Yɔɛl 1:15 - BII BILA

¹⁵ «Kpòkóó dɛnɛ! Má cè paale bɛndu dɛ! Paale Mɛlɛka len le co le tiiyaa. Maa mɛɛ Vana-Kpaayaa-Kpow tuisi kpundɛ tɛɛmbua bɛndoo vannda coo nuaa yɛ, lende paale len le hunnin ni.

Yɔɛl 1:15 Referans Kwoze

Yeremi 30:7

Àá má cè dɛnɛ palaa! Le sel naa fɔ́! N ci vɔ lepaa maa leen te, telen imɔnɔɔ co hoo le polale Yakɔb len ni. Kɛ nduyɛ ɲɛ-ɲɛ yɔŋnunnin nda le.»

Yɔɛl 2:11

Mɛlɛka mal diom ndɔɔ kpélén vanaa cɔwva laci. Vanaa ndɔa cɔwva co sɛ́lɛ́ taw-taw. Kani vana co sɔɛi o dimi-e tosaa-o nɔ kpaayaa taw. Bau paale Mɛlɛka len le co bɔɔ paale bɛndu. Le co bɔɔ paale kpundɛle bɛndu. Nɛ̀ɛ́ nɔla yɛnin mò yulu dɛnɛ kon paale len?

Dɛnnda cɔɔmuanndan 6:17

Kani paale bɛndule kɔltuw ndaa le tiiya, nɛ̀ɛ́ nɔla yɛnin simndan?»

Nsaki 5:9

Puapilɛa, sɔɔn pɔmbɔn va niaa tɛɛn te, yɔŋii niaa sɔla yaalaa. La tofa vɔ, vana kialaa iyamaa co isisi o dio.

Condii lisai 37:13

Kɛ Maalii co vana kɔlvesɛi kon mamɔɔ, kani o co cɔu maa paale ndɔlen le co tiiyaa.

Yeremi 46:10

Le Maalii Hala paale len le co ni, le Maalii Hala-Nɔ-Kpaayaa-Kpow-vo pɛɛn. Paale mingiaa maa len le vanin nden ni, o mingulnin yaamɔaa ndɔa maa. Mɔɛi cɔwve tosanin dɛnɛ mì i pim ca, kooma vanaa kan ma biinin ndi maa mamɔi. Sálàá vanin kon le Maalii ni, Mɛlɛka-Nɔ-Kpaayaa-Kpow-vo pɛɛn, o lɛŋnde ba luaŋ-nden nin, o peo Efrate kɔngɔ.

Esekiɛl 30:3

Kani paale len le cɛn tiiyaa, paale Mɛlɛka len le bendu lɛ le. Paale yumbuyumbu bɛndulen a paale vanaa-mangalaa-isɔɔa le vanin ni.

Abdia 1:15

Kani paale Mɛlɛka kialunin yamɛi vanaa-mangalaa-isɔɔa kpow len le co nin le tiiyaa. A tosalnin niaa mɛɛ niaa tosal caanda yɛ. Yɔŋ vɔɔn niaa tosa-o mingulunnin niaa.»

Sofoni 1:7

La mei Maalii, o co Mɛlɛka-o o hɔl kpili, kani paale ndɔlen le co le tiiyaa. Mɛlɛka cii sálàá toosiaa, o cii nin vanaa o veelu le sálà kon-nda dindi.