Yɔɛl 1:13 - BII BILA

¹³ «Niaa vanaa-solia-lasálàá, la vownun volɔɔla biisilan mì la caŋ taw. Niaa co sálàlan solio o fonda-loamaa-lasálàá coo-a, la hiiliaa hiko-hiko a caŋndo. Niaa co baalaa tosaa le Hala nuu-a, la hun lɔl a volɔɔla biisilan lekɔɔ. Kani sálà co lɛ hunɔɔ o Cɛi-Hala niaa nin te, sálà mamɔi co lɛ hunɔɔ lenin te.

Yɔɛl 1:13 Referans Kwoze

Yeremi 4:8

Lelan, la vownun yalala yuululan mì la koŋul, mì la hiiliaa, kani kɔltuw Mɛlɛka-o bindunin niaa le.›

Yɔɛl 2:17

Vanaa-solia-lasálàá co Mɛlɛka baalaa tosallo-a bɛnda mà sim o tongo-sɛmtɔɔ a fonda-loamaa-lasálàá tɛɛn mà caŋ taw. Mà piɛi nuaa aa: «Éé Mɛlɛka! Tuinin vanaa nɔmnda iɲíí, yandi. Tuisì vanaa co kɛ́ nɔmndo-a siɛmbulan te, yɔŋii vanaa-mangalaa-isɔɔa mam nda. Vɛ̀ɛ̀ ma tosa mì vannda ɲuna vanaa súúla celennda tɛɛn aa: ‹Kuɛɛ nɛ Hala ndaa co yɛ?›»

Esekiɛl 7:18

A vownunnin volɔɔla yuululan, misimisio biinin nda má ɲiiya. Siɛmbulan la biinin nda kpow, a sendinnin tembeltan kpede.

Yeremi 9:10

I minginin Yerusalɛm bémbélan kposon, mì siinguu ndu buulula tunaa yondoa. I tosanin mì kobilan Yuda la lo fondo, vana-vana venin lenin te.»

1Masaa 21:27

Lɔ́ɔ́ Akab tuei sɔɔn Mɛlɛka-n Elii tɛɛngul ndu mun-ndon-ndo, mó sɛɛsian volɔɔlan lekɔɔ, mó vownun bɔlɔla yuululan, mó bii sumndo. Mó va lɔan a bɔlɔla yuulula lan lekɔɔ, mó muungu kɔlan duɛɛn-duɛɛn.

2Korɛntea 11:23

Hee ndi maa vana seemɛi kpeekpei ya co ndi dimi ni. Vɛ̀ɛ̀ vanaa baalaa Krista-a nda co ni? Ya, i hiow nda o nɛi kon coo, kani i kei o sangalan taw nin mí hiaw nda, a mal-la o kaasoolan taw mí hiaw nda, i sɔla lɔɔ hiovɔɔ o nda sɔla-o. Mbɔ̀ piɔ́mndo bindibindi ya bɔɔ!

2Korɛntea 6:4

Kɛ o dɛnndan nin kpow, n co vannda cɔmndo maa vanaa baalaa Hala-a lekɛ́ndɛi naa n co ni: n co sangalan biwnɔnndo taw, sɔɔn imɔnɔn a sɔɔn yɔngu vana buulannda bɛndulan-ndon.

2Korɛntea 3:6

Kani ndu siinguu naa vanaa baalaa kpema sɛnɛiya ni. O co le tɔŋ sɛvanndo le, kɛ le Kɔl-Diandaa. Kani sɛbɛ sɛvaa ndu, diyɔɔ o dii ni, kɛ Kɔl-Diandaa ndu, yoomoo o yɔngu vana ni.

1Korɛntea 9:13

Niaa pila sínà maa vanaa co baalaa o Cɛi-Hala-o nin-nda, o cɛi kon nin koni nda sɔla ɲɛdiaa ndaa ni. Vanaa co sálàlan solio o fonda-loamaa-lasálàá coo-a bɛɛ, o sálàla lan nin ɲɛ nda diaa fula ni.

1Korɛntea 4:1

Lelan mɛɛ mì la ce naa maa vanaa baalaa Krista-a a vanaa bɛnda maa cɔm sɔɔn vianaŋun Hala-on-nda.

Esai 61:6

Kɛ niaa niaa, a veelunin niaa aa vanaa-solia-lasálàá Mɛlɛka-a. Vannda diminin aa la co o vali Hala niaa nin. La dianin ɲɛ-sɔlaa vanaa-mangalaa-isɔɔa, mì la cal o bolofaa ndaa coo.

2Samiɛl 12:16

Mí David tɛɛlun Hala le poombɔ kon, mó va sumndo biyɔɔ. Tuma o muungu o ndu lo cɛinin-ndo, mó lɔl pii ihini lɛŋ.

Kundalan 29:6

Sálàla lan la handunnin o sálà loamaa solin o paangei kandɔɔ-o a o sálà mamɔi ndɔɔ coo ni. Ndu koni handunnin vɛlɛ o sálà solin lepalaa-lepala-o, o kpeyan sálà kon a o sálà ndɔ mamɔiyo coo ni, maa mɛɛ falennde co le dɛnɛ kon yɛ. Sálàla ŋɔa o yin le ya Mɛlɛka lan la co lan ni, la ya tuɛi cun mì ɲɔɔ hɛnan ya lan.»

Dɛnnda cɔɔmuanndan 11:3

I viamnin seyaa nia ŋiɔnda, a vanin a volɔɔla dɛnɛ palaalan lekɔɔ, mà tɛɛnguu diom nda sɔla Hala o ba-o o palɛi vàá pilɛ kɛmɛ lediin belaŋɔmpumii (1 260) ken bɛngu.»

Esai 22:12

Lelan, o paale len coo, Maalii, Mɛlɛka-Nɔ-Kpaayaa-Kpow-vo ndóò tosanin mí niáà caŋ, mí mɔnɛi ndíì luɛi niaa, mí niáà sendin tembeltan, mí niáà vownun volɔɔla nɔɔlɛilan.

Esekiɛl 21:12

Taa ɲuna nɔm pɛ aa: ‹Le yɛɛ n co yɛ somisominndo?› A mulul nda aa: ‹Kani yoongoo pum co hunɔɔ, kɔlta vannda kpow la caŋnin, bala vannda kpede la fulanin yoomuan, yiyannda vannda kpow la laasiannin, vula vannda kpede la vunin, yoongu kon co hunɔɔ ni, o tiiya nin bɛɛ. Ya Maalii, ya co Mɛlɛka-o soo nuaa ni.›»

Osee 9:5

Yɛɛ niaa tosa yɛnin o paale bɔɔŋian lekaando coo a o paale kafole Mɛlɛka len coo?

Yɔɛl 2:14

Nɛ̀ɛ́-nɛ̀ sina yɛ te Mɛlɛka muungunin mò mangala yiyanndo le? Nɛ̀ɛ́ sina yɛ te o mɛinin duaa ndu kɔɔli mì la nɔla le Mɛlɛka Hala niaa sálàla kpeyanndan a sálàla mamɔilan solullo le?

Kundalan 28:4

Ma soli sálà idiiyo a ò pilɛ, ma soli sálà paale delaa a o pilɔɔ.

Kundalan 28:7

Mì la handu vɛlɛ sálà mamɔiyo lecoo, mɔima kɛndɛ-kɛndɛan litilio o pilɛ a tálá le saa téndé tasoo, o Fonda-Diandaa nin mɔima man ma bɛnda ni mi ma yɔngun Mɛlɛka.

Kundalan 28:14

Sálàla mamɔila bɛnda mì la fula a cɔlua kan latulu lan la co lan ni: mɔiyan litililan layàá le naw tovaa o pilɛ, latiɔn le saa kóndóó o pilɛ, o pilɛ a tálá le saa téndé nɔ vɔsio pilɛ-o. Sálà kandaa ipaangoo co kon ni. O vɔsio kpow nin, sálà kon niaa bɛnda ni mi la va solio o ipaangu oo ipaangu kandɔɔ.

Esekiɛl 27:31

A sendinnin tembeltan le nɔm, mà vownun volɔɔla biisilan. A caŋnin nɔm coo a mɔnɛi bɛnduei o lakɔl, mà somisomin taw.

Yɔɛl 2:12

Mɛlɛka dimi aa: «Lelan nihau, la muungu ya o ibuŋ. La muungu ya o ibuŋ a kɔlta niaalan kpow, a sumndo biyɔɔ, a caŋndo a á cɛɛŋɔnndo.»