Yɔɛl 2:12 - BII BILA

¹² Mɛlɛka dimi aa: «Lelan nihau, la muungu ya o ibuŋ. La muungu ya o ibuŋ a kɔlta niaalan kpow, a sumndo biyɔɔ, a caŋndo a á cɛɛŋɔnndo.»

Yɔɛl 2:12 Referans Kwoze

Osee 12:6

Mɛlɛka co Hala-Nɔ-Kpaayaa-Kpow-vo ni, diola ndɔlan aa Mɛlɛka.

Yeremi 4:1

Mí Mɛlɛka dimi aa: «Israɛl, taa muungu pɛ ya o ibuŋ, taa mal pɛ piɔmnda sooloo, mà ve lɛ laasian te, mɛɛ a nɔla ma muungu ya o ibuŋ.

Osee 6:1

«La hun mì n muungun Mɛlɛka o ibuŋ! Kani ndu lɔɔ naa ni, kɛ o co naa cɛw. Ndu booluu naa ni, kɛ o co pavii nɛi holiholi.

1Samiɛl 7:6

Mí Israɛlla cuungian Mispa. Má kɔandu mɛnndan, má cuuŋuu man lɛŋ Mɛlɛka o hɔl, má bii sumndo paale len. O kon kɔɔli, má sɔlɔlan hakila ndáà cua a Mɛlɛka lan. Mispa lon Samiɛl siŋnun simlacinɔ Israɛlla ni.

1Samiɛl 7:3

Mí Samiɛl dimul nda aa: «Te o va pɛ a kɔlta niaalan kpede niaa yeema le muungoo Mɛlɛka o ibuŋ ni, mɛɛ la mal piɔmaa Astarteea sooloo few-few, mì la tiindan Mɛlɛka, mì la biilu ndu ndu pilɛ kpé. O baŋanin niaa Filistia o ba.»

Dɛnnda kiilaa 26:20

Kɛ vanaa co Damas-a a haa Yerusalɛm ya kandu yoongu kalaa tiiyallo ni, o kon kɔɔli, mí pɛɛku haa o tàndá Yuda-o nin kpow a vanaa-mangalaa-isɔɔa. Mí dimul nda maa a mal yɔŋnda vɔɔnnda ndalan, mà mangalan, mà mulul Hala hɔlla, mà tosa dɛnnda cɔm maa a mangalan ndan.

Osee 14:1

«Samaria sɔlanin sangaa le tɛɛmbuula ndalan, kani a simul Hala ndaa. Vanaa co icali lon-nda sɔlanin piɔ́mndo o mɔɛi cɔwve bɛngu. Cɛlɛkpɛa ndaa pesipesinnin. À tɛɛndiaanin vanlaandua lafolia ndaa dembelan.»

Masaa kialaa n'yamaa 20:26

Mí Israɛlla kpow a kɔ cal Mɛlɛka o hɔl Betɛl, má caŋ. Má niinu ɲinkon kpɛŋ o sumndo nin. Má solul Mɛlɛka sálàla loamaalan a sálàla kɔlɲululan.

Sakari 7:3

a le vanaa-solia-lasálàá va baalaa o Cɛi Mɛlɛka-Nɔ-Kpaayaa-Kpow-vo nin-nda a vanaa-tɛɛngaa-diom Hala-a ɲunaa ni aa: ‹Vɛ̀ɛ̀ mì va hiovɔɔ laci a caŋndo a sumndo biyɔɔ o paangii ŋuɛɛnundɔɛi nin mɛɛ ya co nin tosaa lende o vɔsilan taw nin yɛ?›

Esai 22:12

Lelan, o paale len coo, Maalii, Mɛlɛka-Nɔ-Kpaayaa-Kpow-vo ndóò tosanin mí niáà caŋ, mí mɔnɛi ndíì luɛi niaa, mí niáà sendin tembeltan, mí niáà vownun volɔɔla nɔɔlɛilan.

Sakari 7:5

‹Ɲuna vɔ vanaa co o lɛŋnden nden kpow nin-nda a vanaa-solia-lasálàá aa: O vɔsilan belaŋɔmmɛw bɛngu la va sumndo biyɔɔ a caŋndo o paangii ŋuɛɛnundɔɛi a o paangii ŋɔmmɛwndɔɛi nin, mò va maa le ya niaa va sum kon biyɔɔ ni?

Ɛstɛr 4:16

«Kɔ cuungiaa Yuifia co Suse-a kpow nɛɛ pilɛ, mì la bii sumndo le ya, la dia ɲɛ-ɲɛ le, la kol te, háá palɛi ndii yáá, niinoo a lɔan. Ya bɛɛ, i biinin sum pilɛ kon naa buɛyaa nia laandua. O kon kɔɔli, i kɔanin o masaa lo, hali tɔŋndo co bɛɛ o yiyaa lende. Te vu ni, i kɔ vu.»

Esai 58:4

La co sumndo biyɔɔ a sɛɛngianndan a á cɔlɔbalan tosaa, a vannda lɔɔ a bɔtáà kpoku. La co sumndo biyɔɔ mì la va tosaa mɛɛ vanndo tosa o paale sumnden coo, haliko mi piɛile ndɔlen le tueinun coocoo yɛ le.

Yeremi 4:2

Taa mɛnan pɛ aa: «Le Mɛlɛka yoomaa», mò va mɛnan toɲaa, sandei a dɛnɛ sandaa, o kon vanaa-mangalaa-isɔɔa sɔlanin duaa ya o ba, mà lisan o ya nin.

Esekiɛl 33:11

Lelan, dimul nda maa diom Maalii Hala dimi-o co hoo ni aa: «Le yoomu nuu, i hɛnan mì vana kɔlvesɛiyo vi le, kɛ mò mangala kela ndɔ vɔɔndo haliko mò va yoomu. Le hee, la mangalan! La mal kelala niaala vɔɔnndan! Le yɛɛ nɛ niaa yeema yɛ le vuo, niaa cuavaa Israɛlla?»

Daniɛl 9:3

O kon, mí muli hɔlla o Maalii Hala lo le ndu piɛiyo a le ndu tɛɛlɔnndo o sumndo biyɔɔ nin, mí vownun volɔɔla dɛnɛ palaalan, mí suinun pultan.

Malasi 1:9

Mbɔ̀ la piɛi ya Mɛlɛka, mì ɲulul kɔl a niaa! Niaa ca ko aa mì ce niaa ɲia a laasiaa niaa co kon-ndo kpow? Ya Mɛlɛka-Nɔ-Kpaayaa-Kpow-vo ɲuna nuaa ni.

Fulaa 33:5

Kani mí Mɛlɛka soaa o Moise lo aa: «Dimul Israɛlla aa: ‹Vanaa lanila kalua niaa co ni, te i kɔɛ pɛ niaa tɛɛn, hali le telen pɔmbɔ, i diw niaa kpede. Lelan, la sooluu volɔɔla niaala kɛɛsuanndan, mì la mɛɛndan mɔnɛ ya co soli a niaa-o.›»

Masaa kialaa n'yamaa 2:4

Lɔ́ɔ́ mɛlɛkanɔ Hala-o cii Israɛlla kpow sɔɔn mun dimul-lo, mí vannda kpow soli diomndan, má caŋ.

2Samiɛl 24:10

O kon kɔɔli, mí kɔllo kandu David fulaa, mí ndu pila yaalan le cɔm o cɔm kon Israɛlla mó sɛva nda-o, mó dimul Mɛlɛka aa: «I cua hakio taw. I tosa bɔɔ dɛnɔɔ maa diɔm. Lelan Mɛlɛka, mal-la haki yandi, ya vana nɔm baalaa.»

2Dɛnnda lemasalan 6:27

nɔm Mɛlɛka, mulul nda nɛɛ n co o halataala-a. Mal vanaa nɔmaa baalaa haki, Israɛlla pɛɛn. Pɛɛku nda nɛila nda bɛnda mà kela coo lan, ma tuisi piɔɔ o lɛŋnde n ke nda kɛ́ɔ len coo.

2Dɛnnda lemasalan 30:6

Mí kiilaa kɔa a sɛbɛla masaa nda vanaa bɛndua va ndu o ba bɛngu-a ndáà handu lan pondalen coo lan, má balu lan dimio o lɛŋnde Israɛl-ten nin a o tàndá Yuda-o nin mɛɛ masaa ndóò dimi yɛ aa: «Niaa Israɛlaa hɛlun haa masaa Asiriia-a, la muungu Mɛlɛka Hala Abraham-ndo, Hala Isaak-o a Hala Israɛl-lo o ibuŋ. O kon, ndu bɛɛ muungunin niaa o ibuŋ.

Yeremi 3:22

La muungu ya o ibuŋ, niaa cuavaa nila kalua ha, mì mal niaa haki le sɔɛi biyɛi lepɛŋii niɛi.› «Nuaa naa, n hin nɔm o ibuŋ, kani nɔm co Mɛlɛka Hala naa ni.

Yeremi 36:7

Bɔɔle a cannin mà tɛɛlun Mɛlɛka a kpaaya ndaa kpow, o kon mì vana-vana mangala kela ndɔ vɔɔndo, kani taw-taw Mɛlɛka tambu kɔllo a vannda ha ni.»

Osee 12:7

Lelan sisa, niaa cuavaa-imamaa Yakɔb-a, la mùùngú ya Hala niaa o ibuŋ. La vá kelaa o vanakɛndɛyɛi a o sandei nin. La vá Hala niaa tiindanndo le lɔ́ɔ́-lɔ́ɔ̀.

Yɔɛl 1:13

«Niaa vanaa-solia-lasálàá, la vownun volɔɔla biisilan mì la caŋ taw. Niaa co sálàlan solio o fonda-loamaa-lasálàá coo-a, la hiiliaa hiko-hiko a caŋndo. Niaa co baalaa tosaa le Hala nuu-a, la hun lɔl a volɔɔla biisilan lekɔɔ. Kani sálà co lɛ hunɔɔ o Cɛi-Hala niaa nin te, sálà mamɔi co lɛ hunɔɔ lenin te.