SƐBƐ YƆB-O 1:1 - BII BILA

¹ Langbanɔ pilɛ va o lɛŋnde Us len nin diolan aa Yɔb. Vana sandaa o va ni, ndóò yeema dɛnɛ sandaa taw. Ndóò nɔ siòòŋii Hala-e, o va dɛnɛ vɔɔndo kpakpalaa.

SƐBƐ YƆB-O 1:1 Referans Kwoze

Nsaki 5:11

La tofa vɔ, n cua nda maa vanaa sɔla dɛnɛ kɛndɔɔ-a nda co ni, vanaa bii kpáŋ má lo lecoo-a pɛɛn. La tuei a biuvɔn Yɔb-o o kɔɔ, la ce ɲɛ Mɛlɛka yɔngu ndu o mɛɛlulan-ndo, kani vana iɲííyo a vana ikɛndɔɔ Mɛlɛka co ni.

Esekiɛl 14:14

te vanaa yáá-a ha: Noe, Daniɛl a Yɔb a va pɛ nda tɛɛn, nda pila kínɛí baŋanin yoomula ndalan le dɛnɛ nda sandaa ni. Ya Maalii, ya co Mɛlɛka-o soo nuaa ni.

Esekiɛl 14:20

hali vanaa yáá-aa kan: Noe, Daniɛl a Yɔb a va bɛɛ o lɛŋnde len nin, i co yoomu! Ya Maalii mɛnan nuaa ni, ya Mɛlɛka pɛɛn, a nɔlanin poaa ndaa te kon te cuavaa ndaa laandua baŋa le. Kɛ nda pila baŋanin yoomula ndalan le dɛnɛ nda sandaa ni.

SƐBƐ YƆB-O 28:28

O kon kɔɔli, mó dimul vanacieo aa: ‹Siòòŋii Mɛlɛka-e nɔu, kon co kɔlkaloo ni! Dɛnɛ vɔɔndo kpakpalaa, dɛnɛ sinaa co kon ni!›»

SƐBƐ YƆB-O 2:3

Mí Mɛlɛka dimul ndu aa: «Vɛ̀ɛ̀ a dɔw pá Yɔb, vana ni baalaa, taasi? Vana-vana co maa ndu o lɛŋnden coo le, vana sakpoo a vana sandaa o co ni. O nɔ siòòŋii Hala-e o kpakpalà dɛnɛ vɔɔndo. Vana sim yili o dɛnɛ sandaa coo-o o co ni. Fondo fúú koni n ɲindu ya le ndu saangiaa ni.»

SƐBƐ YƆB-O 1:8

Mí Mɛlɛka ɲuna ndu aa: «Vɛ̀ɛ̀ a dɔw pá Yɔb, vana ni baalaa, taasi? Vana-vana co maa ndu o lɛŋnden coo le, vana sakpoo a vana sandaa o co ni. O nɔ siòòŋii Hala-e o kpakpalà dɛnɛ vɔɔndo.»

O Kandɔɔ 6:9

Polale Noe len le yɔŋnun nden ni, ndóò velu poaa nda yáá: Sɛm, Ham a Yafɛt. Vana sandaa a vana diandaa Noe yɔŋnun vanndacieea tɛɛn o paale ndɔlen ni, o va kelaa o nɛi Hala-o coo.

Luke 1:6

Vanaa sandaa vanaa ŋiɔŋaa kan kpow a yɔŋnun Hala o hɔl ni, a va vɛlɛ tɔŋndan a tanala Mɛlɛka lan biyɔɔ ɲɛkɛndɛi.

Talelan 8:13

Siòòŋii Mɛlɛka-e nɔu, dɛnɛ vɔɔndo kɛɔ co kon ni. Lelan yongaa, kuundianndo, dɛnnda vɔɔnndan a còòlan la hɛnan ya le.

O Kandɔɔ 22:12

Mí mɛlɛkanɔɔ dimul ndu aa: «Hol poombɔɔ baa le. Yɔŋ ndu ɲɛ-ɲɛ vɔɔn te. I sina nihau válán maa a nɔ siòòŋii Hala-e, kani a túŋ ya pole nɔmnde pilɛlen nden te.»

O Kandɔɔ 17:1

Vɔsi Abram suili vɔsilan belaŋɔmahiɔɔlu a laŋɔmahiɔɔlu-o, mí Mɛlɛka cɔmnun ndu, mó dimul ndu aa: «Ya co Hala Vana-Kpaayaa-Kpow ni. Kela kela kɛndɔɔ ya o hɔl, mà tosa ɲɛ hɛnan ya-o.

Cɛɛŋɔnnda Yeremi lan 4:21

Niaa Edɔmnda, la dɔwnun ɲaale alɛ. Niaa vanaa co icali o lɛŋnde Ut len nin-nda, niaa bɛɛ, taala kólaa iyamaa co niaa komal mì la kol lenin, mò bii niaa maa mamɔi, mì la fulan tum fondo kpedekele.

Talelan 16:6

Vana nɔla biondɔnndo toosiaa a vanakɛndɛyɛi a á sakpoyɛi. A siòòŋii Mɛlɛka-e vana nɔla dɛnɛ vɔɔndo kpakpalaa.

2Masaa 20:3

«Éé Mɛlɛka! Loonun a kela sandaa ya kela nɔm o hɔl-lo, loonun a dɛnnda kɛndɛla ya tosa nɔm o hɔl-tan.» Mí Esekia caŋ fúkpàà-fùkpàà.

1Piɛr 3:11

O bɛnda mò kpakpala dɛnɛ vɔɔndo, mò tosa o kɛndɔɔ, mò nuwviaa dɛnɛ kɛndɔɔ, mò tol ndu kɔɔli.

Yeremi 25:20

kɔ bii niko a vanaa yɛ́-yɛ́a co o lɛŋnde Esipte len nin-nda, masaa co o lɛŋnde Ut len nin-nda, masaa Filistia co Askelɔn, Kaasa, Ekrɔn a Asdɔd-a,

1Dɛnnda lemasalan 1:42

Poaa Esɛr-a yɔŋnun Bilan, Saavan a Yaakan ni. Mí Disan ndu vialu Ut a Aran.

1Dɛnnda lemasalan 1:17

Poaa Sɛm-nda yɔŋnun Elam, Asur, Arpaksad, Lud, Aram, Ut, Hul, Ketɛr a Mesɛk ni.

Fulaa 18:21

Le sɔɔn tɔ̀un yɛ, ó vannda ha kpow tɛɛn, hɛli vanaa nɔ diola kɛndɛlan-nda, a nɔ siòòŋii Hala-e-a, a nɔ toɲaa-a, vanaa vana nɔla n'sɔɔ pei nin te-a, ma siinguu nda simlacia o kundala vannda co nin vaa-vaa, kɛmɛ-kɛmɛ, beleŋuɛɛnu-beleŋuɛɛnu, a o kundala n'van tɔ́-tɔ́ lan coo.

O Kandɔɔ 36:28

Poaa Disan-nda yɔŋnun Ut nda Aran ni.

O Kandɔɔ 10:23

Poaa Aram ndu velu-a va Ut, Hul, Ketɛr a Mas ni.

O Kandɔɔ 42:18

O paale yàándɔlen, mó dimul nda aa: «La tosa ɲɛ ya dimul niaa-o mì la baŋa yoomu niaa, kani vana ke Hala bɛɛlen-ndo ya co ni.

Tɔŋ miingua 18:13

Lelan niaa, la va a mandaa le Mɛlɛka Hala niaa.

SƐBƐ YƆB-O 4:6

Laalan nɔmndo co macoaa kɔlkɛsiaa nɔmndo le? Vɛ̀ɛ̀ tiindan nɔmndo le co dɛnɛ sakpoyɛi le?

SƐBƐ YƆB-O 9:21

Vɛ̀ɛ̀ i tɛɛmbuu isɔɔ le? Ya pila sina lɛhau ken te! Kani yoomu nuu bɛɛ fula ya nihau iyeema.

Talelan 3:7

Nɔm pila cánnùn vana kɔlkalu le, kɛ nɔ siòòŋii Mɛlɛka-e mà kpakpala dɛnɛ vɔɔndo.

Talelan 14:2

Vana kela pɛ o sandei nin ndu ke Mɛlɛka bɛɛlen, kɛ vana kela pɛ o laasianndo nin mɛɛ ndu luei Mɛlɛka yii le.

Talelan 14:16

Vana kɔlkaloo nɔ siòòŋii dɛnɛ vɔɔndo, lelan o kpakpala ndu ni. Kɛ diɔm sondo vesɛiyo ndu nɛi bollen vow o dɛnɛ nin te, kani o laalan a ndu pila.

Talelan 16:17

Vanaa sandaa kpakpala dɛnɛ vɔɔndo o kelaa nin ni. Vana dɔw pɛ kela ndɔ ndu pila-o taasi o kanda yoomu ndɔɔ.

Talelan 20:7

Vana sandaa co kelaa o sandei nin, dɛnɛ kɛndɔɔ vanin le cuavaa ndɔa o mɛinin-nda.