibuŋ o pembei coo. Bɔɔle i lonin ndu tɛɛlɔnndo mò cɛl le niaa hakio malɔɔ.»

2Timote 2:25

O bɛnda mò mingi vanaa co ndu simullo-a o nɛi a kɔlɲuloo, mò nɔ o kɔl maa Hala co tosa, mà mangalan, mà sina toɲaa,

Yɔɛl 1:16

Vɛ̀ɛ̀ o co naa o hɔl te nda puu baloo naa o ba le? Vɛ̀ɛ̀ a tɛɛmbuu kɔlkɛndɔɔ a ɲaale va o Cɛi-Hala naa nin-ndo le?

Yɔɛl 1:9

Sálà kpeyanndo a sálà mamɔiyo co lɛ solin o Cɛi-Mɛlɛka-o nin te. Lelan, vanaa nia baalaa, a co vanaa-solia-lasálàá-a co o mɔnɛi nin taw.

Esai 65:8

Nuaa Mɛlɛka dimi ni aa: «Te vana komal pɛ kpɔ̀nyɔ̀ n'rɛsɛn nɔ mɛnndan lenin taw-vo, mò dimi aa la tɛɛmbuu ndu le, kani tɔnɔɔ co lenin, lende koni ya bɛɛ tosanin le vanaa baalaa niaa ni, yɔŋii nda tɛɛmbuu nda kpede.

1Samiɛl 6:5

Lelan, la tuuliaa hindɔɔla ipawla niaala lan mì la tuuliaa vɛlɛ bɛlaa co kan lɛŋnde niaalen tɛɛmbuuo-a, o kon mì la biilu Hala Israɛlla. Bɔɔle mò faŋa niaa pila, piɔmaa niaa a lɛŋnde niaalen kpede sangaa coo!

Yosue 14:12

Lelan, ke ya niko pembii Mɛlɛka yii paale len kpemaa le ya yɔngoo-e. Kani nɔm pila tuei ɲinkon maa cuavaa-imamaa Anak-a co lon o kobila bɛndula mayoomulan nin. Kɛ Mɛlɛka co ya ikɛi, i co lakɔ nda tovɔɔ maa mɛɛ o yiilul-la kpemaa yɛ.»

Yeremi 26:3

Bɔɔle mà tuei nɔm diom, mì vana-vana mal kela ndɔ vɔɔndo. O kon, ya bɛɛ i malnin dɛnnda palaala yáà tuu le nda tuisio coo le kela nda vɔɔndo lan.

Yeremi 18:8

Kɛ te lɛŋnde ya dimi len sɔɛi ndɔɛi len le mal pɛ dɛnɛ vɔɔn vem ya len kɔngɔlanndo-o, i mal sɔɛi yáà kɔngɔlan le len tosallo-e.

Yeremi 26:13

La bɛɛndiaa niko kela niaa a dɛnnda niaalan, mì la yaŋ Mɛlɛka Hala niaa nilan. O kon o tuisi lɛnin dɛnɛ palaa o tuu le niaa tuisio coo-o le.

2Samiɛl 16:12

Bɔɔle mì Mɛlɛka ce dɛnɛ ni palaa, mò tuinun ya iɲíí, mò dɔw ya duaa sɔ̀ngɔ́ yeowla nda co ya lan hau lan.»