Yɔɛl 1:2 - BII BILA

² «Niaa kaasoŋaa kɔlkalua, la yaŋ nilan o sɔɛi he. Niaa co icali o lɛŋnden nden nin-nda, la tuei-yɔ! Vɛ̀ɛ̀ dɛnɛ vaa nuaa tosan nin o paale niaalen, te kon te o palɛi fuɲaa niaa?

Yɔɛl 1:2 Referans Kwoze

Yɔɛl 2:2

Paale maɲumnden a paale ɲumma n'kpungbalen paale len le vanin ni. Paale yumbuyumbulen a paale mɔ́m bɛndulen le vanin ni. Le hunnin mɛ̀ɛ́-mɛ̀ɛ́ ɲɛ-tengaa paale siaa tiw o pembon coo nuaa yɛ. La tofa vɔ! Vanaa-mangalaa-isɔɔa ha, a co sɛ́lɛ́ taw, a nɔ kpaayaa. Kabi masindɛ, vanaa súú vaa lende fula vɔ le, hali o nda kɔɔli, vanaa súú vaa lende fula lɛnin le fɛɛn a fɛɛn te.

Osee 5:1

«Niaa vanaa-solia-lasálàá, la yaŋ nilan o sɔɛi he. Niaa simlacia Israɛlla, la tuei-yɔ. Niaa co o cɛi lemasaa nin-nda bɛɛ, la yaŋnun-ndɔ. Niáà bɛnda le vannda pɛɛkoo le dɛnɛ sandaa tosaa ni. Kɛ mí la yɔŋnun yaŋɔɔlen le yungu ni co Mispa-o, mí la yɔŋnun yala toandaa o pembei Tabɔr coo.

Yeremi 30:7

Àá má cè dɛnɛ palaa! Le sel naa fɔ́! N ci vɔ lepaa maa leen te, telen imɔnɔɔ co hoo le polale Yakɔb len ni. Kɛ nduyɛ ɲɛ-ɲɛ yɔŋnunnin nda le.»

SƐBƐ YƆB-O 8:8

Ɲuuniaa vɔ hau van bɛndua lɔ́ɔ́ kon, mà loonun taasila fuɲaa ndaa mamaa.

Matie 24:21

Kani tuma kon, sanga bɛndoo yɔŋnunnin. Kabi ceendo kandun háá hau, sanga bɛndu vaa lende yɔŋnun-ndɔ le. Nduyɛ sanga bɛndu vaa lende yɔŋnun ndɛnin le fɛɛn a fɛɛn te.

Matie 13:9

Vana nɔ pɛ nilan, mɛɛ ndu tueí!»

Misee 3:9

«Niaa sei! La yaŋnun sɔɛi he, niaa simlacia co cuavaa Yakɔb-a coo-a. Niaa simlacia cuavaa Israɛlla, niaa nɔ nɛyɔn dɛnɛ sandaa mí la va sandei tundɔɔ-a pɛɛn.

Misee 3:1

O kon mí dimi aa: «La yaŋ nilan, niaa simlacia cuavaa Yakɔb-a, niaa simlacia Israɛlla. Vɛ̀ɛ̀ o co niaa le óò bɛnda mí niáà sina dɛnɛ sandaa tosaa le?

Misee 1:2

«Niaa sei! Niaa vannda súúlan kpow, la yaŋnun. Yaŋnun, nɔm lɛŋnden a ɲɛ-ɲɛ co lenin. Maalii, o co Mɛlɛka-o lonin o calta ndɔla diandaalan nin mò kɔɔsal niaa.

Amɔs 5:1

«Òó niaa cuavaa Israɛlla, la yaŋ nilan o sɔɛi he, sɔɛi ya co hee dimio niaa coo-e. Condii dɛnɛ palɛi sɔɛi ken i co ni!

Amɔs 4:1

«La yaŋ nilan ɲɛkɛndɛi o sɔɛi he, niaa navaa laandua Basan, niaa co icali o pembon Samari coo, mì la va vanaa bala fondoa saangiaa a vanaa ikɔɔa mɔnɛi lueiyo-a. La co piaandaa niaa dimullo-a aa: ‹La hun a man mì n kolnun man!›

Amɔs 3:1

«Niaa cuavaa Israɛlla, la yaŋ nilan ɲɛkɛndɛi o sɔɛi he, sɔɛi Mɛlɛka dimi hee niaa coo-e, ì ó dimi hee yungula o soli Esipte lan kpede coo-e. Nuaa o dimi ni aa:

Yɔɛl 1:14

Lelan, la yonda le sumndo biyɔɔ, la veelu vannda le bɔŋan lekaando tosaa. La cuungiaa kaasoŋaa kɔlkalua a vanaa co icali o lɛŋnden nden nin-nda kpow o Cɛi-Mɛlɛka Hala niaa nin, mì la koŋul Mɛlɛka o lani.»

Osee 4:1

«Niaa Israɛlla sei! La yaŋ nilan o sɔɛi Mɛlɛka-e he. Mɛlɛka co kɔɔsɔɔ a vanaa co o lɛŋnden nden nin-nda. Kani vannda co lɛ lo o lediom coo le. Vanakɛndɛyɛi co lɛ le, vana co lɛ Hala sina maa Hala o lɛŋnden nden nin te.

Daniɛl 12:1

«O telen kon nin, Misɛl cannin, Misɛl kon pɛɛn, o co kuubanɔ mɛlɛkaa-o, o co yungu nɔmndo ikɛi le nda mandaa-o. Palɛi ken vanin bɔɔ palɛi sanga bɛnduei. Kabi vanacieo cɔwnun, háá telen kon, sanga vaa lende yɔŋnun-ndɔ le. Kɛ yungu nɔmndo sɔlanin baŋaa. Vanaa diola ndalan la co lasɛvaalan o sɛbɔɔ nin-nda cindanin.

Yeremi 5:21

Niaa vanaa kindu haa lakɔl te-a, niaa vanaa nɔ lakɔl niŋ te-a, la yaŋ nilan! La nɔ hɔltan, kɛ la ci a lan te. La nɔ nilan, kɛ la tui a lan te.›

Esai 34:1

Niaa vanaa-mangalaa-isɔɔa, la sɔɔnguu macɛlu mì la tuei! Niaa vannda súúla yɛ́-yɛ́lan, la yaŋ nilan! Lɛŋnden a ɲɛ-ɲɛ pɛ lecoo, ceendo a ɲɛm co vulɔɔ lecoo-on kpow bɛnda ma yaŋ nilan!

Esai 7:17

«Mɛlɛka tuisinin niaa, vanaa niaa a yungu fuɲa niaa-o palɛi sangɛi coo, kabi polale Efraim-nden le sɛiyan a polale Yuda len, palɛi vaa lende kei-yɔ niaa coo le. Masaa Asiri cuunin niaa kpundɛ kon ni.

Condii lisai 49:1

Condii poaa Kore-a, í fula o condun simlacinɔ vanaa n'condua nin-nde.

SƐBƐ YƆB-O 21:7

Le yɛɛ vanaa kɔlvesɛiya co yɛ yoomu? Le yɛɛ nda sɔ̀la yɛ yoomuan mɛɛ nda kɔa a yuuvaa yɛ?

SƐBƐ YƆB-O 15:10

Vannda co naa tɛɛn a yulunnde, vanaa yuuvɛi-yuuvɛiya, Á hiow fuɲa nɔm viovɔɔ yoomu polon-nda pɛɛn.

SƐBƐ YƆB-O 12:12

Vanaa yuuvɛiya nɔ kɔlkaloo ni, vanaa viaw si-a nɔ sinapɛngoo ni.

Dɛnnda cɔɔmuanndan 2:7

Vana nɔ pɛ nilan, mɛɛ ndú tuéi ɲɛ Kɔl-Diandaa co kundala vanaa laalannda dimullo-o. Vana nɔlanin-ndo, i kenin ndu kɔmnde yɔm ciindaa le dioo, yɔm cindaa co o nakɔ Hala-o nin-ndo pɛɛn.›»