Yɔɛl 1:12 - BII BILA

¹² Nakɔla n'rɛsɛnndan la vesan sɛ́ɛ́n, voosoei ɲɔfɔliaa. Krenadiei, vawvan, pomiee a yɔmnde yondoo nin kpow i vesa. Kɔlkɛndɔɔ ɲum vanndacieea tɛɛn.»

Yɔɛl 1:12 Referans Kwoze

Esai 24:11

Vannda co yoondiaalan o nɛilan coo le mɔiyan sɔlaa, kani mɔima co lɛ hali ɲɛ-pɔmbɔ le. Kponyo kɔlkɛndɔɔ kpow cuu, ɲaaloo vɔɔsun o lɛŋnden nin few-few.

Esai 16:10

Kɔlkɛndɔɔ a ɲaaloo cuu o yondola niaalan nin, condun co lɛ solin o nakɔla n'rɛsɛnndan nin te, kponyo kɔlkɛndɛ co lɛ lenin te! Vanaa kiandaa n'rɛsɛnnda co lɛ rɛsɛnndon nɛw le mɔiyan solio o doolala mamɔila niaalan nin te. I kpaa yoondiaala kɔlkɛndɛlan mí la ɲum pɔ́lì.

Yɔɛl 1:16

Vɛ̀ɛ̀ o co naa o hɔl te nda puu baloo naa o ba le? Vɛ̀ɛ̀ a tɛɛmbuu kɔlkɛndɔɔ a ɲaale va o Cɛi-Hala naa nin-ndo le?

Yɔɛl 1:10

Ciɛɔn cuu itambu, lɛŋnden le luɛi kɔsɔ, kani maalon tambu, mɔima n'rɛsɛmma sɛnɛiyan ma co lɛ le. Hali cuɛilen tue bɛɛ le co lɛ le.

Condii kɛndɛ-kɛndɛi 2:3

«Mɛɛ yɔm pomiee co yɔmnde tɛɛn o bundɔɔ nin yɛ, lende koni vana ya kaola hoo-o co felengia piaandua tɛɛn ni. Ɲɔɔ hɛnan ya le calle o vundule ndɔlen bɛngu, kɔmnde ndɔlen le yeela ya o sondo taw.

Aasee 2:19

Vɛ̀ɛ̀ ɲɛ lo lɛ pá o lakonda? Nakɔla n'rɛsɛnnda, nakɔla n'buumbuulan, nakɔla krenadieelan a nakɔla olivieelan la co lɛ komɔɔ le. Kɛ kandɔɔ hau, i co niaa duaa nuu tuisi coo.»

Yeremi 48:33

Ɲaale bɛndoo cuu o nakɔla co o lɛŋnde Moab len nin-ndan nin. I cii mɔiyan veeliaa o doolala mamɔilan nin. Vana co lɛ le rɛsɛnndon nɛw le, condun ndáà soli o doolalan-ndon n mei kpili.

Yeremi 48:3

Yeelan la co sɔɛi Horonaim aa: ‹Ɲɛ-ɲɛ cuu itambu, aa mɔnɛi taanin!›

Esai 9:3

Kani yɔm lebol va nda lusullo o lebol-lo, tinda nda va nda kɔɔlan lɔɔ-o, sionnde va vana va nda soŋɔ̀ɔ́-o o ba len, nɔm a yimi ɲɛm mun kpow maa paale Madiannda bumba má sɔɔndian-nden.

Condii kɛndɛ-kɛndɛi 4:13

Tɛiyun nɔmndon co nakɔla krenadieela nɔ kɔmnde kɛndɛ-kɛndɛlen ndan ni. Yɔmii henee a yɔmii naar-e co lenin,

Condii lisai 92:12

I co yaamɔɔa cɔu tambei, i co vanaa yɔŋ vɔɔnda tueyɔɔ cɛɛŋɔnndo.

Condii lisai 4:7

Vanaa bɔɔ-bɔɔ co ɲunaa aa: «Nɛ̀ɛ́ cɔm yɛnin naa dɛnɛ kɛndɔɔ?» Éé Mɛlɛka! Tuisi ɲɛ-tengaa hɔlaa nɔmnda naa coo.

Kundalan 13:23

Mɛɛ nda tiiya o dɛɛla bɛndoo Ɛskɔl nin, má kialu lɛvi rɛsɛn tumndo, rɛsɛnndon va lon kpɔ̀nyɔ̀ɔ́. Le tùú kpɔ̀nyɔ̀ kon ndóò lusul taw-vo, má landu ndu o yɔmndo, mí vanaa ŋiɔn cua ndu. Má cua vɛlɛ krenadeon a buumbun koaman.

Esai 24:7

Mɔima yɛngian ma co a mɔnɛi, kani tumnda n'rɛsɛnndan la luɛi kɔsɔ. Vanaa va a ɲaaloo-a kpow a lo a yeemɛi.

Yonas 4:7

Kɛ diimandɔɔ idiiyo púŋ, mí Hala cuu dɛloo pum, mó dia yɔm kon, mí yɔmndo vesan sɛɛn.

Malasi 3:11

I ciilunin niaa sóónɔa tɛɛmbuu tɔlɔɔlan-nda. À tɛɛmbuu lɛnin nakɔla niaalan te, rɛsɛŋun niaan pɛngi lɛnin komɔɔ le. Ya Mɛlɛka-Nɔ-Kpaayaa-Kpow-vo dimi lende ni.