Yɔɛl 1:19 - BII BILA

¹⁹ «Éé Mɛlɛka! Nɔm o lani ya co caŋndo nuaa ni. Kani yinnden le cii bil puiyaa lomɔɔ o dɛɛlala vesɛilan nin, le cii yɔmnde kpow lomɔɔ yondoo nin.

Yɔɛl 1:19 Referans Kwoze

Yeremi 9:10

I minginin Yerusalɛm bémbélan kposon, mì siinguu ndu buulula tunaa yondoa. I tosanin mì kobilan Yuda la lo fondo, vana-vana venin lenin te.»

Condii lisai 50:15

O kon, paale niaa vanin o buulanndo nin-nden, la piɛi ya. I baŋanin niaa, mì la biilu ya.›

Amɔs 7:4

O kon kɔɔli, ɲɛ Maalii, o co Mɛlɛka-o cɔm ya o vundulen nin-ndo yɔŋnun hoo ni: Mí Maalii, o co Mɛlɛka-o va yamɛi kiolɔɔ a yinnden. Mí yinnde len le va soon bɛndu-bɛndu co o lɛŋnden bɛngu-o lomɔɔ.

Misee 7:7

«Kɛ ya, o Mɛlɛka lo kínɛí ya nɔ hɔlla ni, Hala nɔ cinda nuu o ba-o ya tiindan ni, ndu Hala nuu tuɛinin ya diom mò mulul-la.

Luke 18:7

Vɛ̀ɛ̀ Hala kenin vanaa ndɔa o hɛli, ma va ndu piɛiyo idii a icɔl-la di le? Vɛ̀ɛ̀ tamalaa o tamalanin le nda malaa ni?

Yɔɛl 2:3

Yinnden le co kɔlan a ɲɔɔn lomɔɔ nda laci, yelenyelenndo co kɔlan a ɲɔɔn siowvo cuuloo mungén nda kɔɔli. Paandu, lɛŋnden le vannun maa nakɔɔ Edɛn, kɛ kabi nda luɛi lenin, le siŋnun lɛŋnde veselɛile imɔnɔlen. Ɲɛ-ɲɛ helun nda le few.

Condii lisai 91:15

Taa piɛi pɛ ya, i mululnin nɔm. O sangaa nin bɛɛ, i vanin nɔm ikɛi. I baŋanin nɔm mì ke nɔm bɛɛlen.

Luke 18:1

Mí Yeesu dimul kaandeŋaa ndɔa taloo le nda cɔmndo maa o bɛnda mà va Hala piɛiyo lɔ́ɔ́-lɔ́ɔ̀, maa a vu n'dial te.

Yeremi 14:4

Lɛŋnden le piɔsi nɛɛ-nɛɛ ka fee, kani piɔɔ co sia lecoo le. Le hee, vanaa vàá co buulanndo, a co hɔlla vionɔɔ.

Amɔs 1:2

Mi Amɔs dimi aa: «Mɛlɛka co kuuliaa Siɔn. O co yoondiaa Yerusalɛm a labɛɛla kpeekpei! Bil puiyaa vanaa mandaa n'cɔlua vesan, yondo puiyaa vesan o pembei Karmɛl tullo!»

Yeremi 3:9

A kela ndɔ vɔɔndo, mí Israɛl nɔɔliaa lɛŋnden o piɔmnda sooloo nin, piɔmaa lapowva a piɔmaa iyɔmnda.

Yeremi 9:9

I yeema mi caŋ, mi cɛɛŋun o pembon coo, mi soli condii biisiei o dɛngbɛla vesɛila co o lɛŋnden nin-ndan coo, kani la ŋɔɛ, vana-vana co lɛ kei lon te, vana tui lɛ cɔlua kundaa diom lon te. Yowva coocoo a visia yondoa piow lon few-few.