Yɔɛl 2:11 - BII BILA

¹¹ Mɛlɛka mal diom ndɔɔ kpélén vanaa cɔwva laci. Vanaa ndɔa cɔwva co sɛ́lɛ́ taw-taw. Kani vana co sɔɛi o dimi-e tosaa-o nɔ kpaayaa taw. Bau paale Mɛlɛka len le co bɔɔ paale bɛndu. Le co bɔɔ paale kpundɛle bɛndu. Nɛ̀ɛ́ nɔla yɛnin mò yulu dɛnɛ kon paale len?

Yɔɛl 2:11 Referans Kwoze

Malasi 3:2

Nɛ̀ɛ́-nɛ̀ yulu yɛnin paale o hunnin-nden? Nɛ̀ɛ́-nɛ̀ lo yɛnin isisi lɔ́ɔ́ o fulanin ceen-ndo? Kani maa yinnde teengiaa cilinnde len o vanin ni. Maa sɛmma vana tɔaa volɔɔlan-ndan o co ni.

Nahum 1:6

Nɛ̀ɛ́-nɛ̀ nɔla yɛ mò simul kɔl ndɔ tuwvo? Nɛ̀ɛ́ tiw yɛ ba mò lo yoomu a yinnde ndɔle kɔltuwlen? Maa leyin kɔl ndɔ tuwvo keleŋa tiwvo ni, hali powtan mi la piɔsi ndu o hɔl.

Dɛnnda cɔɔmuanndan 18:8

Ɛ̀ɛ̀ nduyɛ, le ken kpeekpei dɛnnda palaala kelun le ndu lan la toalnin ndu coo o lepilɔɔ o paalen ten pilɛ bɛngu ni: nàà piɔmndo, biisilan a yima fofolan, o kon mò ŋɔɛ o yinnden nin. Kani vana kpaayaa Mɛlɛka Hala kelu ndu iyama-o co ni.»

Dɛnnda cɔɔmuanndan 6:17

Kani paale bɛndule kɔltuw ndaa le tiiya, nɛ̀ɛ́ nɔla yɛnin simndan?»

Yeremi 30:7

Àá má cè dɛnɛ palaa! Le sel naa fɔ́! N ci vɔ lepaa maa leen te, telen imɔnɔɔ co hoo le polale Yakɔb len ni. Kɛ nduyɛ ɲɛ-ɲɛ yɔŋnunnin nda le.»

Condii lisai 46:6

Hala co o kobi kon kɔllo, o delnin te, idii púŋ, o pena ndu mala.

Amɔs 5:20

Vɛ̀ɛ̀ paale ɲɛ-tengaalen pá paale Mɛlɛkalen le co ni? Vɛ̀ɛ̀ o co paale maɲumnden te le co le? A toɲa, paale yimyimnden le co ni, le co paale pangele le.»

Yɔɛl 1:15

«Kpòkóó dɛnɛ! Má cè paale bɛndu dɛ! Paale Mɛlɛka len le co le tiiyaa. Maa mɛɛ Vana-Kpaayaa-Kpow tuisi kpundɛ tɛɛmbua bɛndoo vannda coo nuaa yɛ, lende paale len le hunnin ni.

Yeremi 50:34

Kɛ ya vana soaa le nda-o, i nɔ kpaayaa. Ya co Mɛlɛka-Nɔ-Kpaayaa-Kpow-vo ni. I co isɔɔ le nda válán, mì kɔlɲuloo sɔlan o lɛŋnden coo, o kon mì Babilɔnnda ɲiiya.

Esai 42:13

Mɛlɛka co fulaa maa kuubanɔ cɔw, o co diallon fulaa maa vana cɔw, o co deŋio kpélén, o co sɔɛi coo a kɔltuwvo, o cɔm yoomuma ndɔan yaamɔaa ndɔa coo.

Esai 13:4

Bɔɔluu bɛndoo co tueinɔnndo o pembon coo maa vɔnga sɛ́lɛ́ bɛndu, masɛi yɛ́-yɛ́i co vɔngaa vɔkɔ-vɔkɔ, vanaa-mangalaa-sɔɔa cuungian-nda co tombolaa isɔkɔsɔkɔɛi a labɛɛla! Mɛlɛka-Nɔ-Kpaayaa-Kpow-vo co vanaa cɔvaa tosanin cɔwvo-a cɔmndo a pilɛn-pilɛn.

Kundalan 24:23

Mó dimi niko sɔɔn mɛɛlan aa: Kpòkóó! Te Hala tosa pɛ isɔɔ, nɛ̀ɛ́ lo yɛnin yoomu kpeekpei?.

Yeremi 25:30

Mí Mɛlɛka dimul-la vɛlɛ aa: «Nɔm Yeremi yɛ, tɛɛngul nda sɔɔn mun kpow, mà dimul nda aa: ‹Mɛlɛka co a hiilɛi coocoo, o co diomndo solio o calta ndɔla diandaalan nin, o co a hiilɛi a vanaa ndɔa. O co deŋio maa vanaa pesi rɛsɛnndon le mɔiyan solio-a. O co piasiaa a vanaa co o lɛŋnden coo-a.

Amɔs 5:18

«Dɛnɛ palaa co nda cum, vanaa yeema le paale Mɛlɛka len cɔu-va! Le kɔlɔ yɛɛ niaa co yɛ len yeemaa? Yɛɛ niaa sɔ̀là yɛnin o paale Mɛlɛka len coo nɛ? Nduyɛ, paale maɲumnden paale len le vanin ni, le venin paale ɲɛ-tengaa le.

Amɔs 1:2

Mi Amɔs dimi aa: «Mɛlɛka co kuuliaa Siɔn. O co yoondiaa Yerusalɛm a labɛɛla kpeekpei! Bil puiyaa vanaa mandaa n'cɔlua vesan, yondo puiyaa vesan o pembei Karmɛl tullo!»

Yɔɛl 2:25

I mingulnin niaa ɲɔɔn peelul le vɔsila sóónɔa, selennda, dɛlua a paaleŋaa yáà tuisi niaa coo-a tɛɛmbuu tɔlɔɔlan-ndan mangalaa.

Esekiɛl 22:14

Vɛ̀ɛ̀ kɔl nɔmndo simnin pá yili? Bala nɔmndan la nɔnin pá yoomuan o palɛi ya tisanin nɔm coo le nɔm saangiaa-e nin? Ya Mɛlɛka soo lende ni, nduyɛ i tosanin mɛɛ ya dimi yɛ.

Esai 7:18

O palɛi ken nin, Mɛlɛka hulnin pengia co o peelan Esipte mɛɛlulan-nda a lɛa co o lɛŋnde Asiri len nin-nda,

1Tesalonikea 4:16

Kani telenndo tiiya pɛ, n tuɛinin diomndo fulaa o halataala, mì n tuei bulu Hala-o diom, o kon mì Maalii pila tol. Vanaa vi o diola Yeesu lan-nda fɔlɔn a tendulnin ni.

Yɔɛl 1:6

Vanaa-mangalaa-isɔɔa pum hinul lɛŋnde nilen. Vanaa kan nɔ kpaayaa taw, a co sɛ́lɛ́, vana cii nda cɔm te. Ciŋun ndan maa ciŋun yàlà piaandu n co ni, ciŋun nda sɛɛsiaa ɲɔɔn-ndon maa yaalela yàlà laandu n co ni.

Yɔɛl 2:1

La hɔŋ buloo o kobio Siɔn nin. La hɔŋ ndu mì ɲɔɔ vɔnga o pembii nii diandɛi coo. Niaa co icali o lɛŋnden nin-nda kpow, la ɲiiya a siòònde. Kani paale Mɛlɛka len le co le tiiyaa, o lo cobe mì le tiiya.

Yɔɛl 2:2

Paale maɲumnden a paale ɲumma n'kpungbalen paale len le vanin ni. Paale yumbuyumbulen a paale mɔ́m bɛndulen le vanin ni. Le hunnin mɛ̀ɛ́-mɛ̀ɛ́ ɲɛ-tengaa paale siaa tiw o pembon coo nuaa yɛ. La tofa vɔ! Vanaa-mangalaa-isɔɔa ha, a co sɛ́lɛ́ taw, a nɔ kpaayaa. Kabi masindɛ, vanaa súú vaa lende fula vɔ le, hali o nda kɔɔli, vanaa súú vaa lende fula lɛnin le fɛɛn a fɛɛn te.

Abdia 1:15

Kani paale Mɛlɛka kialunin yamɛi vanaa-mangalaa-isɔɔa kpow len le co nin le tiiyaa. A tosalnin niaa mɛɛ niaa tosal caanda yɛ. Yɔŋ vɔɔn niaa tosa-o mingulunnin niaa.»

Condii lisai 18:14

Mí Mɛlɛka deŋi o halataala maa letaŋ, mí Ó-Hiow-Ɲɔɔn-Kpow-vo soli diomndo, mí loeon delian a dɛngulta leyinndan la fula.

Condii lisai 68:18

Hala nɔ ɲɛla ɲaanannda cɔlua nan-ndan taw-taw, la co vàálan o vàálan nin. Maalii co lan tɛɛn o pembei Sinai coo, o fonda diandaa.