SƐBƐ YƆB-O 1:5 - BII BILA

⁵ Te ndáà balu pɛ diolan lende pindo, Yɔb ndóò veelu cuavaa ndɔa kalaa, ndóò dindi nda. Idii púŋ, ndóò pena cɔnɔn, ndóò soli sálà loamaa le nda a pilɛn-pilɛnnda Kani nuaa ndóò dimi ni aa: «Bɔɔle poaa nia tosa hakio pum. Bɔɔle a dimi diomnde tanalen a Hala o kɔlta ndalan nin.» Lende Yɔb ndóò tosa lɔ́ɔ́-lɔ́ɔ̀ ni.

SƐBƐ YƆB-O 1:5 Referans Kwoze

SƐBƐ YƆB-O 42:8

La nuwviaa niko navaa tovaa nda ŋɔmmɛw a saa kóndóa nda ŋɔmmɛw, mì la kɔ komal vana ni baalaa Yɔb. Mì la soli cɔlua kan sálà loamaa le tɛɛmbuu niaa tɛɛmbuu-o. O kon, mì vana ni baalaa Yɔb piɛi, mó ɲuna hakio malɔɔ le niaa. I cɛlnin piɛile ndɔle len a kɔlkɛndɔɔ mì mal sanga yáà tuu le niaa tuisio coo le diɔmii niɛi-yo, kani la dimi sɔɛi nii a toɲaa maa vana ni baalaa Yɔb le.»

O Kandɔɔ 8:20

Mó cɔaw fonda-loamaa-lasálàá le Mɛlɛka sálàá solullo lecoo. Mó cua visia diandaa yɛ́-yɛ́a a yovaa diandaa yɛ́-yɛ́a, mó soli sálà loamaa a cɔlua kan o fonda-loamaa-lasálà kon coo.

SƐBƐ YƆB-O 8:4

Te dɛnɛ hakio cuavaa nɔmnda tosa a ndu ni, mɛɛ dɛnɛ vɔɔn ndaa tuisi hee nda coo ni.

1Samiɛl 16:5

Mí Samiɛl muli aa: «O co sɔɛi vɔɔn te. Sálàá ya hin Mɛlɛka solul ni. Niaa bɛɛ la co a veelaa. La dindin, mì la sɔɔnguu ya ikɛi le sálàá.» Mí Samiɛl dimul vɛlɛ Yisai nda poaa ndɔa maa a dindin le sɔɔnguuo le sálà kon.

Efɛsea 6:18

La piɛi Hala telen oo telen. La va piɛile súú-súù ka a tɛɛlɔnnda súú-súù ka tosaa a kpaaya Kɔl-Diandaa. Lelan, la mɛɛndian mì la kindin o ken coo taw. La piɛi le vanaa diandaa kpow.

Dɛnnda kiilaa 8:22

Lelan, mal yiyan vɔɔn n nɔ hoo-o, mà piɛi Mɛlɛka, o kon te o nɔla pɛ tosan, mò mal nɔm haki le yiyan n sɔla ho o kɔl-lo.

1Masaa 21:13

Mí vanaa fondoa ŋiɔŋaa kan hun sim Nabɔt o hɔl, má kandu ndu sɔɔn ɲiinduuo coo vannda kpow o hɔl aa: «Nabɔt dimi sɔɔn tanan a Hala a á masaa!» Má kɔa a ndu o cieo kɔɔli, má vii ndu a powtan, mó vu.

1Masaa 21:10

O kon mì la kɛsi ndu vanaa fondoa nda ŋiɔn laci, mì vanaa kan ɲiinduu ndu còòlan coo aa o dimi sɔɔn tanan a Hala a á masaa. O kon kɔɔli, la soli ndu o cieo kɔɔli, la kɔ vii ndu a powtan háá mo vi.»

O Kandɔɔ 22:3

Diimandɔɔ, mí Abraham pena cɔnɔn idiiyo púŋ, mó bɛɛndiaa ɲɛ-calaa o sofɛlɛ ndɔɔ coo, mó cua buɛyaa ndɔa nda ŋiɔn a Isaak po ndɔ, mó tɛɛndiaa yɔmnde le sálà loamaa kɔlan solio. Má bii nɛiyo le kɔlan o fonda Hala cɔm ndu-o.

1Korɛntea 4:5

Lelan, la kialu vɔ ɲɛ-ɲɛ iyama le, háá mì telen kelun-ndo tiiya. Maalii hin pɛ, o solinin dɛnnda co o ɲumndan nin-ndan ceen, mò cɔm yiyannda co vannda o lakɔltan. O kon vana-vana sɔlanin biilu ndɔɔ fulaa Hala o ba.

Dɛnnda kiilaa 21:26

Diimandɔɔ, mí Pol kɔa a vanaa hiɔɔlua kan, mó tosa faleŋii dindiannde nda ndaa. O kon kɔɔli, mó kɔa o Cɛi-Hala-o, mó dimul nda telenndo a palɛi dindin kon va cuvɔɔ-e, kon co ni maa telen vana-vana oo bɛnda le sálàá solio-o.

Luke 18:7

Vɛ̀ɛ̀ Hala kenin vanaa ndɔa o hɛli, ma va ndu piɛiyo idii a icɔl-la di le? Vɛ̀ɛ̀ tamalaa o tamalanin le nda malaa ni?

Nsaŋ 11:55

Kafo Yuifia va nin kpɛɛlun, kafo-hiavaa-coo pɛɛn, mí vanaa bɔɔ-bɔɔ a va fulaa o cieon pɔmbɔn a o kobila tɔ̀lan nin, má va kɔlan Yerusalɛm le dindinndo.

Luke 1:75

haliko mi n va vanaa diandaa a vanaa sandaa ndu o hɔl o palɛi naa n co yoomu-e nin kpow.

Yeremi 4:14

«Yerusalɛm, dindin kɔl, haliko ma sɔla cindaa. Háá telen kuɛɛ kpeekpei n solin yɛnin yiyannda vɔɔnndan o kɔl?

Vana Kɔlkaloo 9:10

Ɲɛ-ɲɛ ba nɔmndo nɔla pɛ tosaa, tosa ndu a yoomuma nɔmndan kpow. Bau nɛɛ n kɔanin ciee-piɔ́m-nda, vana tiwba ɲɛ-ɲɛ tosa lon te, vana tiwba yiyanndo lon te, kɔlkalu co lon te, dɛnɛ sinaa co lon te.

Condii lisai 5:3

Éé Hala nuu, Masa nuu, tuei veelu ya co nɔm-ndo! Nɔm ya co piɛiyo nuaa ni.

SƐBƐ YƆB-O 41:25

Ɲɛ-ɲɛ sulan a N'Yalɛ́iyo o lɛŋnden coo le. Toosian o toosian-ndo, ɲɛ-ɲɛ nɔla ndu isiòòn luei le.

SƐBƐ YƆB-O 27:10

O dɔawnun pá ɲaale Ó-Hiow-Kpaayaa-Kpow-vo o ba? O piɛi pá ndu telen oo telen?

SƐBƐ YƆB-O 2:9

Mí laa ndɔ dimul ndu aa: «Vɛ̀ɛ̀ ma lo vɔ o sakpoyɛi nɔmnde coo tuŋ? Dimi diomnde tanalen a Hala haliko ma vi.»

SƐBƐ YƆB-O 1:11

Kɛ siɛndi vɔ hau baa, mà tɛɛmbuu ɲɛ-ɲɛ o nɔ. Lekɛndɛ, o co diomnde tanalen dimi a nɔm.»

Nehemi 12:30

Mí vanaa-solia-lasálàá a leviia dindin, má dindi vɛlɛ vannda, a koŋndan, a kpaki kobio.

Fulaa 19:10

Mí Mɛlɛka dimul Moise aa: «Kɔ ma kɔ dimul Israɛlla aa a bɛnda mà dindin kandɔɔ hau háá siɔdii, mà tɔ́ɔ́ vɛlɛ volɔɔla ndala cuɛinanndan.

Fulaa 18:12

Mɛɛ Yetro cii Hala sangala lende, mó solul ndu sálà loamaa a sálàla celen. Mí Aarɔn a kaasoŋaa kɔlkalua o Israɛlla tɛɛn kpow a dia ɲɛdiaa diandaa kon Hala o hɔl nda lefoo Moise-aa latulu.

O Kandɔɔ 6:5

Mí Mɛlɛka ca maa kɔlvesɛi vanndacieea va hiovɔɔ laci o ceendo coo tuŋ, mó ca maa lepalaa-lepala, yiyannda vɔɔnnda va nda o lakɔl-tan la va nda lueiyo o dɛnɛ vɔɔndo nin.

2Korɛntea 11:2

I kaola niaa mì va paŋalaa le niaa, Hala o ba kon co fulaa ni. Kani i dɔw niaa fulu le vanapɔnɔɔ ndu pilɛ kpé, Krista pɛɛn, haliko mi la kɔ fula ndu o hɔl maa felengi sina vɔ dɛnɛ vanapɔnɔ loo, o dendu Mɛlɛka o hɔl-lo pɛɛn.

1Masaa 18:31

Mó cua powtan tɔ́ a latiɔn mɛɛ polama poaa Yakɔb-a ma va yɛ. Yakɔb, o Mɛlɛka ndóò dimul maa a veelunin ndu aa Israɛl-lo pɛɛn.

Fulaa 24:5

O kon kɔɔli, mó viam langbaa Israɛlla pum le Mɛlɛka sálàla loamaalan solullo, a le ndu sálàla kɔlɲululan solullo a navaa tovaa.

SƐBƐ YƆB-O 1:4

Poaa ndɔa ndáà dema kafolan tosa o la nda lo cɛinin vellaa-velle. Ndáà cii pɛ kafoo tosa o ò pilɛ lo ndáà kɔ tosa vɛlɛ o ò celen ndo. Ndáà cɛn pɛ kɔlan, ndáà yoongu yemaa ndaa yáá-a le kɔlan dioo a kolɔɔ latulu.

SƐBƐ YƆB-O 6:14

Vana co o sangaa nin-ndo bɛnda mò sɔla ɲííye tuinɔnndo caan ndɔ o ba, hali o va bɛɛ maa o nɔ lɛ siòòŋii Vana-Kpaayaa-Kpow le.

Esekiɛl 14:14

te vanaa yáá-a ha: Noe, Daniɛl a Yɔb a va pɛ nda tɛɛn, nda pila kínɛí baŋanin yoomula ndalan le dɛnɛ nda sandaa ni. Ya Maalii, ya co Mɛlɛka-o soo nuaa ni.