SƐBƐ YƆB-O 1:3 - BII BILA

³ Ndóò nɔ saa vàálan tan ŋɔmmɛw (7 000), ɲɔɔmɛɛa vàálan tan yáá (3 000), nawva vàá pilɛ (1 000) a sofɛlɛa laandua kɛmɛ leŋuɛɛnu (500). Ndóò nɔ vɛlɛ buɛiya taw-taw. Ndu vannda ndáà hiow bɛɛlen ke o tàndá va a ba paalen le can-ndo-o nin ni.

SƐBƐ YƆB-O 1:3 Referans Kwoze

SƐBƐ YƆB-O 29:25

Ya va nda simndan laci le nda nɛiyo cɔmndo ni, maa masa ya va vanaa ndaa cɔwva tɛɛn ni, maa vana ɲɔɔlu vanaa va o kɔltambɛiyo nin-nda ya va nda tɛɛn ni.›»

SƐBƐ YƆB-O 42:12

Mí Mɛlɛka dɔaw ceen tɔ̀ Yɔb-o duaa hiovɔɔ ceen ndɔ tasoo coo. Mó sɔla saa vaalan tɔ́ a lahiɔɔlu (14 000), ɲɔɔmɛɛa vàála ŋɔmpum (6 000), nawva vàála tiɔn (2 000) a sofɛlɛa laandua vàá pilɛ (1 000).

Masaa kialaa n'yamaa 6:3

Te Israɛlla ndáà saŋ pɛ maalon o ciɛɔn ndan nin, Madiannda, Amalɛkea a vanaa fulaa a ba paalen le can-ndo-a ndáà hun del nda coo a cɔwvo.

Kundalan 23:7

O kon, mí ndu Balaam soaa o ɲamakalalen nin aa: «I va Aram mí Balak veelu ya nanu. I va o tàndá n'pemboo nin nɛɛ paalen le can-nda, mí masaa Moab cuu ya nanu. Mó dimul-la aa: ‹Hun dow ya polale Yakɔb len danga, hun ma hun vueinun Israɛlla le ya.›

Talelan 10:22

Duaa Mɛlɛka-o kínɛí siinguu vana vana bolofaa ni. Kindikindin vanacieo cɔɔlu ɲɛ-ɲɛ lecoo le.

O Kandɔɔ 12:16

Le Sarai kon, mí Faraɔnnɔɔ tosal Abram dɛnɛ kɛndɔɔ taw. Mó fanda ndu saa, cuinnda, nawva, sofɛlɛa laandua a à piaandua, buɛyaa laandua a ɲɔɔmɛɛa.

O Kandɔɔ 12:5

Mó cua Sarai laa ndɔ a Lɔt po pɔmbɔ ndɔ-o, má kɔa a ɲɛ-ɲɛ sɔlaa va nda o ba, má kɔa vɛlɛ a cɛa ndáà pendu Haran-nda. Mɛɛ nda tiiya o lɛŋnde Kanaan-nden nin,

O Kandɔɔ 29:1

Mí Yakɔb faŋan nɛɛ o lɔ́l-la, mó bii nɛiyo le kɔlan o lɛŋii co a ba paalen le can-nde-e nin.

O Kandɔɔ 13:6

Le hee, ndáà nɔla lɛ calle nda ŋiɔn o tàndá pilɛ nin mì tàndá kon ndóò tiw nda le. Kani cɔlua vá nda o ba taw.

2Dɛnnda lemasalan 32:29

Mó tangul kobilan le ndu pila, mó sɔla vɛlɛ cɔlua pɔmbɔa a à bana-banaa taw, kani Hala ndóò ke ndu bolofaa taw.

2Dɛnnda lemasalan 26:10

Mó tangul vɛlɛ cɛila coocoolan o lɛŋnde veselɛilen nin, mó toaw soonnda mamɛnndan taw, kani ndóò nɔ cɔlua taw o dɛɛlalan nin a o dɛngbɛlan nin. Ndóò nɔ vɛlɛ vanaa vàá a vanaa tɔalaa n'rɛsɛnnda o pembon coo a o tàndá Karmɛl-lo nin, kani ndóò yeema bɔɔ vali yondoo.

2Masaa 3:4

Mesa, masa va Moab-o ndóò nɔ cɔlua taw. Vɔsi oo vɔsi saa téndéa vaalan kɛmɛ a saa kóndóa vaalan kɛmɛ a yiiŋii ndɛi ndóò mal muloo masaa Israɛl o ba ni.

1Samiɛl 25:2

Langbanɔɔ pum va icali Maɔn, ndóò nɔ ɲɛm ndɔn sɔlan Karmɛl. Vana bolofaa bɛndoo langbanɔ kon va ni, saa vàálan tan yáá a cuinnda vàá pilɛ va ndu o ba ni. Mó kɔa Karmɛl le saa ndɔa yiinde kilio.

Masaa kialaa n'yamaa 6:5

Kani te ndáà cɛn pɛ hunɔɔ, ndáà hin a cɔlua ndaa a á cɛila-kolala-toandaala ndalan. Sɛ́lɛ́ bɛndu-bɛndoo pila ndáà hun ni maa n'sóónɔ. Nda pila a ɲɔɔmɛaa ndaa, vanáà nɔla nda cii cɔm te. Le lɛŋnden tɛɛmbuuo ndáà hun lenin ni.

O Kandɔɔ 34:23

O kon saa ndaa, cuinaa ndaa, ɲɛm ndan sɔlan a cɔlua ndaa tɔ̀a kpow a siŋnun sumialii naa. Lelan, n cɛlnun sɔɛi nda dimi-e haliko ma cal naa tɛɛn.»

O Kandɔɔ 25:6

Mó yɔngu vɛlɛ poaa ndɔa o velu a laandua celennda-a ɲɛm ndɔn n'pum. Kɛ telen o va yoomu-o, mó faŋa nda Isaak po ndɔ ikɛi few-few. Mó yaa nda o lɛŋnde celen nin a ba paalen le can-ndo.

Masaa kialaa n'yamaa 8:10

Seba nda Salmunna vannun Karkɔr, vanaa ndaa cɔwva va nda ikɛi lon le vaalan tɔ́ a laŋuɛɛnu. Nda kínɛí ndáà lo o vanaa cɔvaa kelaa fula a ba paalen le can-ndo-a tɛɛn n. Kani vanaa cɔwva vaalan kɛmɛ a bidiin ndáà vi o cɔwvo ni.

Masaa kialaa n'yamaa 7:12

Madiannda, Amalɛkea a vanaa kelaa fula a ba paalen le can-ndo-a va a tivaa sɔ́ o dɛɛlaa nin, vanáà ce nda pɛ aa sóónɔa kunda bɛndua ni. Ɲɔɔmɛɛa ndaa ndáà cuu cɔm te, nda va sɛ́lɛ́ maa sióónndon o mɛmma ihɛllan kɔngɔ.

1Samiɛl 27:9

Mí David diw vanaa o va delɔɔ coo a cɔwvo o lɛŋnde len nin-nda kpow, o ve vana-vana mɛi yoomu le, vanapɔnɔ ni vanalanɔ ni. O va vɛlɛ cɔlua pɔmbɔa a cɔlua bɛndua kpow poondiaa, mò muungun o Akis lo: saa, nawva, sofɛlɛa, ɲɔɔmɛɛa a volɔɔla cuɛinanndan.

SƐBƐ YƆB-O 1:4

Poaa ndɔa ndáà dema kafolan tosa o la nda lo cɛinin vellaa-velle. Ndáà cii pɛ kafoo tosa o ò pilɛ lo ndáà kɔ tosa vɛlɛ o ò celen ndo. Ndáà cɛn pɛ kɔlan, ndáà yoongu yemaa ndaa yáá-a le kɔlan dioo a kolɔɔ latulu.

SƐBƐ YƆB-O 1:10

O co nɔm te co ndu pila, cɛi ndɔɔ a ɲɛ-ɲɛ co ndu o ba kandaa ba-ba fee le? A dɔw kɛvalta ndɔlan duaa, cɔlua ndɔa co kuiyo vɛɛlɛ̀-vɛɛlɛ̀ o lɛŋnde len nin.

SƐBƐ YƆB-O 21:28

La co dimio aa: ‹Ɔ́ɔ̀ cɛi vana latɔ́ɔ́-tɔ́ɔ́ ho? Ɔ́ɔ̀ cɛi-kola-toandaa vanaa tosaa dɛnnda vɔɔnda va nin-ndo?›

SƐBƐ YƆB-O 31:25

Te i dɔwnun pɛ ɲaale le bolofaa ni bɛndoo, a le mɛɛ ɲɛ-sɔlaa ya nɔ-o co taw yɛ,

SƐBƐ YƆB-O 31:37

mì downun ndu Hala kona a dɛnnda nilan kpow o kɔɔ, mì kɔɛ ndu ikɛi a hɔlaa helaa maa cua lemasa.

SƐBƐ YƆB-O 42:10

Yɔb ciiyo Hala piɛiyo le caaŋaa ndɔa, mí Mɛlɛka mingi ndu mɛɛ o va paandu yɛ. Mó ke Yɔb ɲɛm sɔlan bɛmbɛ lediin hiovɔɔ o n'paandon coo.

Yeremi 49:28

Sɔɛi dimin le Arabua co Kedar-a a le masɛi Hatsɔr-e, i Nebukanɛsar masaa Babilɔn nɔla-e co hee ni. Diom Mɛlɛka dimi-o co hoo ni aa: «La cɔn mì la kuel Kedar, mì la tɛɛmbuu ɲɛ-ɲɛ fee, ɲɛm vanaa co icali lon o lɛŋnde veselɛilen nin-nda pɛɛn.

O Kandɔɔ 24:35

Mɛlɛka dɔw vana ni bɛndoo Abraham duaa háá mó sɔla bolofaa taw. O yɔngu ndu saa, cuinnda a nawva, volion, sianion, buɛyaa piaandua a à laandua, ɲɔɔmɛɛa a sofɛlɛa.

O Kandɔɔ 32:14

Mí Yakɔb lɔl icɔl kon o fonda kon, mó hɛli ɲɛ ndóò yeema le Esau bɛ ndɔ yoo-o o ɲɛm va ndu o ba-on nin.

2Samiɛl 12:2

Vana bolofaa ndóò nɔ nawva, saa a cuinnda taw-taw.

2Masaa 15:20

Vanaa bolofaa va o lɛŋnden nin-nda o ba Menahɛm bii volin mun ni le masaa Asiri mun yɔngoo. Vana-vana volin latámán beleŋuɛɛnu. O kon, mí masaa Asiri muungun o ndu lo, o lo o lɛŋnde Israɛl-ten nin te.

1Dɛnnda lemasalan 27:30

Obil Ismaɛlnɔ ndóò nɔ hɔlten o ɲɔɔmɛɛa coo ni. Yedia fula Meronɔt-o ndóò nɔ hɔlten o sofɛlɛa coo ni.