Yɔɛl 1:4 - BII BILA

⁴ Tɔlɔɔla paaleenda mɛi le tɛɛmbuuo lan, mí sóónɔa tɛɛmbuu lan. La sóónɔa mɛi le tɛɛmbuuo lan, mí selennda tɛɛmbuu lan. La selennda mɛi le tɛɛmbuuo lan, mí dɛlua tɛɛmbuu lan.

Yɔɛl 1:4 Referans Kwoze

Yɔɛl 2:25

I mingulnin niaa ɲɔɔn peelul le vɔsila sóónɔa, selennda, dɛlua a paaleŋaa yáà tuisi niaa coo-a tɛɛmbuu tɔlɔɔlan-ndan mangalaa.

Amɔs 4:9

Mí tuisi nààla latɔlɔɔlan o tɔlɔɔla niaalan coo, mí la foofi. Mí kambalaa sóónɔa dia nakɔla niaalan kpow, má dia nakɔla niaala n'rɛsɛnndan, nakɔla niaala n'voosulan a nakɔla niaala olivieelan. Kɛ a kon kpow, la mùùngú ya o ibuŋ te. Ya Mɛlɛka soo nuaa ni.

Amɔs 7:1

Ɲɛ Maalii, o co Mɛlɛka-o cɔm ya o vundulen nin-ndo yɔŋnun hoo ni: O va sóónɔa taw-taw bɛɛndiaa telen billo kandu muungoo vulɔɔ-o, telen nda kelu bil tasoo le masaa-o hiovɔɔ bil kon koma kandu vulɔɔ ni.

Esai 33:4

Vannda co ɲɛm nda puu niaa o ba o cɔwvo-on cɔwviaa mɛɛ kambalaa-sóónɔa punga tɔlɔɔ o dioo nuaa yɛ, a co mun pungaa a kiltan mɛɛ sóónɔa kundaa dia tɔlɔɔ yɛ.

Condii lisai 78:46

Mó mal tɔlɔɔla ndalan kamballa o ba, mó mal vɛlɛ kɔmnde vali nda tosa-o sóónɔa o ba.

Fulaa 10:4

Taa kɛɛ pɛ le nda malɔɔ, i co siɔdii sóónɔa tuisi o lɛŋnde nɔmnden kpow coo.

Yeremi 51:14

Mɛlɛka-Nɔ-Kpaayaa-Kpow-vo cii mɛnan aa: ‹Te lekɛ́ndɛi Hala ya co ni, i co tosa mì vannda hinul nɔm fili-fili maa n'sóónɔ, mà yonda le nɔm delɔɔ coo a cɔwvo.›

Condii lisai 105:34

Mó soaa vɛlɛ, mí sóónɔa fula a paalennda, vanáà cii nda cɔm te.

2Dɛnnda lemasalan 7:13

Telen ya kindanin halataala mì piɔɔ kɛɛ le siaa-o, telen ya tosanin mì sóónɔa tɛɛmbuu lɛŋnden-ndo, telen ya cuunin nàà halimaa vanaa nia coo-o,

Tɔŋ miingua 28:38

La saŋnin kullon taw o ciɛɔn nin, kɛ la kuwnin ɲɛ bɔɔ le. Kani sóónɔa ciinin mun dio.

Yeremi 51:27

La heelu tɔɔmaseloo o lɛŋnden nin! La hɔŋ buloo vanaa-mangalaa-isɔɔa tɛɛn, mì la mɔɔsiaa vannda le Babilɔn kuello, la yoongu masɛi he le ndu kuello: Ararat, Minni a Askenas. La handu simlacia vanaa cɔwva le vannda diolan sɛvaa le nda cɔlɔbaa. La yɔɔ soa le ndu delɔɔ coo a cɔwvo, mɛɛ sóónɔa kela kunda bɛndoo nuaa yɛ.

1Masaa 8:37

Te yima fofolan ma lueilul nda pɛ o lɛŋnden nin, mì nàà halimaa tol nda coo, te tɔlɔɔlan la ɲɔfɔliaa pɛ mì la foofi, te sóónɔa a kambalaa súú-súù ka luɛi pɛ o lɛŋnden nin, te yaamɔɔa tiila pɛ vanaa nɔmnda o kobila mayoomula ndalan nin mà tiw nda ba, te kpundɛlan a nààla vɔɔnndan la tol pɛ nda coo,

2Dɛnnda lemasalan 6:28

Te yima fofolan, te kon te nàà halimaa tol pɛ o lɛŋnden nin, te tɔlɔɔlan la vesa pɛ, te kon te mì la sɛ isisi o ciɛɔn nin, te sóónɔa a kamballa tol pɛ o lɛŋnden nin, te yaamɔɔa hinul pɛ vanaa nɔmnda o lɛŋnde ndalen nin, mà tiila nda o kobila ndalan nin, te sanga oo sanga, te kon te naa oo naa tol pɛ nda coo,

Tɔŋ miingua 28:42

Kamballa dianin tɔlɔɔla niaalan kpow, mà de vɛlɛ ɲɛm niaa vaanin o ciɛɔn niaan nin-ndon.

Fulaa 10:5

Sóónɔa co hulɔn háá mà kumbu lɛŋnden mɔku-mɔku, vana cinin lɛŋnde fondolen te fɔ nda. Tɔlɔɔ oo tɔlɔɔ loeon mɛi le tɛɛmbuuo, sóónɔa kan co lan dio selemenden. A co vɛlɛ yɔmii co vulɔɔ mí i va hindɔɔ yondoo nin-nde dio kpede.

Malasi 3:11

I ciilunin niaa sóónɔa tɛɛmbuu tɔlɔɔlan-nda. À tɛɛmbuu lɛnin nakɔla niaalan te, rɛsɛŋun niaan pɛngi lɛnin komɔɔ le. Ya Mɛlɛka-Nɔ-Kpaayaa-Kpow-vo dimi lende ni.