Yɔɛl 2:1 - BII BILA

¹ La hɔŋ buloo o kobio Siɔn nin. La hɔŋ ndu mì ɲɔɔ vɔnga o pembii nii diandɛi coo. Niaa co icali o lɛŋnden nin-nda kpow, la ɲiiya a siòònde. Kani paale Mɛlɛka len le co le tiiyaa, o lo cobe mì le tiiya.

Yɔɛl 2:1 Referans Kwoze

1Piɛr 4:7

Mɛɛlula ɲɛ-ɲɛ la co nin kpɛɛlun. Lelan, la kiondu kɔltan mì la va lahɔl le piɛilen.

Yɔɛl 2:15

La hɔŋ buloo o kobio Siɔn nin. La yonda le sumndo biyɔɔ a le bɔŋan lekaando tosaa.

Yɔɛl 1:15

«Kpòkóó dɛnɛ! Má cè paale bɛndu dɛ! Paale Mɛlɛka len le co le tiiyaa. Maa mɛɛ Vana-Kpaayaa-Kpow tuisi kpundɛ tɛɛmbua bɛndoo vannda coo nuaa yɛ, lende paale len le hunnin ni.

Sofoni 3:11

«Paale len, niaa vanaa co vanaa nia-a, siɛmbula bii lɛnin niaa le dɛnnda vɔɔnnda niaa tosa paandu a ya lan te. Kani i faŋanin vanaa yongaa niaa tɛɛn. O kon, la pɛnginin yongaa tosaa o pembii nii diandɛi coo.

Sofoni 1:14

«La tofa vɔ! Paale bɛndule len le co le tiiyaa. Paale Mɛlɛka len le co nin kpɛɛlun. Vana tuɛinin somisominndo a caŋndo o paale Mɛlɛka len coo. Kuubaa hiow cɔwvo caa-a bɛɛ a koŋulnin.

Yeremi 5:22

Mí Mɛlɛka ɲuna aa: ‹Mɛɛ la nɔ siòòŋii ni le? Mɛɛ la nɔla ɲiiyaa ya o hɔl te? Ya kɛsul mɛmma ihɛllan pɛɛngulan a sióónndon ni, pɛɛngula fɛɛn-fɛɛnnda ma nɔla hiovɔɔ le lan pɛɛn. Mɛ̀ɛ́-mɛ̀ɛ́ ma va biiŋɔnndo, ma nɔ kpaaya má hiaw lan te, mɛ̀ɛ́-mɛ̀ɛ́ ma kuuliaa, ma hiw pɛɛngula lan te.

Esai 66:2

Ɲɛm mun kpow, ba nuu cɔw mun ni, o kon n mun kpow n va mɛɛ n co yɛ, ya Mɛlɛka co sɔɛi nuaa ni. Tofa vɔ, vana ya landunin hɔlla coo-o, ndu co vana ikɔɔ co o mɔnɛi nin-ndo ni, o co ɲiiyaa a siòònde a sɔɛi nii-o.

1Tesalonikea 5:2

kani niaa pila sìna ɲɛkɛndɛi maa paale Maalii hunin-nden le vanin ko maa paale vuiyo hinul vana icɔl-ten.

Abdia 1:15

Kani paale Mɛlɛka kialunin yamɛi vanaa-mangalaa-isɔɔa kpow len le co nin le tiiyaa. A tosalnin niaa mɛɛ niaa tosal caanda yɛ. Yɔŋ vɔɔn niaa tosa-o mingulunnin niaa.»

Amɔs 3:6

Vɛ̀ɛ̀ vana nɔla mì vana hɔŋ bulu cɔwvo o kobio nin, mì vanaa co o kobi kon nin-nda kɛɛ ɲiiya? Vɛ̀ɛ̀ dɛnɛ palaa nɔla mo tol o kobio coo te o co Mɛlɛka le cɛl te?

Osee 5:8

«La hɔŋ leo o kobio Kibea nin, mì la hɔŋ buloo o kobio Rama nin. La yonda yonda cɔwvo Bɛt-Avɛn. Niaa polale Bɛnyamɛn-nden, la caa dɛ! Kani yaamɔɔa co niaa vɔmndo a makɔɔ.

Esekiɛl 7:12

Telenndo tiiya, paale len le tiiya! Vana piandaa dɔawnun ɲaale le, vana pisiaa bii imɔnɔ le! Kani kɔltuwvo piɔndi le tolɔɔ sɛ́lɛ́ kaakuu co hoo o kobio nin-ndo coo.

Yeremi 4:5

‹La yonda sɔɛi he Yuda, mì la yonda vɛlɛ ndi Yerusalɛm. La hɔŋ buloo o lɛŋnden nin, la deŋi ndi coocoo kpélén. La dimi mì vannda cuungian o kobila nɔ kpakilan ndan nin.›

Nsaki 5:8

Niaa bɛɛ, la biwnun, la kɛsi kɔlta niaalan, kani hunɔɔ Maalii-o co nin kpɛɛlun.

Filipea 2:12

Lelan, caaŋaa nia ya kaola taw-va, maa mɛɛ niaa co lɔ́ɔ́-lɔ́ɔ̀ vanaa biyaa isɔɔ-a o dɛnɛ Hala-o nin yɛ, la hiow laci a tosaa lende telen ya co niaa ikɛi-yo, kɛ mì la hiow bɛɛ sɔɛi ndɔɛi biyɔɔ telen ya co niaa tɛɛn too.

Sofoni 1:16

Paale bulu hɔŋaa a lee saa kóndóó soaanin-nden, paale len, vana tuɛinin vóólun-vóólunn cɔwvo le kobila mayoomulan a cɛila coocoolan biyɔɔ.

Amɔs 8:2

Mí Mɛlɛka ɲuna ya aa: «Amɔs, yɛɛ nɛ n co yɛ cɔu?» Mí muli aa kambɛiyo ya co cɔu a yɔmii koamɛi diuvɛi lenin ni.» Mí Mɛlɛka dimul-la aa: «Mɛɛlulan la tiiya le vanaa nia, cuavaa Israɛlla pɛɛn, i hiw lɛnin laci a nda hakio malɔɔ le.

Osee 8:1

«La hɔŋ lee saa! Dɛnɛ palaa tol o cɛi Mɛlɛka-o coo maa kovɛ, kani vannda kpakpala kpema nuu, à del kasi a tɔŋ nuu.

Esekiɛl 33:3

te kpalilnɔ kon ce pɛ cɔwvo hunɔɔ o lɛŋnden nden nin, o hɔŋ buloo le vannda dimullo.

Esekiɛl 12:23

Le hee dimul nda aa: ‹Nuaa Maalii Hala dimi ni aa i ɲumi tale kon, vana dimi lɛnin ndu Israɛl te!» Dimul nda aa palɛi tiiya, vunduan kpow ma co peelɔn.

Esekiɛl 7:10

La tofa vɔ paale len! La tofa vɔ mɛɛ le tiiya yɛ! Telenndo tiiya, sionnden le co yandɔɔ! Yongaa co kuiyo taw!

Daniɛl 9:20

«I va hiovɔɔ laci a sɔɛi o piɛile nilen nin, i va hakila nilan a hakila yungu nuu Israɛl sɔlɔlanndo, i va Mɛlɛka Hala nuu tɛɛlɔnndo le pembii ndɔɛi diandɛi,

Daniɛl 9:16

Maalii, mɛɛ dɛnnda nɔmnda sandaalan kpow la co yɛ, faŋa kɔltuw nɔmndo Yerusalɛm coo, kobi nɔmndo a pembii nɔmii diandɛi pɛɛn. Kani le hakila naalan a yɔŋ vɔɔn fuɲaa naa mamaa kobi nɔmndo Yerusalɛm, a yungu nɔmndo a tambu labɛɛ vanaa balu nda-a o sondo ni.

Daniɛl 6:26

O kon kɔɔli, mí masaa Darius sɛval vannda súúlan kpow a vanaa-mangalaa-isɔaa yɛ́-yɛ́a va icali o lɛŋnden kpow coo-a aa: «Màá kɔlɲulu bɛndoo yɔngun niaa!

Esekiɛl 33:6

Kɛ te kpalilnɔ kon ndu ce pɛ cɔwvo hunɔɔ, mò hɔŋ buloo le, te vannda tui yoongu kon te, mì cɔwvo luɛi, mì vanndo pum vi o cɔw kon nin, vana vi kon-ndo sɔlanin piɔ́mndo le tɛɛmbuu ndɔ ndu pila-o, kɛ i heelunin sɔɛi piɔ́m ndɔɔ kpalilnɔ kon o lebol.

Yeremi 16:10

«Lɔ́ɔ́ n dimulnin vannda ha sɔɔn mun kpow-vo, bɔɔle a ɲunanin nɔm aa: ‹Le yɛɛ nɛ Mɛlɛka co yɛ naa dɛnnda palaala bɛndula vaa lende kpow tuisi coo? Dɛnɛ vɔɔn yɛɛ naa n tosa yɛ? Haki yɛɛ nɛ naa n tosa yɛ a Mɛlɛka Hala naa?›

Yeremi 16:7

Vana-vana venin le ɲɛdiaa piɔvanndo nda vanaa biisio del-la le nda ɲɔɔlu le. Vana-vana yɔngunin vɛlɛ vanaa fuɲa nda, te kon te kala nda vi-a taala kólaa le nda ɲɔɔlu le.

Esai 66:5

Niaa co sɔɛi Mɛlɛka-e biyɔɔ a bɛɛlen-nda, la yaŋ nilan o diom Mɛlɛka-o. La tuei-yɔ mɛɛ puapilɛa niaa nɔ nɛyɔn niaa, mà va niaa kɛɔ le diola nilan-nda dimi yɛ aa: ‹Mbɔ̀ Mɛlɛka cɔm-ndɔ biilu ndɔɔ mì naa n ce vɔ kɔl niaa kɛndɔɔ!› Kɛ nda siɛmbulan la biinin ni mɔ́ɔ̀yɔ̀ɔ̀.

Esai 2:12

Kani Mɛlɛka-Nɔ-Kpaayaa-Kpow-vo nɔ paalen le vanaa kuundiannda, vanaa heelannda a le vanaa co cuannɔnndo-a cɔlɔbaa haliko ma tuisin tootoo,

Condii lisai 119:120

Diallon co ya ɲiiyaa a siòòŋii n co ya lueiyo-e. Siòònde co ya a tɔŋnda nɔmndan.

Condii lisai 87:1

Condii poaa Kore-a soli-e. «O pembun diandan Siɔn coo Mɛlɛka kila Yerusalɛm ni.

Kundalan 10:3

Te bulula hɔŋaala lan la soo dɔ́ɔ́ pɛ diom pilɛ tan tiɔn kpow, sɛ́lɛ́ Israɛlla kpow cuungian nɔm ikɛi o cɛi-kola-toandaa-labɔɔŋianndo sondoo.

Sakari 8:3

Le hee, Ya Mɛlɛka soaa nuaa ni, I co muungoo Yerusalɛm, i co hunɔɔ vɛlɛ calle o kobio Siɔn nin. Yerusalɛm sɔlanin diolan aa Kobi lo o lediom coo-o. Pembii Mɛlɛka-Nɔ-Kpaayaa-Kpow-vo i veelunnin aa Pembii Diandɛi.

1Dɛnnda lemasalan 15:28

Mí Israɛlla kpow a kɔa a kesu kpema Mɛlɛka-o Yerusalɛm a kponyo bɛndoo, a va bululan hɔŋndo, ma va vɛlɛ kɛ́ŋndon, tòvalan a bondomalan lɔɔ.

1Korɛntea 14:8

Te bulu cɔwvo suu válán te, nɛ̀ɛ́ toosian yɛnin le cɔwvo?

Dɛnnda cɔɔmuanndan 6:17

Kani paale bɛndule kɔltuw ndaa le tiiya, nɛ̀ɛ́ nɔla yɛnin simndan?»

Fulaa 10:14

Mí sóónɔa kan sɛŋin o lɛŋnde Esipte len nin, a va taw-taw. Kabi sindɛ, sóónɔa hin-ndɔ hunɔɔ bɛndu vaa lende Esipte le, nduyɛ, a hin ndɛnin vɛlɛ lɔ́ɔ́-lɔ́ɔ̀ lende le.

Esekiɛl 30:3

Kani paale len le cɛn tiiyaa, paale Mɛlɛka len le bendu lɛ le. Paale yumbuyumbu bɛndulen a paale vanaa-mangalaa-isɔɔa le vanin ni.

Yɔɛl 2:11

Mɛlɛka mal diom ndɔɔ kpélén vanaa cɔwva laci. Vanaa ndɔa cɔwva co sɛ́lɛ́ taw-taw. Kani vana co sɔɛi o dimi-e tosaa-o nɔ kpaayaa taw. Bau paale Mɛlɛka len le co bɔɔ paale bɛndu. Le co bɔɔ paale kpundɛle bɛndu. Nɛ̀ɛ́ nɔla yɛnin mò yulu dɛnɛ kon paale len?

Amɔs 5:18

«Dɛnɛ palaa co nda cum, vanaa yeema le paale Mɛlɛka len cɔu-va! Le kɔlɔ yɛɛ niaa co yɛ len yeemaa? Yɛɛ niaa sɔ̀là yɛnin o paale Mɛlɛka len coo nɛ? Nduyɛ, paale maɲumnden paale len le vanin ni, le venin paale ɲɛ-tengaa le.

Sakari 14:1

«Niaa vanaa co Yerusalɛm-nda, paale Mɛlɛka len le co le tiiyaa. Vannda piɔwnin ɲɛm nda puunin niaa o laba-on.

Kundalan 10:2

«Cɔw bulula hɔŋaalan tan tiɔn a volii humbui fɛtufɛtuei. Lan la vanin le sɛ́lɛ́ Israɛlla veeloo a le tɔɔmaseloo nda yɔngoo le dɔ́ɔ́ngɔ́ɔ̀ puusiaa le hiovɔɔ laci ni.

Esai 13:6

Lelan la ŋɔɔcian! Kani paale Mɛlɛka len le co le tiiyaa. Paale len le co hunɔɔ maa kpundɛ. Mɛlɛka Vana-Kpaayaa-Kpow tuisinin len lende ni.

Esai 13:9

La tofa vɔ, paale Mɛlɛka len tiiyaa, paale kpundɛlen, paale kɔltuwlen a paale kɔltuw bɛndulen le co ni. Paale len, lɛŋnden le vanin a mɔnɛi bɛnduei, vanaa lahakia vunin faw.

Esekiɛl 21:12

Taa ɲuna nɔm pɛ aa: ‹Le yɛɛ n co yɛ somisominndo?› A mulul nda aa: ‹Kani yoongoo pum co hunɔɔ, kɔlta vannda kpow la caŋnin, bala vannda kpede la fulanin yoomuan, yiyannda vannda kpow la laasiannin, vula vannda kpede la vunin, yoongu kon co hunɔɔ ni, o tiiya nin bɛɛ. Ya Maalii, ya co Mɛlɛka-o soo nuaa ni.›»

Sofoni 1:7

La mei Maalii, o co Mɛlɛka-o o hɔl kpili, kani paale ndɔlen le co le tiiyaa. Mɛlɛka cii sálàá toosiaa, o cii nin vanaa o veelu le sálà kon-nda dindi.