Yɔɛl 1:14 - BII BILA

¹⁴ Lelan, la yonda le sumndo biyɔɔ, la veelu vannda le bɔŋan lekaando tosaa. La cuungiaa kaasoŋaa kɔlkalua a vanaa co icali o lɛŋnden nden nin-nda kpow o Cɛi-Mɛlɛka Hala niaa nin, mì la koŋul Mɛlɛka o lani.»

Yɔɛl 1:14 Referans Kwoze

Yonas 3:8

Naa kpede n bɛnda mì n vownun volɔɔla dɛnɛ palaalan. Mì vana-vana piɛi Hala a kpaaya ndɔɔ kpow, mì vana-vana mangala kela ndɔ vɔɔndo a kɔlvesɛi o co tosaa-o.

2Dɛnnda lemasalan 20:13

Vanpiaandua Yuda kpow, handɔɔ laandaa ndaa a á cuavaa ndaa coo a va isisi Mɛlɛka o hɔl.

Tɔŋ lasálàá 23:36

O palɛi ŋɔmmɛvii ken nin, la bɛnda mì la va ya sálàlan solullo lepalaa-lepala, mì la va lan lomɔɔ o yin. Paale ŋɔmaandɔlen, la bɛnda mì la bɔɔŋian le ya biiloo, mì la lum ya sálàá o yin. La tósà ɲinkon baala niaa tosà paandu-o le.

Nehemi 8:18

O palɛi kafoei kpow nin, kandɔɔ o paale taselen háá o paale mɛɛlaalen, a va bungɛi ipilɛ dimio o sɛbɛ tɔŋ Hala-o nin maa mɛɛ o sɛvan yɛ. Mí kafoo tosan o palɛi ndii ŋɔmmɛw bɛngu. O paale ŋɔmaandɔlen coo, má tosa bɔŋan lekaando mɛɛ ndóò sɛvan yɛ.

2Masaa 10:20

Mí Yehu dimul nda aa: «La yoongu vannda le bɔŋan bɛndoo biyɔɔ le Baal.» Má bii bɔŋanndo.

Ɛstɛr 4:16

«Kɔ cuungiaa Yuifia co Suse-a kpow nɛɛ pilɛ, mì la bii sumndo le ya, la dia ɲɛ-ɲɛ le, la kol te, háá palɛi ndii yáá, niinoo a lɔan. Ya bɛɛ, i biinin sum pilɛ kon naa buɛyaa nia laandua. O kon kɔɔli, i kɔanin o masaa lo, hali tɔŋndo co bɛɛ o yiyaa lende. Te vu ni, i kɔ vu.»

Yeremi 36:9

O vɔsi ŋuɛɛnundɔ Yehoyakim po Yosia-o va o masalen coo Yuda-o, o paangii ŋɔmahiɔɔlundɔɛi, má yonda le sumndo biyɔɔ Mɛlɛka o hɔl, le vannda Yerusalɛm kpow a le vanaa fula o kobila Yuda lan nin má hun Yerusalɛm-nda kpow.

Yɔɛl 1:2

«Niaa kaasoŋaa kɔlkalua, la yaŋ nilan o sɔɛi he. Niaa co icali o lɛŋnden nden nin-nda, la tuei-yɔ! Vɛ̀ɛ̀ dɛnɛ vaa nuaa tosan nin o paale niaalen, te kon te o palɛi fuɲaa niaa?

Yonas 3:5

Mí vannda Ninive laalan diom Hala-o. Má hivi yondaa, mí vana-vana bii sumndo, vanaa bolofaa, vanaa bala fondoa, mí nda kpow a vownun volɔɔla dɛnɛ palaalan.

Sofoni 2:1

«Éé niaa vanaa nɔ haa lasiɛmbu le-a! La muungu o niaa pila nin. La mɛɛndian kɔlta niaalan,

Yeremi 14:2

«Vannda Yuda co o mɔnɛi nin, kobila ndalan la co yɛɛvɔɔ dɔwnɔnndo, a co a hɔlaa yiyaa icali lɛŋ. Yerusalɛmnda co koŋullo, mì diom ndaa va kɔlan háá o halataala.