Biblia Todo Logo
Bib sou entènèt

- Piblisite -




Yɔɛl 2:13 - BII BILA

13 La sɛ́ɛ́siàà volɔɔla niaala cuɛinanndan o laan te, kɛ la sɛɛsiaa kɔlta niaalan, mì la muungu Mɛlɛka Hala niaa o ibuŋ. Kani o nɔ kɛndɛi a ɲííye taw. O yala kɔl tuulu le, o nɔ canyɛi taw-taw. O mangalà yiyanndo mò mal dɛnɛ palaa ndóò kɔngɔlan le tuisio-o.

Gade chapit la Kopi




Yɔɛl 2:13
41 Referans Kwoze  

Kɛɛ nɔm Maalii, Hala iɲííyo a Hala ikɛndɔɔ n co ni, a yala kɔl fula le, a nɔ kaolaa taw, vana lo o lediom coo-o n co ni.


Vanaa sandaa koŋul pɛ, Mɛlɛka tuei nda diom, ò soli nda o buulannda ndalan kpow nin.


Kani Ó-Hiow-Ɲɔɔn-Kpow-vo, o calta ndɔlan la co le fɛɛn a fɛɛn-ndo, o diola ndɔlan la co ladiandaa-o soo nuaa ni mó dimi aa: «I co icali o fondala vilɛi-vilɛilan nin coocoo pɔɔli, i connun icali lon o diondɔɔ nin. Kɛ i co vɛlɛ icali naa vana co o mɔnɛi nin-ndo a vana cennun o pɔmbɔ o yiyan-ndɔɔ nin-ndo, haliko mi luei yiyannda vanaa cennun a pɔmbɔ-a yoomuan, mi nɛŋi kɔlta vanaa co o mɔnɛi nin-nda.


Hala kuɛɛ nɛ co yɛ maa nɔm Hala, ó vɔɔsuu haki cuavaa ndɔa-o, ó mal nila kalula vanaa ndɔa lo yoomu-a haki-o? Kɔl nɔmndo lo o tuw le fɛɛn a fɛɛn te. Kani ɲííye vannda tuinɔnndo hɛnan nɔm ni.


Kani nɔm Maalii mal vana haki ni, a naŋ, a nɔ kɛndɛi taw le vanaa co nɔm piɛiyo-a.


Mɛlɛka nɔ ɲííye a kɛndɛi taw, o yala kɔl fula le, kaola ndɔɔ co o bɔɔ.


mó dimul Mɛlɛka aa: «Àá Mɛlɛka! Hee ya va dimio lɔ́ɔ́ ya va vɔ o lɛŋnde nilen nin-ndo ni. Lelan yáà cɛn vɛlɛ le ɲaanɔnndo Tarsis ni. Kani yáà sina maa nɔm Hala, vana ikɛndɔɔ n co ni. A hiw ɲííye nɔu, a yala kɔl tuulu le, a faŋan o lediom coo le. A nɛi dɛnɛ palaa nɔm óò kɔngɔlan le vannda tuisio coo-o mangala le.


Ɲɛm mun kpow, ba nuu cɔw mun ni, o kon n mun kpow n va mɛɛ n co yɛ, ya Mɛlɛka co sɔɛi nuaa ni. Tofa vɔ, vana ya landunin hɔlla coo-o, ndu co vana ikɔɔ co o mɔnɛi nin-ndo ni, o co ɲiiyaa a siòònde a sɔɛi nii-o.


Mí David sɛɛsian volɔɔlan lekɔɔ, mí vanaa va ndu ikɛi-ya bɛɛ sɛɛsian volɔɔlan lekɔɔ.


Te kon te vɛ̀ɛ̀ a co vanakɛndɛyɛi bɛndui Hala-e, biuvɔn ndɔɔ a dɛnɛ kɛndɛ ndɔɔ yii luɛyɔɔ le? A co sínà le maa le mangalan nɔmndo Hala co kon kpow tosaa ni?


Maalii, kumbi cɔcɔn nun, mì sondo nuu lisa nɔm.


Le tùú sɔɔn mun pilan kɔl nɔmndo-o, le tùú n tuisin ya o hɔl lɔ́ɔ́ n tuei sɔɛi ya dimi a kobio ho a á vanaa co lenin-nda o kɔɔ-e-o, vanaa kan pɛɛn a dɛnɛ palaa a dangaa toalnin coo-a, le tùú n sɛɛsian volɔɔlan lekɔɔ, ma del a caŋndo ya o hɔl-lo, ya bɛɛ i tuei nɔm diom. Ya Mɛlɛka dimi lende ni.


Kɛ nduyɛ, vana iɲíí bɛndoo Mɛlɛka co ni. Le tùú o kaola naa taw-vo,


mó yiyan le kpema ndóò yiilu nda-o. Le tùú o kaola nda taw-vo, mó mangala tuu ndóò tuu kon-ndo,


Yɔb ciiyo sɔɔn mun tueyɔɔ kpede, mó can tangban, mó sɛɛsiaa doma ndɔ bɛndoo ndu lekɔɔ, mó sendi tembello. O kon kɔɔli, mó del lɛŋ, mó baŋ vulan,


‹Ya co Mɛlɛka biwnanndo ni, vana lo o lediom coo kpeekpei-yo ya co ni. I mal vana haki le yɔŋ vɔɔndo a le biondɔnndan, kɛ i ci vana tɛɛmbua tɔŋndo vana kɛndɛ le, i tuisi cuawva dɛnɛ palaa coo le hakila fuɲaa ndaa háá o lambi yàándɔɔ, háá o lambi hiɔɔlundɔɔ bɛɛ.›


Má kɛɛ diom nɔmndo biyɔɔ, má pɔɛɛnun dɛnnda kɔndɔfilta bɛndula n tosal nda lan, má kindi nilan, má dimi le muungɔnndo Esipte o cɛle ndalen nin. Kɛ nɔm, a mel nda le, kani Hala mal vana haki-o n co ni, Hala nɔ ɲííye a kɛndɛi-yo. A biwnùn, a pɛ a dɛnɛ kɛndɔɔ.


Kani diallon kindio naŋ, kɛ kon nɔ tɔnɔ bɔɔ le. Siòòŋii Hala-e nɔu o dɛnndan kpow nin hiow naŋɔɔ polon, kani kon yɔngu naa tiindanndo sɔlaa le ceendo ho sunsun a le ceen hunnin-ndo ni.


Mɛlɛka biwnùn, kpaaya ndɔɔ co o bɔɔ. O bíì vana tɛɛmbùù dɛnɔɔ-o maa vanaa tɛɛmbúú dɛnɛ loo le. O va pɛ kɔlan felenfelenndo cɛn. Yumbuyumboo co cundu can ndu o pelon bɛngu-o ni.


mí Mɛlɛka dimul ndu aa: «Balu kobio Yerusalɛm kpow, mà kei pondalen handɔɔ vanaa sɔɛi co palaa má va cɛɛŋɔnndo le dɛnnda nɔɔlɛila co lan tosanndo lan-nda o itendu.»


Mɛɛ masaa tuei sɔɔn vanalanɔ kon dimi-on, mó sɛɛsian volɔɔlan lekɔɔ. Nduyɛ, o kpakio coo o va kɔlan ni, mí vannda ca ndu, volɔɔla biisilan la va ndu lekɔɔ.


Masaa Israɛl ciiyo dɔ́ɔ́ sɛbɔɔ tofaa, mó sɛɛsian volɔɔlan lekɔɔ, mó deŋi aa: «Mò va maa ya co Hala le vannda diyɔɔ a le nda mingio yoomu ni? Vɛ mó vim ya vanndo le ndu singio a nàà siaŋaa? Vannda la ce isɔɔ nɛ? Kela tandaa daama hoo cɛn ya kɔɔli nuaa ni!»


Lɔ́ɔ́ Akab tuei sɔɔn Mɛlɛka-n Elii tɛɛngul ndu mun-ndon-ndo, mó sɛɛsian volɔɔlan lekɔɔ, mó vownun bɔlɔla yuululan, mó bii sumndo. Mó va lɔan a bɔlɔla yuulula lan lekɔɔ, mó muungu kɔlan duɛɛn-duɛɛn.


O kon, mó sɛɛsiaa volɔɔla ndɔla cuɛinanndan, mó yiinun volɔɔla biisilan o caŋ, mó caŋ po ndɔɔ taw.


Tuma Rubɛn muungu o soon kon-ndo, o komal lɛ Yosɛf lon te. Mí mɔnɛi bii ndu, mó sɛɛsiaa volɔɔla ndɔla cuɛinanndan.


Vɛ̀ɛ̀ sum hɛnan ya Mɛlɛka-o co kon ni? Vɛ̀ɛ̀ paale vanacieo tuisin ndu pila tootoo len le co len ni? Mò va maa le bollen tundɔɔ maa lekpɛ̀ndɛ̀, le yalala yuululan vownɔnndo a le lɔngɔlianndo o pultan nin ni? Vɛ̀ɛ̀ kon niaa veelunin ni aa sumndo? Vɛ̀ɛ̀ paale hɛnan Mɛlɛka len le co len ni?


Masaa tueyɔɔ sɔɔn va o sɛbɛ tɔŋ kon nin-ndon, mó sɛɛsian volɔɔlan lekɔɔ.


Mí vanpiaandua belaŋɔmaa fula Sikɛm, Silo a Samari, ndáà nɔ siayun sendian a volɔɔla sɛɛsiɛilan nda lekɔɔ, boolɔnndan la va nda kɔɔlen kpede. Má hun a kela n'mal tan a ansan le lan yɔngoo o Cɛi-Hala-o nin Yerusalɛm.


Te la cɛl pɛ le lou o lɛŋnden nden nin, i tɛɛmbuu lɛnin niaa le, i tɔalnin niaa, i sungu lɛnin niaa le, kani mɔnɛi bii ya le dɛnɛ palaa ya tuisi niaa coo-o.


«Samaria sɔlanin sangaa le tɛɛmbuula ndalan, kani a simul Hala ndaa. Vanaa co icali lon-nda sɔlanin piɔ́mndo o mɔɛi cɔwve bɛngu. Cɛlɛkpɛa ndaa pesipesinnin. À tɛɛndiaanin vanlaandua lafolia ndaa dembelan.»


nɔm Mɛlɛka, mulul nda nɛɛ n co o halataala-a. Mal vanaa nɔmaa baalaa haki, Israɛlla pɛɛn. Pɛɛku nda nɛila nda bɛnda mà kela coo lan, ma tuisi piɔɔ o lɛŋnde n ke nda kɛ́ɔ len coo.


Bɔɔle a cannin mà tɛɛlun Mɛlɛka a kpaaya ndaa kpow, o kon mì vana-vana mangala kela ndɔ vɔɔndo, kani taw-taw Mɛlɛka tambu kɔllo a vannda ha ni.»


Bɔɔle mì Hala ɲulul kɔl, mò yiyan le ɲɛ o dimi le tosaa-o mangalaa, o kon mì kɔl ndɔ tuwvo ɲulul, yɔŋii naa n cuu.»


Swiv nou:

Piblisite


Piblisite